Génesis 24:44 - Mixteco del suroeste de Tlaxiaco Oaxaca

⁴⁴ jee naxiníkó ña nu̱u̱nꞌ ni̱ꞌ: “Koꞌo nú nute, jee suni tavaꞌ ni̱ꞌ nute sáva koꞌo rá kameyúꞌ nú”, kachiꞌ ña nu̱u̱nꞌ ni̱ꞌ, jee ñaꞌan yaꞌá kuvi ñaꞌan ya̱ nka̱ji nú ya̱ kuvi ña ñasɨ́ꞌɨ́ se̱ꞌya i̱toꞌoꞌ ni̱ꞌ Abraham.”

Génesis 24:44 Iomraidhean Croise

Génesis 2:22

Jee jín yɨkɨ íkáꞌ ya̱ ntavaꞌ I̱toꞌoꞌ‑ó Ndiosíꞌ i̱ka̱ꞌ ñɨvɨ vá jee nsa̱ꞌá re̱ꞌ ɨɨn ñaꞌan, jee ña̱na̱ka re̱ꞌ ña nu̱u̱nꞌ ñɨvɨ vá.

Génesis 24:14

Jee saꞌá nú ya̱ máá ñaꞌan súchí ya̱ kachiꞌ ni̱ꞌ nu̱u̱nꞌ ña: ‘Kova̱ꞌa xá iniꞌ nú, xinúun nú ki̱yɨ nute nú, sáva koꞌo ni̱ꞌ nute’, kachiꞌ ni̱ꞌ nu̱u̱nꞌ ña, jee naxiníkó ña nu̱u̱nꞌ ni̱ꞌ: ‘Koꞌo nú nute, jee suni ku̱ꞌva ni̱ꞌ nute koꞌo rá kameyúꞌ nú’, kachiꞌ ña nu̱u̱nꞌ ni̱ꞌ, jee ñaꞌan yaꞌá ví ya̱ nka̱ji nú ya̱ kuvi ña ñasɨ́ꞌɨ́ musúꞌ nú Isaac, jee suꞌva kukáꞌnú na̱a̱ꞌ iniꞌ ni̱ꞌ ya̱ koo ma̱ni̱ꞌ iniꞌ nú kune̱ꞌyá nú i̱toꞌoꞌ ni̱ꞌ Abraham”, nkachiꞌ musúꞌ vá nu̱u̱nꞌ Ndiosíꞌ ni nna̱kuetu‑u.

Génesis 24:43

jee íñɨ́ ni̱ꞌ yaꞌá nu̱u̱nꞌ káku nute, jee jíkánꞌ táꞌvíꞌ ni̱ꞌ nu̱u̱nꞌ nú ya̱ kuvi yaꞌá: ya̱ ñaꞌan súchí ya̱ kiji kitavaꞌ nute jín ya̱ kachiꞌ ni̱ꞌ nu̱u̱nꞌ ña: “Kova̱ꞌa xá iniꞌ nú taji nú ntíꞌ nute ñuꞌun iniꞌ ki̱yɨ nú koꞌo ni̱ꞌ”, kachiꞌ ni̱ꞌ nu̱u̱nꞌ ña,

Génesis 24:45

’Jee ne̱ ntiáꞌan ka̱ꞌ nɨꞌɨ ni̱ꞌ kaꞌanꞌ ni̱ꞌ iniꞌ ánímaꞌ ni̱ꞌ nu̱u̱nꞌ Ndiosíꞌ, jee niniꞌ ni̱ꞌ Rebeca va̱ji ña yósóꞌ súkún ña ki̱yɨ ña, jee va̱ji kuun ña nu̱u̱nꞌ káku nute jee ntavaꞌ ña nute, jee nkachiꞌ ni̱ꞌ nu̱u̱nꞌ ña: “Kova̱ꞌa xá iniꞌ nú taji nú ntíꞌ nute koꞌo ni̱ꞌ”, nkachiꞌ ni̱ꞌ nu̱u̱nꞌ ña.

1 Timoteo 2:10

Soo sikútú ráa maáráa jín rá tiñu váꞌa sáꞌá ráa, na̱kua̱ꞌ sáꞌá ɨɨn ñaꞌan ya̱ jiáꞌayuꞌú ña yɨ́tíñú ña nu̱u̱nꞌ Ndiosíꞌ.

Hebreos 13:2

Jee koto náánꞌ iniꞌ rán ya̱ ku̱ꞌvanúún rán veꞌi rán kino̱o rá ñɨvɨ sáá jíniñúꞌún‑u nu̱u̱nꞌ kino̱o‑o. Chi jie̱ꞌe̱ꞌ vá, jee íyó ñɨvɨ káꞌvi ni ya̱ njia̱ꞌanúún ráa veꞌi ráa nu̱u̱nꞌ rá najiáꞌáꞌ ííꞌ Ndiosíꞌ nkino̱o rává sú ntu jíníꞌ ráa maa.

1 Pedro 3:8

Jee nu̱u̱nꞌ nɨꞌɨ ɨɨn nuún ni kuꞌun iniꞌ ɨɨn inka ntáká rán, kunáꞌví iniꞌ rán táꞌán rán ré na̱kuáꞌ nóꞌo‑o, kunu̱u̱nꞌ rán ɨɨn inka ñanitáꞌán rán, kuñunkúún iniꞌ ánímaꞌ rán jee kuꞌun láꞌví iniꞌ rán.