Génesis 15:13 - Mixteco del suroeste de Tlaxiaco Oaxaca

¹³ Jee nkachiꞌ Ndiosíꞌ nu̱u̱nꞌ Abram: ―Kuniꞌ nijia nú ya̱ rá ichiyúkúnꞌ ya̱ kene nu̱u̱nꞌ nú kuvi ráa to̱ꞌo̱ꞌ kuneeꞌ ráa inka ñuunꞌ ya̱ ntu kúvi ñuunꞌ ráa. Jee satíñú ráa nu̱u̱nꞌ rá ñɨvɨ ñuunꞌ vá jee kuvi ráa musúꞌ keꞌen ñɨvɨ, jee koto u̱ꞌvi̱ꞌ rá ñɨvɨ vá ráa ku̱mi̱ꞌ sientúꞌ (400) kui̱ya̱ꞌ.

Génesis 15:13 Iomraidhean Croise

Génesis 15:16

Jee jia̱ꞌa ku̱mi̱ꞌ sientúꞌ (400) kui̱ya̱ꞌ ya̱ kueꞌnu ráa yukuán jee nanikó i̱i̱ꞌ rá se̱ꞌya ichiyúkúnꞌ nú nu̱u̱nꞌ ñuꞌun yaꞌá, chi ntiáꞌan kenta chitú kua̱chi sáꞌá rá ñɨvɨ amorreo ya̱ ntiáꞌan kenta tiempúꞌ xinóꞌo ni̱ꞌ ráa ―nkachiꞌ Ndiosíꞌ nu̱u̱nꞌ Abram.

Génesis 17:8

Jee taji ni̱ꞌ nu̱u̱nꞌ nú jín nu̱u̱nꞌ ichiyúkúnꞌ nú ya̱ kiji tiempúꞌ ichinúúnꞌ ñuꞌun nu̱u̱nꞌ nééꞌ nú kuéntáꞌ to̱ꞌo̱ꞌ, ya̱ kúvi nɨꞌɨ nu̱u̱nꞌ ñuꞌun Canaán sáva kuvi ñuꞌun ráa nɨ́ɨ́nkání. Jee kuvi ni̱ꞌ Ndiosíꞌ ráa ―nkachiꞌ Ndiosíꞌ nu̱u̱nꞌ Abraham.

Génesis 47:4

Jee nkachiꞌ ráa ka̱ꞌ nu̱u̱nꞌ Faraón: ―Va̱ji ránꞌ sáva kino̱o ránꞌ nu̱u̱nꞌ ñuunꞌ yaꞌá, chi ntu̱ví iteꞌ sáva kajiꞌ rá sa̱na̱ꞌ ránꞌ, ya̱ kúvi rán musúꞌ nú, chi kútámá víꞌí nu̱u̱nꞌ ñuunꞌ Canaán. Saáva kova̱ꞌa xá iniꞌ nú taji nú ya̱ kino̱o ránꞌ kuneeꞌ ránꞌ nu̱u̱nꞌ ñuꞌun sánitɨ́ɨn Gosén.

Hechos 7:17

’Sáá va̱kuyatin tiempúꞌ sikúnkuvi Ndiosíꞌ tu̱ꞌun ya̱ nchi̱sóyuꞌú‑u jín ya̱ nsa̱náaꞌ‑a tu̱ꞌun nkachiꞌ‑i nu̱u̱nꞌ Abraham, jee nkenta nku̱kueꞌeꞌ víꞌí ka̱ꞌ ichiyúkúnꞌ nkene nu̱u̱nꞌ re̱ꞌ iniꞌ nación Egipto.

Gálatas 3:17

Yaꞌá ví ya̱ káchíꞌ ni̱ꞌ: Xíꞌna ka̱ꞌ nsa̱náaꞌ Ndiosíꞌ tratúꞌ nsa̱ꞌá re̱ꞌ jín Abraham. Ña̱re njia̱ꞌa Ndiosíꞌ tu̱ꞌun ley nu̱u̱nꞌ Moisés ku̱mi̱ꞌ sientúꞌ o̱ko̱ꞌ u̱ji̱ꞌ (430) kui̱ya̱ꞌ kuéé ka̱ꞌ. Saájee ntu síkɨ́kui̱ñɨ̱ꞌ ley tratúꞌ ya̱ nsa̱ꞌá Ndiosíꞌ xíꞌnañúꞌún ka̱ꞌ. Ni ntu síjíta‑a ya̱ nchi̱sóyuꞌú Ndiosíꞌ.