Gálatas 4:5 - Mixteco del suroeste de Tlaxiaco Oaxaca

⁵ Nsa̱ꞌá Ndiosíꞌ suꞌva sáva nchu̱náán nkáꞌnú Jesús nu̱u̱nꞌ re̱ꞌ jie̱ꞌe̱ꞌ kua̱chi rá ñɨvɨ yɨ́ꞌɨ́ chi̱ji ley vá, sáva sikáku re̱ꞌ ráa sáva nakui̱ñɨ̱ꞌ núne ráa nu̱u̱nꞌ ley vá, sáva ni̱ꞌi̱nꞌ ránꞌ ya̱ nna̱tɨɨn kuéntáꞌ re̱ꞌ ránuꞌuꞌ ya̱ kúvi ránꞌ se̱ꞌya re̱ꞌ.

Gálatas 4:5 Iomraidhean Croise

Mateo 20:28

kuéntáꞌ nuꞌuꞌ, ya̱ ntaji Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ. Nsáꞌ váji ni̱ꞌ sáva kɨtíñú rá ñɨvɨ nu̱u̱nꞌ ni̱ꞌ, chisaꞌ va̱ji ni̱ꞌ sáva kɨtíñú ni̱ꞌ nu̱u̱nꞌ rá ñɨvɨ. Jee va̱ji ni̱ꞌ sáva ku̱ꞌva ni̱ꞌ maáníꞌ kuviꞌ ni̱ꞌ sáva chunáán nkáꞌnú ni̱ꞌ maáníꞌ nu̱u̱nꞌ Ndiosíꞌ sáva nakani núne ni̱ꞌ kue̱ꞌe̱ꞌ ñɨvɨ nkɨ́ꞌɨ ráa xi̱ntíín kua̱chi ráa xinánitáꞌvíꞌ ni̱ꞌ ráa ―nkachiꞌ Jesús.

Lucas 1:68

Na̱ ka̱ꞌ netuꞌ ka̱ꞌ kúvi I̱toꞌoꞌ‑ó ya̱ kúvi re̱ꞌ Ndiosíꞌ rá ñɨvɨ ñuunꞌ‑ó Israel, chi nkiaaꞌ re̱ꞌ nchi̱neí re̱ꞌ yó ya̱ kúvi‑ó ñɨvɨ re̱ꞌ, jee nna̱kani núne re̱ꞌ yó nu̱u̱nꞌ tu̱nóꞌó nóꞌo‑ó.

Juan 1:12

Soo nta̱ká rá ñɨvɨ ya̱ nákuatáꞌví ráa re̱ꞌ, ya̱ kúneí iniꞌ ráa re̱ꞌ, jee jiáꞌayuꞌú re̱ꞌ ni̱ꞌi̱nꞌ ráa kuvi ráa se̱ꞌya Ndiosíꞌ.

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

Romanos 10:4

Chi Cristo ví ya̱ nsi̱kúnkuvi nɨꞌɨ ya̱ kuíni Ndiosíꞌ saꞌá‑a jín ley Moisés, sáva nta̱ká rá ñɨvɨ ya̱ kúneí iniꞌ ráa Cristo jee kino̱o na̱a̱ꞌ ráa nu̱u̱nꞌ Ndiosíꞌ.

Romanos 8:14

Chi ntáká rá ñɨvɨ ya̱ jiáꞌnu ráa sáni chúꞌun Ta̱chi̱ꞌ Ííꞌ Ndiosíꞌ ichi ráa, jee suviráa vá kúvi se̱ꞌya Ndiosíꞌ.

Romanos 8:15

Chi nsáꞌ nníꞌinꞌ rán ɨɨn ta̱chi̱ꞌ ya̱ sáꞌá‑a ya̱ kuvi tuku rán kuéntáꞌ musúꞌ kéꞌen ñɨvɨ ya̱ yɨ́ꞌɨ́ rán xi̱ntíín nu̱u̱nꞌ chuyúꞌví iniꞌ rán. Chisaꞌ nni̱ꞌi̱nꞌ rán Ta̱chi̱ꞌ Ííꞌ ya̱ nákeꞌen re̱ꞌ yó nuvi‑ó se̱ꞌya Ndiosíꞌ. Jee Ta̱chi̱ꞌ Ííꞌ yaꞌá sáꞌá ya̱ káchíꞌ‑ó nu̱u̱nꞌ Ndiosíꞌ: “¡Tááꞌ ni̱ꞌ!”

