Gálatas 1:16 - Mixteco del suroeste de Tlaxiaco Oaxaca

¹⁶ stúvi re̱ꞌ Se̱ꞌya re̱ꞌ nu̱u̱nꞌ ni̱ꞌ, sáva stekútu̱ꞌún ni̱ꞌ jie̱ꞌe̱ꞌ vá nu̱u̱nꞌ rá ñɨvɨ ntu kúvi Israel. Sáá nsa̱ꞌá re̱ꞌ suꞌva, jee ntu kuísá níkátu̱ꞌún ni̱ꞌ inka ñɨvɨ jie̱ꞌe̱ꞌ tu̱ꞌun vá.

Gálatas 1:16 Iomraidhean Croise

Mateo 16:17

Saájee nkachiꞌ Jesús: ―Na̱ ka̱ꞌ netuꞌ ka̱ꞌ kúvi nú Simón, se̱ꞌya Jonás, chi ni ɨɨn ñɨvɨ ñunéꞌyúꞌ ntu̱ví nstúvi maa nu̱u̱nꞌ nú, chisaꞌ máá Tátáꞌ ni̱ꞌ Ndiosíꞌ ya̱ nééꞌ re̱ꞌ antivɨ́ súkún, ví ya̱ nstúvi maa nu̱u̱nꞌ noꞌó.

Mateo 26:41

Kunito rán jee ka̱ka̱nꞌ táꞌvíꞌ rán nu̱u̱nꞌ Ndiosíꞌ, sáva koto síkúvi iniꞌ rán kininkava rán nu̱u̱nꞌ xinóo rán ya̱ kuiñɨ ni̱ꞌin rán jín nuꞌuꞌ. Íyó nijia ya̱ ɨɨn ni ñúꞌún káñá ánímaꞌ rán sikúnkuvi va̱ꞌa rán, soo ñunéꞌyúꞌ rán chi táyáꞌ‑a ―nkachiꞌ Jesús.

Hechos 22:21

Jee I̱toꞌoꞌ‑ó nkachiꞌ nu̱u̱nꞌ ni̱ꞌ: “Kuáꞌán, chi tají íká ni̱ꞌ nó nu̱u̱nꞌ rá inka nación ya̱ ntu kúvi Israel”, sukuán nkachiꞌ I̱toꞌoꞌ‑ó ―nkachiꞌ Pablo.

Hechos 5:42

Jee ta ki̱vɨ̱ꞌ iniꞌ veñu̱ꞌun káꞌnú jín ta veꞌi ta veꞌi, ni ntu̱né nsíkɨ́kui̱ñɨ̱ꞌ ráa xínéꞌénꞌ ráa jee stékútu̱ꞌún ráa tu̱ꞌun váꞌa jie̱ꞌe̱ꞌ Cristo Jesús.

Hechos 9:15

Soo nkachiꞌ I̱toꞌoꞌ‑ó nu̱u̱nꞌ re̱ꞌ: ―Kuáꞌán. Chi kúvi re̱ꞌ te̱e nka̱ji ni̱ꞌ sáva kuatíñú ni̱ꞌ maa, sáva kɨ̱ꞌɨ̱nꞌ re̱ꞌ jín tu̱ꞌun jie̱ꞌe̱ꞌ ni̱ꞌ nu̱u̱nꞌ rá ñɨvɨ ntu kúvi Israel, jín nu̱u̱nꞌ rá te̱e ya̱ tátúníꞌ nu̱u̱nꞌ rá ñuunꞌ, jín nu̱u̱nꞌ rá se̱ꞌya tataꞌ ñɨvɨ Israel.

Hechos 9:20

Jee kuíntañúꞌún nste̱kútu̱ꞌún re̱ꞌ jie̱ꞌe̱ꞌ Jesús iniꞌ rá veꞌi sinagoga nu̱u̱nꞌ kútútú rá ñɨvɨ Israel nu̱u̱nꞌ súkuáꞌa ráa Tu̱ꞌun Ndiosíꞌ. Nkachiꞌ re̱ꞌ ya̱ Jesús kúvi Se̱ꞌya Ndiosíꞌ.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

Romanos 11:13

Soo káchíꞌ ni̱ꞌ nu̱u̱nꞌ ránoꞌó ya̱ ntu kúvi rán ñɨvɨ ñuunꞌ Israel: Jie̱ꞌe̱ꞌ ya̱ níso ni̱ꞌ tiñu apóstol ya̱ nchu̱ichí Cristo sáva kachitu̱ꞌún ni̱ꞌ tu̱ꞌun re̱ꞌ nu̱u̱nꞌ ránoꞌó ya̱ ntu̱ví kúvi rán ñɨvɨ Israel, jee nákuetúꞌún ni̱ꞌ tiñu ya̱ ntaji Cristo nu̱u̱nꞌ ni̱ꞌ.

