Efesios 5:2 - Mixteco del suroeste de Tlaxiaco Oaxaca

² Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Efesios 5:2 Iomraidhean Croise

Génesis 8:21

Jee nni̱ꞌi̱nꞌ I̱toꞌoꞌ‑ó xikoꞌ jiáꞌánꞌ viiꞌ ya̱ sókóꞌ Noé jee nkachiꞌ re̱ꞌ iniꞌ ánímaꞌ re̱ꞌ nu̱u̱nꞌ maáréꞌ: “Ya nchi̱sónínu ni̱ꞌ nu̱u̱nꞌ ñɨ̱vɨ́ jie̱ꞌe̱ꞌ ñɨvɨ chi ñúꞌún niva̱ꞌa iniꞌ ánímaꞌ rá ñɨvɨ ne̱ súchí ráa, soo ni ɨɨn íchí ka̱ꞌ nsáꞌ chisónínu tuku ni̱ꞌ maa sukuán, jee nsáꞌ xináánꞌ tuku ni̱ꞌ nɨꞌɨ rá tékúꞌ sánikua̱ꞌ ya̱ nsa̱ꞌá ni̱ꞌ.

Mateo 20:28

kuéntáꞌ nuꞌuꞌ, ya̱ ntaji Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ. Nsáꞌ váji ni̱ꞌ sáva kɨtíñú rá ñɨvɨ nu̱u̱nꞌ ni̱ꞌ, chisaꞌ va̱ji ni̱ꞌ sáva kɨtíñú ni̱ꞌ nu̱u̱nꞌ rá ñɨvɨ. Jee va̱ji ni̱ꞌ sáva ku̱ꞌva ni̱ꞌ maáníꞌ kuviꞌ ni̱ꞌ sáva chunáán nkáꞌnú ni̱ꞌ maáníꞌ nu̱u̱nꞌ Ndiosíꞌ sáva nakani núne ni̱ꞌ kue̱ꞌe̱ꞌ ñɨvɨ nkɨ́ꞌɨ ráa xi̱ntíín kua̱chi ráa xinánitáꞌvíꞌ ni̱ꞌ ráa ―nkachiꞌ Jesús.

Juan 13:34

’Jee vitan jee taji ni̱ꞌ ɨɨn tu̱ꞌun jiáá ya̱ tátúníꞌ ni̱ꞌ nu̱u̱nꞌ rán, ya̱ kunu̱u̱nꞌ rán ɨɨn inka rá táꞌán rán. Kuéntáꞌ ñúnúunꞌ ni̱ꞌ ránoꞌó, jee suni sukuán kunu̱u̱nꞌ rán ɨɨn inka táꞌán rán.

Juan 6:51

Chi maáníꞌ kuvi i̱xta̱tíláꞌ tékúꞌ vá ya̱ nkikuun ni̱ꞌ ne̱ antivɨ́, sáva néni ɨɨn ñɨvɨ ya̱ kajiꞌ ráa maa, jee saꞌá‑a ya̱ kutekuꞌ ráa nɨ́ɨ́nkání jín Ndiosíꞌ. Jee i̱xta̱tíláꞌ ya̱ ku̱ꞌva ni̱ꞌ ví yɨkɨkúñu ni̱ꞌ. Ku̱ꞌva ni̱ꞌ maa sáva ni̱ꞌi̱nꞌ ñɨvɨ ñɨ̱vɨ́ kuvi kutekuꞌ ráa nɨ́ɨ́nkání jín Ndiosíꞌ ―nkachiꞌ Jesús.

Romanos 15:16

sáva sáꞌá ni̱ꞌ tiñu Cristo Jesús nu̱u̱nꞌ rá ñɨvɨ ya̱ ntu kúvi ñɨvɨ Israel. Sáꞌá ni̱ꞌ tiñu kuéntáꞌ su̱tu̱ꞌ, ya̱ stékútu̱ꞌún ni̱ꞌ tu̱ꞌun váꞌa Ndiosíꞌ, sáva kuvi ki̱vɨ ráa nu̱u̱nꞌ re̱ꞌ, kuéntáꞌ násokoꞌ ni̱ꞌ ráa nu̱u̱nꞌ re̱ꞌ, jee saájee kúváꞌa iniꞌ re̱ꞌ néꞌyá re̱ꞌ ráa, chi nsa̱ꞌá Ta̱chi̱ꞌ Ííꞌ re̱ꞌ nnu̱noo ráa chi nsásɨ́ɨ́n re̱ꞌ ráa sáva kɨtíñú ráa nu̱u̱nꞌ re̱ꞌ.