Romanos 8:19

Chi ntáká ya̱ nsa̱ꞌá Ndiosíꞌ nétu numíjiꞌíꞌ ráa ya̱ nasaꞌá Ndiosíꞌ yó ya̱ kájíkuitɨꞌ tu̱vi‑ó sukuán ya̱ kúvi nijia‑ó se̱ꞌya re̱ꞌ.

Romanos 8:23

Soo nsáꞌ kua̱chi ñɨ̱vɨ́ yaꞌá nóꞌo sukuán, chisaꞌ suni máá maáórán ranika̱ꞌ nóꞌo‑órán sukuán. Yɨ́ꞌɨ́ Ta̱chi̱ꞌ Ííꞌ iniꞌ‑ó jee kúvi re̱ꞌ ya̱ xíꞌnañúꞌún nu̱u̱nꞌ saꞌ víꞌí káꞌ ni̱ꞌi̱nꞌ‑ó. Saáva suni tána kuéká‑ó iniꞌ maáó chi nétu numíjiꞌíꞌ‑ó ya̱ saꞌá Ndiosíꞌ nɨꞌɨ jie̱ꞌe̱ꞌ nna̱keꞌen Ndiosíꞌ yó kuvi‑ó se̱ꞌya re̱ꞌ, chi nakani núne re̱ꞌ yɨkɨkúñu‑ó sáva ntívɨ́‑ɨ ka̱ꞌ jee nasaꞌá jiáá re̱ꞌ maa.

Gálatas 3:13

Cristo nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi sáꞌá‑ó, sáva nakani núne re̱ꞌ yó nu̱u̱nꞌ ya̱ chísónínu tu̱ꞌun ley yó. Chi nkenta nyosoni̱nu re̱ꞌ sáva kuvi ya̱ váꞌa nu̱u̱nꞌ‑ó, chi níso nu̱u̱nꞌ Tutuꞌ Tu̱ꞌun Ndiosíꞌ ya̱: “Yósóni̱nu nta̱ká ñɨvɨ níntakaa nu̱u̱nꞌ yutun.”

Gálatas 3:26

Jee nta̱ká ránoꞌó ví nijia se̱ꞌya Ndiosíꞌ jie̱ꞌe̱ꞌ ya̱ kúneí iniꞌ rán Cristo Jesús jee yɨ́ꞌɨ́ rán chi̱ji naꞌá re̱ꞌ.

Gálatas 4:21

Suvirán ya̱ kuíni rán kɨꞌɨ rán xi̱ntíín tu̱ꞌun nta̱túníꞌ Ndiosíꞌ nu̱u̱nꞌ Moisés, jee kachiꞌ rán nu̱u̱nꞌ ni̱ꞌ: ¿Á ntu ntɨɨn kuéntáꞌ rán ya̱ káchíꞌ tu̱ꞌun vá nta̱túníꞌ Ndiosíꞌ, rúsa?

Gálatas 4:7

Saáva jie̱ꞌe̱ꞌ ya̱ nsa̱ꞌá Ndiosíꞌ, ntu kúvi‑órán ka̱ꞌ ɨɨn musúꞌ, soo kúvi‑ó se̱ꞌya re̱ꞌ. Jee nu̱u̱nꞌ kúvi‑ó ɨɨn se̱ꞌya re̱ꞌ, jee ni̱ꞌi̱nꞌ‑ó ta̱ꞌvi̱ꞌ táji Ndiosíꞌ jie̱ꞌe̱ꞌ Cristo.

Efesios 1:5

jee saá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ nakeꞌen re̱ꞌ yó sáva kuvi‑ó se̱ꞌya re̱ꞌ jie̱ꞌe̱ꞌ ya̱ nsa̱ꞌá Jesús ya̱ kúvi Cristo. Nkuna̱a̱ꞌ ya̱chi̱ꞌ iniꞌ re̱ꞌ saꞌá re̱ꞌ suꞌva sánikua̱ꞌ nkuini re̱ꞌ sáni kúváꞌa iniꞌ re̱ꞌ.

