Filemón 1:2 - Mixteco del suroeste de Tlaxiaco Oaxaca

² Jee tájí ránꞌ tu̱ꞌun káva̱ꞌa nu̱u̱nꞌ noꞌó jín nu̱u̱nꞌ ku̱ꞌva‑ó Apia jín nu̱u̱nꞌ Arquipo, ya̱ táꞌán sátíñú yɨ́ɨ́ re̱ꞌ jín ránuꞌuꞌ nu̱u̱nꞌ tiñu Jesús kuéntáꞌ táꞌán ɨɨn soldado kántáꞌán, jee tájí rán tu̱ꞌun káva̱ꞌa nu̱u̱nꞌ rá ñɨvɨ ya̱ kúneí iniꞌ ráa Cristo ya̱ nútútú iniꞌ veꞌi nú.

Filemón 1:2 Iomraidhean Croise

Romanos 16:1

Jee nákutíñú ni̱ꞌ jie̱ꞌe̱ꞌ ku̱ꞌva‑ó Febe nu̱u̱nꞌ rán. Suviña suni kúvi ña ñaꞌan ya̱ chíneí ña rá ñɨvɨ kúneí iniꞌ ráa Cristo ya̱ nééꞌ ráa ñuunꞌ Cencrea jee yukuán kútútú ráa.

Romanos 16:5

Jee ku̱ꞌva rán xá tu̱ꞌun jíkátu̱ꞌún ni̱ꞌ jie̱ꞌe̱ꞌ rá ñanitáꞌán‑ó ya̱ kútútú nu̱u̱nꞌ veꞌi Priscila jín Aquila. Jee ku̱ꞌva rán xá nu̱u̱nꞌ Epeneto tu̱ꞌun jíkátu̱ꞌún ni̱ꞌ jie̱ꞌe̱ꞌ re̱ꞌ. Suvire̱ꞌ ví ya̱ ñúnúunꞌ ni̱ꞌ jee kúvi te̱e xíꞌnañúꞌún ña̱ko̱so̱ꞌ re̱ꞌ nu̱u̱nꞌ ni̱nu̱ꞌ iniꞌ re̱ꞌ ntɨɨn re̱ꞌ tu̱ꞌun Cristo nu̱u̱nꞌ ñɨvɨ ñuunꞌ Asia.

1 Corintios 16:19

Rá ñanitáꞌán ya̱ kúneí iniꞌ ráa Cristo ya̱ nééꞌ ráa sánitɨ́ɨn ñuꞌun Asia, tájí ráa tu̱ꞌun káva̱ꞌa nu̱u̱nꞌ ránoꞌó. Jee suni Aquila jín Priscila jín rá ñanitáꞌán ya̱ kúneí iniꞌ ráa Cristo ya̱ nútútú ráa veꞌi Aquila jín Priscila táji tu̱ꞌun káva̱ꞌa nu̱u̱nꞌ ránoꞌó.

Filipenses 2:25

Jiáni iniꞌ ni̱ꞌ ya̱ jíniñúꞌún ni̱ꞌ chuichí ni̱ꞌ Epafrodito kua̱jiaaꞌ‑a nu̱u̱nꞌ rán. Jee kúvi re̱ꞌ ñaniꞌ ni̱ꞌ, jee táꞌán sátíñú jín ni̱ꞌ ví re̱ꞌ, jee táꞌán náma jín ni̱ꞌ tu̱ꞌun Jesús ví re̱ꞌ, kuéntáꞌ táꞌán ɨɨn soldado kántáꞌán. Nchu̱ichí rán re̱ꞌ chineí re̱ꞌ nuꞌuꞌ jín ya̱ jíniñúꞌún ni̱ꞌ.

Colosenses 4:15

Jee naku̱ꞌva rán xá tu̱ꞌun ni̱ꞌ nu̱u̱nꞌ rá ñanitáꞌán‑ó, ya̱ kúneí iniꞌ ráa Cristo, ya̱ nééꞌ ñuunꞌ Laodicea, jín nu̱u̱nꞌ Ninfas, jín nu̱u̱nꞌ rá ñanitáꞌán‑ó ya̱ nútútú ráa veꞌi ña, ya̱ jíkátu̱ꞌún ni̱ꞌ jie̱ꞌe̱ꞌ ráa.

Colosenses 4:17

Jee kachiꞌ rán xá nu̱u̱nꞌ Arquipo: “Ya̱ kuniꞌvɨꞌ iniꞌ nú nu̱u̱nꞌ tiñu nni̱ꞌi̱nꞌ nú saꞌá nú nu̱u̱nꞌ I̱toꞌoꞌ‑ó, sáva sikúnkuvi nú maa.”