Romanos 4:25

Ya̱ nna̱ku̱ꞌva Ndiosíꞌ maa sáva kuviꞌ‑i jie̱ꞌe̱ꞌ kua̱chi‑ó jee nna̱tekuꞌ i̱i̱ꞌ‑i sáva siíyo Ndiosíꞌ kua̱chi‑ó sáva saꞌá re̱ꞌ ya̱ kino̱o na̱a̱ꞌ‑ó nu̱u̱nꞌ re̱ꞌ.

Romanos 8:3

Chi máá maá Ndiosíꞌ nsa̱ꞌá re̱ꞌ tiñu vá ya̱ ntu nkúvi saꞌá ley nta̱túníꞌ re̱ꞌ ya̱ njiáꞌa re̱ꞌ nu̱u̱nꞌ Moisés. Jee ntu nkúvi saꞌá ley vá tiñu vá, chi táyáꞌ ley vá chi táyáꞌ iniꞌ‑ó jee ntu nkúneí‑ó sikúnkuvi‑ó ley vá jín yɨkɨkúñu‑ó. Jee máá maá Ndiosíꞌ nsa̱ꞌá re̱ꞌ tiñu vá chi nchu̱ichí re̱ꞌ Se̱ꞌya re̱ꞌ nu̱u̱nꞌ ñɨ̱vɨ́ yaꞌá jín yɨkɨkúñu‑u ya̱ kúnkunuún jín yɨkɨkúñu ñɨvɨ yɨ́ꞌɨ́ xi̱ntíín kua̱chi, sú ntu íyó kua̱chi re̱ꞌ. Jee nta̱jí re̱ꞌ Se̱ꞌya re̱ꞌ sáva kuviꞌ‑i so̱ko̱ꞌ‑o maáa jie̱ꞌe̱ꞌ kua̱chi‑ó, sáva sukuán nsi̱jíta Ndiosíꞌ kua̱chi‑ó ya̱ nna̱kuniso Jesús maa iniꞌ yɨkɨkúñu re̱ꞌ.

Romanos 8:37

Soo súka̱ꞌ nóꞌo‑ó tu̱nóꞌó sukuán, jee Cristo ya̱ ñúnúunꞌ re̱ꞌ yó, maáréꞌ sáꞌá re̱ꞌ ya̱ ntántúníꞌ kuneí‑ó núneí ka̱ꞌ iniꞌ‑ó,

1 Corintios 16:14

Jee ntáká tiñu sáꞌá rán, jee saꞌá rán maa jie̱ꞌe̱ꞌ ñúnúunꞌ rán rá ñanitáꞌán‑ó jín inka ñɨvɨ.

1 Corintios 5:7

Tavaꞌ rán kua̱chi rán ya̱ kúvi kuéntáꞌ levadura túꞌú sáva kuvi rán ñujien jiáá ya̱ ntu yɨ́ꞌɨ́ levadura, sánikua̱ꞌ kúvi nijia rán. Chi íyó nijia ya̱ ni̱ꞌi̱ꞌ Cristo nso̱ko̱ꞌ re̱ꞌ maáréꞌ sáva nakani núne re̱ꞌ yó nkɨ́ꞌɨ‑ó ka̱ꞌ nu̱u̱nꞌ kua̱chi, kuéntáꞌ sókóꞌ ráníꞌ lanchi laꞌlɨꞌ rá viko Pascua.

2 Corintios 2:14

Soo kútaꞌviꞌ ni̱ꞌ nu̱u̱nꞌ Ndiosíꞌ, chi suvire̱ꞌ vá sukuáni náka re̱ꞌ ránuꞌuꞌ sáva stúvi re̱ꞌ ya̱ kúneí re̱ꞌ si̱kɨ̱ꞌ nɨꞌɨ jie̱ꞌe̱ꞌ ya̱ nsa̱ꞌá re̱ꞌ jín ránuꞌuꞌ, kuéntáꞌ ɨɨn desfile stúvi‑i ya̱ nku̱neí ɨɨn general sáá nka̱ntáꞌán re̱ꞌ. Náka Ndiosíꞌ ránuꞌuꞌ sukuán jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo. Jee jiátíñú re̱ꞌ ránuꞌuꞌ sáva sikúténuun ránꞌ tu̱ꞌun váꞌa Cristo nta̱ká ichi, sáva kuvi kuniꞌ rá ñɨvɨ iniꞌ re̱ꞌ, kuéntáꞌ kua̱ꞌ jiéténuun xikoꞌ jiávi̱xi̱ꞌ.