1 Corintios 15:50

Jee ránoꞌó ñaniꞌ jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán, ya̱ yɨkɨkúñu‑ó ya̱ kúmí‑ó iniꞌ ñɨ̱vɨ́ yaꞌá, jee nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ tátúníꞌ Ndiosíꞌ. Jee suni yɨkɨkúñu‑ó ya̱ ti̱vɨ́‑ɨ, jee ntu̱ví ni̱ꞌi̱nꞌ‑i ki̱vɨ‑ɨ nu̱u̱nꞌ nsáꞌ ti̱vɨ́‑ɨ ka̱ꞌ.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

2 Corintios 5:16

Jee saáva, ne̱ vitan ntu̱ví ka̱ꞌ jiáni iniꞌ ráníꞌ jie̱ꞌe̱ꞌ ni ɨɨn ñɨvɨ, sánikua̱ꞌ jiáni iniꞌ rá ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa xi̱ntíín Cristo. Sú ñani iniꞌ ránꞌ sukuán jie̱ꞌe̱ꞌ Cristo, soo ntu̱ví ka̱ꞌ jiáni iniꞌ ránꞌ sukuán jie̱ꞌe̱ꞌ re̱ꞌ.

Gálatas 2:1

I̱ña̱jée njia̱ꞌa u̱xi̱ꞌ ku̱mi̱ꞌ (14) kui̱ya̱ꞌ, jee ña̱ꞌa̱nꞌ tuku ni̱ꞌ ñuunꞌ Jerusalén jín Bernabé. Jee nku̱táꞌán Tito jín ránꞌ.

Efesios 3:1

Jee tu̱ꞌun yukuán kua̱ꞌ ya̱ káchíꞌ kí ni̱ꞌ kúvi jie̱ꞌe̱ꞌ jíkánꞌ táꞌvíꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ránoꞌó. Nuꞌuꞌ, Pablo, yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ Cristo Jesús, ya̱ kúvi ya̱ váꞌa nu̱u̱nꞌ ránoꞌó ya̱ ntu kúvi rán ñɨvɨ Israel.

Efesios 6:12

Chi ntu kántáꞌán‑ó jín ñɨvɨ ñunéꞌyúꞌ, chisaꞌ kántáꞌán‑ó jín rá ta̱chi̱ꞌ kíni rá kúñáꞌnú, jín rá nísotíñú, jín rá i̱toꞌoꞌ ñáꞌnú ka̱ꞌ ya̱ jíka ráa nu̱u̱nꞌ neenꞌ jee tátúníꞌ ráa nu̱u̱nꞌ ñɨvɨ ñɨ̱vɨ́ yaꞌá. Chi kántáꞌán‑ó jín rá ta̱chi̱ꞌ kíni ya̱ jíkanuun ráa súkún.

1 Tesalonicenses 2:16

Chi núkú ráa jiásɨ́ꞌ ráa nu̱u̱nꞌ ránuꞌuꞌ, sáá káchítu̱ꞌún ránꞌ tu̱ꞌun jie̱ꞌe̱ꞌ Jesús nu̱u̱nꞌ rá ñɨvɨ ntu kúvi Israel, sáva natavaꞌ Ndiosíꞌ rá ñɨvɨ vá nu̱u̱nꞌ kua̱chi ráa nanitáꞌvíꞌ ráa. Suꞌva sukuáni sáꞌá rá ñɨvɨ Israel vá ya̱ núkueꞌeꞌ ka̱ꞌ kua̱chi si̱kɨ̱ꞌ ráa. Saájee ne̱ nkúvi ka̱ꞌ, jee nkenta ya̱ kítɨ́ꞌ iniꞌ Ndiosíꞌ néꞌyá re̱ꞌ ráa jee xinóꞌo re̱ꞌ ráa.

1 Timoteo 2:7

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ ya̱ nsa̱ꞌá Cristo, jee sáva kunisotíñú ni̱ꞌ tiñu apóstol. Ya̱ nááꞌ ví ya̱ káchíꞌ ni̱ꞌ, jee ntu̱ví kátúꞌún ni̱ꞌ. Ñani re̱ꞌ nuꞌuꞌ sáva xinéꞌénꞌ ni̱ꞌ rá ñɨvɨ ntu kúvi Israel tu̱ꞌun nááꞌ Ndiosíꞌ, jín ya̱ íyó kuneí iniꞌ ráa Cristo.

2 Timoteo 1:11

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa vá. Jee sáva kunisotíñú ni̱ꞌ tiñu apóstol ya̱ chúichí Cristo, jín ya̱ kúvi ni̱ꞌ ɨɨn mestrúꞌ ya̱ xínéꞌénꞌ ni̱ꞌ [rá ñɨvɨ ntu kúvi Israel] tu̱ꞌun váꞌa vá.

Hebreos 2:14

Saáva rá se̱ꞌya vá jee ñɨvɨ yɨkɨkúñu ví ráa, jee suni sukuán nuún nkuvi maá Jesús chi suni ñɨvɨ yɨkɨkúñu ví re̱ꞌ ranika̱ꞌ, sáva nkuvi ni̱ꞌi̱ꞌ re̱ꞌ jie̱ꞌe̱ꞌ‑ó, sáva kuneí re̱ꞌ nu̱u̱nꞌ kui̱ꞌna̱ꞌ kúñáꞌnú ya̱ níso fuersáꞌ ya̱ kínóo ñɨvɨ jín kua̱chi ráa jee jíꞌíꞌ ráa jee ntu nánitáꞌvíꞌ ráa.