Efesios 1:7

Jee ni̱ꞌi̱ꞌ Cristo nu̱u̱nꞌ kurúsiꞌ jee ñatɨ ni̱ñɨ̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi‑ó sáva nakani núne re̱ꞌ yó ya̱ nkɨ́ꞌɨ‑ó ka̱ꞌ nu̱u̱nꞌ kua̱chi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo. Jee suꞌva nékáꞌnú iniꞌ Ndiosíꞌ yó, sánikua̱ꞌ ntántúníꞌ nasɨ́kuitɨꞌ íyó mániꞌ iniꞌ re̱ꞌ néꞌyá re̱ꞌ yó,

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

Hebreos 9:12

Chisaꞌ Cristo jee nki̱vɨ re̱ꞌ Nu̱u̱nꞌ Ííꞌ Nasɨ́kuitɨꞌ Ka̱ꞌ ya̱ íyó antivɨ́, soo nsú jín sáva so̱ko̱ꞌ re̱ꞌ ni̱ñɨ̱ꞌ rá chuvátúꞌ lúlí jín rá chelu yɨ́ɨ́, chisaꞌ jín sáva so̱ko̱ꞌ re̱ꞌ ni̱ñɨ̱ꞌ maáréꞌ jie̱ꞌe̱ꞌ ya̱ níꞌiꞌ re̱ꞌ. Jee nki̱vɨ re̱ꞌ yukuán métúꞌún ɨɨn ni íchí nu̱u̱nꞌ ntáká tiempúꞌ. Jee sukuán nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi‑ó sáva ni̱ꞌi̱nꞌ re̱ꞌ ya̱ nakui̱ñɨ̱ꞌ núne‑ó nu̱u̱nꞌ kua̱chi‑ó nɨ́ɨ́nkání.

Hebreos 9:15

Saáva, níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ya̱ yɨ́tíñú re̱ꞌ nu̱u̱nꞌ Ndiosíꞌ jín nu̱u̱nꞌ ñɨvɨ. Chi ni̱ꞌi̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ sáva nakani núne re̱ꞌ rá ñɨvɨ nu̱u̱nꞌ kua̱chi nsa̱ꞌá rá ñɨvɨ sáá nyɨ̱ꞌɨ ráa chi̱ji tratúꞌ xíꞌnañúꞌún, sáva rá ñɨvɨ ya̱ nkana Ndiosíꞌ ni̱ꞌi̱nꞌ ráa ta̱ꞌvi̱ꞌ ya̱ koo nɨ́ɨ́nkání, ya̱ yukuán vá nchi̱sóyuꞌú re̱ꞌ.

1 Pedro 3:18

Chi suni íyó nijia ya̱ Cristo nnoꞌo re̱ꞌ jee ɨɨn íchíni ni̱ꞌi̱ꞌ re̱ꞌ nchu̱náán re̱ꞌ nu̱u̱nꞌ rá kua̱chi rá ñɨvɨ íyótiñu‑u nɨ́ɨ́nkání. Súka̱ꞌ te̱e na̱a̱ꞌ kúvi re̱ꞌ ntu kuáchi re̱ꞌ, soo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rá ñɨvɨ ya̱ ntu kúvi ñɨvɨ na̱a̱ꞌ, sáva na̱siáꞌa re̱ꞌ yó nu̱u̱nꞌ Ndiosíꞌ. Jee súka̱ꞌ ni̱ꞌi̱ꞌ nijia re̱ꞌ sáá ntekuꞌ re̱ꞌ jín yɨkɨkúñu re̱ꞌ, soo nna̱tekuꞌ i̱i̱ꞌ tuku re̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

Apoclipsis 14:3

Jee jíta ráa ɨɨn yaaꞌ jiáá ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jín nu̱u̱nꞌ ni kúmíꞌ rá tékúꞌ, jín nu̱u̱nꞌ ni ókóꞌ ku̱mi̱ꞌ (24) rá te̱e ñáꞌnú nísotíñú. Jee ni ɨɨn ntu kúvi kutu̱ꞌva yaaꞌ vá, chisaꞌ kútúꞌva kua̱chi rá sientúꞌ u̱vi̱xiko ku̱mi̱ꞌ mil (144,000) ñɨvɨ maa, ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ.

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.