2 Corintios 2:15

Chi kúvi ránꞌ kuéntáꞌ xikoꞌ su̱jie ya̱ sókóꞌ Cristo nu̱u̱nꞌ Ndiosíꞌ, jee sukuán kúvi ránꞌ sáá stékútu̱ꞌún ránꞌ tu̱ꞌun re̱ꞌ nteñu rá ñɨvɨ ya̱ nátavaꞌ Jesús ráa nu̱u̱nꞌ kua̱chi ráa síkáku re̱ꞌ ráa, jín nteñu rá ñɨvɨ ya̱ síjíta Ndiosíꞌ ráa, ya̱ kuéntáꞌ níꞌiꞌ ráa nu̱u̱nꞌ re̱ꞌ.

2 Corintios 8:9

Chi ya̱ jíníꞌ rán ya̱ íyó mániꞌ iniꞌ I̱toꞌoꞌ‑ó Jesús ya̱ kúvi Cristo néꞌyá re̱ꞌ yó ya̱ sáꞌá re̱ꞌ ya̱ váꞌa jín‑ó. Chi sú kúká re̱ꞌ chi xi̱ntíín re̱ꞌ ví nɨꞌɨ ya̱ íyó, soo nna̱saꞌá láꞌví re̱ꞌ maáréꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, sáva ni̱ꞌi̱nꞌ‑órán ya̱ yɨ́yáꞌvi ka̱ꞌ ya̱ táji Ndiosíꞌ, jie̱ꞌe̱ꞌ ya̱ nnoꞌo láꞌví Cristo.

Gálatas 1:4

Nso̱ko̱ꞌ Jesús maáréꞌ ya̱ níꞌiꞌ re̱ꞌ jie̱ꞌe̱ꞌ kua̱chi‑ó, sáva sikáku re̱ꞌ yó, sáva ntu íyó kaka‑ó ichi tu̱ꞌun kánéꞌén, sáni sáꞌá rá ñɨvɨ nééꞌ ñɨ̱vɨ́ vitan ya̱ ntu yɨ́ꞌɨ́ ráa nu̱u̱nꞌ re̱ꞌ. Nsa̱ꞌá re̱ꞌ suꞌva sáni kuíni Tátáꞌ‑ó Ndiosíꞌ.

Gálatas 2:20

Taꞌanꞌ ni̱ꞌ níꞌiꞌ ni̱ꞌ nu̱u̱nꞌ kurúsiꞌ jín Cristo. Saáva nsú káꞌ nuꞌuꞌ ví ya̱ tékúꞌ, chi maá Cristo ví ya̱ tékúꞌ iniꞌ ni̱ꞌ. Jee ni tékúꞌ ni̱ꞌ iniꞌ yɨkɨkúñu ni̱ꞌ yaꞌá, jee jiáꞌnu ni̱ꞌ ichi jie̱ꞌe̱ꞌ kúneí iniꞌ ni̱ꞌ Se̱ꞌya Ndiosíꞌ. Chi Cristo ví ya̱ ñúnúunꞌ re̱ꞌ nuꞌuꞌ jee nna̱sokoꞌ re̱ꞌ maáréꞌ ya̱ níꞌiꞌ re̱ꞌ jie̱ꞌe̱ꞌ ya̱ váꞌa kuvi ni̱ꞌ.

Efesios 1:4

Chi nka̱ji Ndiosíꞌ yó ya̱ kɨꞌɨ‑ó nu̱u̱nꞌ Cristo ne̱ ntiáꞌan ka̱ꞌ kiko̱o ñɨ̱vɨ́ yaꞌá, sáva koo sɨ́ɨ́n‑ó ya̱ nkɨ́ꞌɨ‑ó ka̱ꞌ nu̱u̱nꞌ kua̱chi‑ó jín ya̱ koo ninuꞌun‑ó nu̱u̱nꞌ re̱ꞌ. Chi jie̱ꞌe̱ꞌ ñúnúunꞌ re̱ꞌ yó,

Efesios 3:17

Sáva kɨꞌɨ Cristo iniꞌ ánímaꞌ rán jie̱ꞌe̱ꞌ ya̱ kúneí iniꞌ rán re̱ꞌ, sáva kuiñɨ ni̱ꞌin rán kuꞌun tu̱ꞌun ñúnúunꞌ re̱ꞌ iniꞌ ránoꞌó, kuéntáꞌ kúkutú yoꞌo yutun jín kuéntáꞌ veꞌi yósóꞌ kutú nu̱u̱nꞌ koo sámáꞌ,

Efesios 3:19

Jee suni sukuán jíkánꞌ táꞌvíꞌ ni̱ꞌ ya̱ kuniꞌ va̱ꞌa rán jie̱ꞌe̱ꞌ tu̱ꞌun ñúnúunꞌ Cristo yó, ya̱ ntántúníꞌ nasɨ́kuitɨꞌ ka̱ꞌ jiáꞌa‑a nu̱u̱nꞌ nɨꞌɨ, ya̱ nsú kua̱ꞌ kenta‑ó ki̱ku̱ꞌun iniꞌ‑ó nɨꞌɨ‑ɨ. Sukuán jíkánꞌ táꞌvíꞌ ni̱ꞌ sáva kua̱íyó ya̱ íyó Ndiosíꞌ kukánáa ánímaꞌ rán ne̱ natɨɨn rán iniꞌ maáréꞌ.

Efesios 4:15

Chisaꞌ kunikɨnꞌ‑ó kaꞌanꞌ‑ó tu̱ꞌun na̱a̱ꞌ jín tu̱ꞌun kunu̱u̱nꞌ táꞌán‑ó, sukuán jee kueꞌnu‑ó jín ntáká tiñu kuíni Cristo, ya̱ yósóꞌ re̱ꞌ nu̱u̱nꞌ‑ó kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu.

Efesios 4:2

Jín ya̱ máá tu̱ꞌun kuꞌun láꞌví iniꞌ rán, jín ya̱ kuꞌun másúꞌ iniꞌ rán, jín ya̱ káꞌnú koo iniꞌ rán keꞌneꞌ iniꞌ rán nu̱u̱nꞌ ɨɨn inka táꞌán rán jee sukuán íyó kunu̱u̱nꞌ rán ɨɨn inka rán.

Efesios 5:15

Saáva kumí va̱ꞌa rán na̱ja jiáꞌnu rán. Koto jiáꞌnu rán kuéntáꞌ kua̱ꞌ jiáꞌnu rá ñɨvɨ ya̱ ntu ñúꞌún kájí xi̱ni̱ꞌ, chisaꞌ kueꞌnu rán kuéntáꞌ kua̱ꞌ ñɨvɨ ñúꞌún kájí xíniꞌ.

Efesios 5:25

Jee rá te̱e ya̱ kúvi yɨɨ́, íyó kunu̱u̱nꞌ ráa ñasɨ́ꞌɨ́ ráa, kuéntáꞌ kua̱ꞌ nñunu̱u̱nꞌ Cristo yó ya̱ kúneí iniꞌ‑ó re̱ꞌ, jee nna̱ku̱ꞌva re̱ꞌ maáréꞌ ni̱ꞌi̱ꞌ re̱ꞌ jie̱ꞌe̱ꞌ‑ó.

Filipenses 4:18

Saájee nni̱ꞌi̱nꞌ ni̱ꞌ nɨꞌɨ ya̱ jíniñúꞌún ni̱ꞌ, jee kínóo ka̱ꞌ nu̱u̱nꞌ ni̱ꞌ. Íyó kue̱ꞌe̱ꞌ nu̱u̱nꞌ ni̱ꞌ, chi nni̱ꞌi̱nꞌ ni̱ꞌ ya̱ váji jín Epafrodito ya̱ ntaji rán nu̱u̱nꞌ ni̱ꞌ. Ya̱ ntaji rán nu̱u̱nꞌ ni̱ꞌ íyó kuéntáꞌ su̱jie ííꞌ jiáꞌánꞌ vi̱xi̱ꞌ ya̱ sókóꞌ rán nu̱u̱nꞌ Ndiosíꞌ. Chi ya̱ ntaji rán nu̱u̱nꞌ ni̱ꞌ kúvi ya̱ nso̱ko̱ꞌ rán nu̱u̱nꞌ re̱ꞌ, jee tɨ́ɨn kuéntáꞌ re̱ꞌ maa, chi kúváꞌa iniꞌ re̱ꞌ néꞌyá re̱ꞌ maa.

Colosenses 3:14

Jee nu̱u̱nꞌ kua̱íyó nu̱u̱nꞌ nɨꞌɨ ví ya̱ kunu̱u̱nꞌ rán táꞌán rán, chi yaꞌá sáꞌá ya̱ viiꞌ nuún iniꞌ rán jín táꞌán rán sáni íyó koo.

1 Tesalonicenses 4:9

Jee ntu jíniñúꞌún ránú ya̱ tee ráníꞌ tutuꞌ nu̱u̱nꞌ ránoꞌó sáva kunu̱u̱nꞌ rán rá ñanitáꞌán, ya̱ kúneí iniꞌ ráa Jesús. Chi máá maá Ndiosíꞌ xínéꞌénꞌ ránoꞌó sáva kunu̱u̱nꞌ rán ɨɨn inka rán.

1 Timoteo 2:6

Jee suvire̱ꞌ nso̱ko̱ꞌ maáréꞌ jee ni̱ꞌi̱ꞌ re̱ꞌ, sáva nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi nɨꞌɨ ñɨvɨ. Suꞌva nstúvi Ndiosíꞌ tiempúꞌ nka̱ji re̱ꞌ, ya̱ kuíni re̱ꞌ saꞌá re̱ꞌ ya̱ nanitáꞌvíꞌ nɨꞌɨ ñɨvɨ.

1 Timoteo 4:12

Kumí nú maánú, Timoteo, sáva nkújiááꞌ iniꞌ ni ɨɨn ñɨvɨ noꞌó, jie̱ꞌe̱ꞌ te̱e súchí ka̱ꞌ kúvi nú. Soo kaꞌanꞌ va̱ꞌa, kaka na̱a̱ꞌ, kunu̱u̱nꞌ nú ñɨvɨ jín Ndiosíꞌ, jee kuneí iniꞌ nú Cristo, jee ninuꞌun koo nú. Jee suꞌva suvinú kuvi ɨɨn ichi nu̱u̱nꞌ rá ñɨvɨ ínúꞌ iniꞌ ráa Cristo, ya̱ kunikɨnꞌ ráa ichi yaꞌá.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.

Hebreos 8:3

Chi ntáká su̱tu̱ꞌ kúñáꞌnú jiáni Ndiosíꞌ ráa sáva so̱ko̱ꞌ ráa nu̱u̱nꞌ re̱ꞌ rá nantíñú jín rá sa̱na̱ꞌ jiáꞌníꞌ ráa. Jee jie̱ꞌe̱ꞌ saáva Jesús suni niniñúꞌún re̱ꞌ ya̱ so̱ko̱ꞌ re̱ꞌ, chi maáréꞌ kúvi su̱tu̱ꞌ vá.

Hebreos 9:14

Retú sukuán kúvi, soo saꞌ víꞌí káꞌ nasánoo ni̱ñɨ̱ꞌ Cristo ánímaꞌ‑ó, chi ntu níso Cristo kua̱chi, jee Ta̱chi̱ꞌ Ííꞌ ya̱ íyó nɨ́ɨ́nkání jee njia̱ꞌa‑a fuersáꞌ ííꞌ nu̱u̱nꞌ re̱ꞌ sáva kuviꞌ re̱ꞌ so̱ko̱ꞌ re̱ꞌ maáréꞌ nu̱u̱nꞌ Ndiosíꞌ. Jee sukuán násánoo ni̱ñɨ̱ꞌ Cristo ánímaꞌ‑ó, sáva kuniꞌ‑ó ya̱ ntu níso‑ó ka̱ꞌ kua̱chi, jín ya̱ ntu yɨ́ꞌɨ́‑ó ka̱ꞌ nu̱u̱nꞌ rá tiñu sáꞌá ya̱ kuviꞌ‑ó nu̱u̱nꞌ Ndiosíꞌ, jín sáva kɨtíñú‑ó nu̱u̱nꞌ Ndiosíꞌ tékúꞌ.

Hebreos 9:23

Jee saáva, níní niniñúꞌún nso̱ko̱ꞌ rá sa̱na̱ꞌ vá sáva nonoo ntáká rá nantíñú vá sukuán. Jee xínéꞌénꞌ rá nantíñú vá jie̱ꞌe̱ꞌ rá íyó antivɨ́. Soo máá maá ntáká ya̱ íyó antivɨ́ jee jíniñúꞌún‑u nonoo jín ni̱ñɨ̱ꞌ Cristo ya̱ nso̱ko̱ꞌ re̱ꞌ ya̱ kúvi ya̱ váꞌa víꞌí ka̱ꞌ.

Hebreos 9:26

Chi retánꞌ sukuán nkuvi, soo jíniñúꞌún ya̱ kue̱ꞌe̱ꞌ íchí kunoꞌo re̱ꞌ kuviꞌ re̱ꞌ ne̱ sáá nka̱jiéꞌé ña̱ko̱o ñɨ̱vɨ́ jín ne̱ vitan réáꞌ sukuán. Soo ntu̱ví chi vitan ya̱ kúvi tiempúꞌ kuánɨꞌɨ yaꞌá jee nkiji re̱ꞌ sáva nso̱ko̱ꞌ re̱ꞌ maáréꞌ ɨɨn ni íchí ya̱ kúvi nɨ́ɨ́nkání sáva siíyo re̱ꞌ kua̱chi.

1 Pedro 4:8

Jee ya̱ ñáꞌnú ka̱ꞌ nu̱u̱nꞌ nɨꞌɨ vá kukáñá iniꞌ rán kunu̱u̱nꞌ rán ɨɨn inka táꞌán rán, chi retú ñúnúunꞌ táꞌán‑ó, jee jiásɨ́ꞌ‑ó nu̱u̱nꞌ kue̱ꞌe̱ꞌ rá kua̱chi sáꞌá‑ó jie̱ꞌe̱ꞌ ya̱ nékáꞌnú iniꞌ‑ó ɨɨn inka táꞌán‑ó.

1 Juan 3:16

Suꞌva jee jíníꞌ‑ó na̱sa kúvi ya̱ tu̱ꞌun kunu̱u̱nꞌ‑ó, chi Jesús nna̱sokoꞌ re̱ꞌ maáréꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Jee suni suꞌva maáó ni ka̱ꞌ íyó nasokoꞌ‑ó maáó jie̱ꞌe̱ꞌ rá ñanitáꞌán‑ó ya̱ kúneí iniꞌ ráa Jesús, sú kuviꞌ‑ó.

1 Juan 3:23

Jee yaꞌá kúvi tiñu ya̱ tátúníꞌ re̱ꞌ: ya̱ kuneí iniꞌ‑ó Se̱ꞌya re̱ꞌ Jesucristo, jín ya̱ kunu̱u̱nꞌ‑ó ɨɨn inka táꞌán‑ó, sánikua̱ꞌ nta̱túníꞌ re̱ꞌ nu̱u̱nꞌ‑ó.

Apoclipsis 1:5

Jee Jesús ya̱ kúvi Cristo síkúnkuvi na̱a̱ꞌ re̱ꞌ ya̱ jiáꞌa re̱ꞌ ya̱ naáꞌ jie̱ꞌe̱ꞌ Ndiosíꞌ. Jee xíꞌnañúꞌún re̱ꞌ ví ya̱ nna̱tekuꞌ i̱i̱ꞌ re̱ꞌ jee nkene re̱ꞌ nteñu rá níyɨ, kuéntáꞌ se̱ꞌya nkaku xíꞌnañúꞌún ya̱ kúñáꞌnú ka̱ꞌ. Jee kúñáꞌnú re̱ꞌ tátúníꞌ re̱ꞌ nu̱u̱nꞌ ntáká rá te̱e tátúníꞌ iniꞌ ñɨ̱vɨ́ yaꞌá. Jee maáréꞌ ví ya̱ ñúnúunꞌ re̱ꞌ yó, chi ñatɨ re̱ꞌ ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ jie̱ꞌe̱ꞌ kua̱chi yó, jee nna̱kani núne re̱ꞌ yó nu̱u̱nꞌ kua̱chi‑ó.

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.