Efesios 5:10 - Mixteco del suroeste de Tlaxiaco Oaxaca

¹⁰ Jee kototúníꞌ rán rá tiñu sáva kukáꞌnú iniꞌ rán na̱ tiñu kúváꞌa iniꞌ I̱toꞌoꞌ‑ó néꞌyá re̱ꞌ maa.

Efesios 5:10 Iomraidhean Croise

Romanos 14:18

Chi ñɨvɨ ya̱ sukuán yɨ́tíñú‑u nu̱u̱nꞌ Cristo, jee kúváꞌa iniꞌ Ndiosíꞌ néꞌyá re̱ꞌ maa, jee kúváꞌa iniꞌ rá inka ñɨvɨ jie̱ꞌe̱ꞌ ya̱ sáꞌá‑a.

Filipenses 1:10

Sáva kototúníꞌ rán rá ichi íyó sɨ́ɨ́n jee ka̱ji rán ya̱ va̱ꞌa ka̱ꞌ kunikɨnꞌ rán, sáva saɨn koo iniꞌ rán nu̱u̱nꞌ Ndiosíꞌ, jee ni ɨɨn nkúvi chikua̱chi‑i ránoꞌó ki̱vɨ̱ꞌ niji Cristo.

Filipenses 4:18

Saájee nni̱ꞌi̱nꞌ ni̱ꞌ nɨꞌɨ ya̱ jíniñúꞌún ni̱ꞌ, jee kínóo ka̱ꞌ nu̱u̱nꞌ ni̱ꞌ. Íyó kue̱ꞌe̱ꞌ nu̱u̱nꞌ ni̱ꞌ, chi nni̱ꞌi̱nꞌ ni̱ꞌ ya̱ váji jín Epafrodito ya̱ ntaji rán nu̱u̱nꞌ ni̱ꞌ. Ya̱ ntaji rán nu̱u̱nꞌ ni̱ꞌ íyó kuéntáꞌ su̱jie ííꞌ jiáꞌánꞌ vi̱xi̱ꞌ ya̱ sókóꞌ rán nu̱u̱nꞌ Ndiosíꞌ. Chi ya̱ ntaji rán nu̱u̱nꞌ ni̱ꞌ kúvi ya̱ nso̱ko̱ꞌ rán nu̱u̱nꞌ re̱ꞌ, jee tɨ́ɨn kuéntáꞌ re̱ꞌ maa, chi kúváꞌa iniꞌ re̱ꞌ néꞌyá re̱ꞌ maa.

Colosenses 1:10

Suꞌva jíkánꞌ táꞌvíꞌ ránꞌ nu̱u̱nꞌ Ndiosíꞌ, sáva kaka na̱a̱ꞌ rán sánikua̱ꞌ íyó kueꞌnu ñɨvɨ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, sáva suꞌva sukuáni kuva̱ꞌa iniꞌ re̱ꞌ kune̱ꞌyá re̱ꞌ na̱sa jíka rán. Jee suꞌva saꞌá rán nta̱ká tiñu váꞌa, kuéntáꞌ ɨɨn yutun jiáꞌa ya̱ vixíꞌ váꞌa. Jee kukueꞌeꞌ ka̱ꞌ kukáꞌnú noo iniꞌ rán na̱sa iniꞌ Ndiosíꞌ.

1 Tesalonicenses 5:21

Chisaꞌ kototúníꞌ rán nɨꞌɨ jee tɨɨn rán ya̱ váꞌa.

1 Timoteo 2:3

Íyó va̱ꞌa ya̱ saꞌá‑ó suꞌva jee kúváꞌa iniꞌ Ndiosíꞌ néꞌyá re̱ꞌ tiñu yaꞌá. Jee maáréꞌ ví ya̱ nna̱tavaꞌ re̱ꞌ yó nu̱u̱nꞌ kua̱chi‑ó nánitáꞌvíꞌ‑ó,

1 Timoteo 5:4

Retú íyó ɨɨn ñaꞌan náꞌví íyó rá se̱ꞌya‑a áxí rá tiání‑i, suviráa vá íyó kutu̱ꞌva ráa xíꞌna ka̱ꞌ ya̱ saꞌá ñáꞌnú ráa nu̱u̱nꞌ ña. Jee suꞌva saꞌá ñáꞌnú ráa nu̱u̱nꞌ Ndiosíꞌ. Jee nakoto ráa ña jie̱ꞌe̱ꞌ ya̱ nito sɨꞌɨ́ ráa maáráa. Chi kúváꞌa iniꞌ Ndiosíꞌ néꞌyá re̱ꞌ ya̱ sáꞌá‑a suꞌva.

Hebreos 12:28

Jee nu̱u̱nꞌ ni̱ꞌi̱nꞌ‑ó ɨɨn ñuunꞌ táji Ndiosíꞌ nu̱u̱nꞌ‑ó nu̱u̱nꞌ tátúníꞌ re̱ꞌ nu̱u̱nꞌ‑ó ya̱ ntu kúvi kajiaꞌ‑a chi ya̱ íyó kutú‑u, jee saáva íyó nakuatáꞌví‑ó re̱ꞌ, jee jie̱ꞌe̱ꞌ vá kɨtíñú‑ó nu̱u̱nꞌ re̱ꞌ kɨñúꞌún‑ó nu̱u̱nꞌ re̱ꞌ jín ya̱ kuꞌun yúꞌví iniꞌ‑ó re̱ꞌ sáni kúváꞌa iniꞌ re̱ꞌ néꞌyá re̱ꞌ maa.

1 Pedro 2:20

Chi retú jiéꞌnéꞌ iniꞌ rán tu̱nóꞌó xínóꞌo ráa ránoꞌó jie̱ꞌe̱ꞌ kua̱chi sáꞌá rán jee, ¿ná va̱ꞌa kúvi nu̱u̱nꞌ rán rúja? Soo retú nóꞌo rán jie̱ꞌe̱ꞌ tiñu váꞌa sáꞌá rán, jee jiéꞌnéꞌ iniꞌ rán nóꞌo rán, jee kúváꞌa iniꞌ Ndiosíꞌ néꞌyá‑a yaꞌá.

1 Pedro 2:5

Jee ránoꞌó ranika̱ꞌ, suni kúvi rán kuéntáꞌ rá yu̱u̱ꞌ tékúꞌ ya̱ jiátíñú Ndiosíꞌ ránoꞌó sáꞌá re̱ꞌ veꞌi nu̱u̱nꞌ yɨ́ꞌɨ́ Ta̱chi̱ꞌ Ííꞌ re̱ꞌ, sáva kuvi rán su̱tu̱ꞌ ííꞌ kɨtíñú rán nu̱u̱nꞌ tiñu re̱ꞌ, sáva so̱ko̱ꞌ rán nu̱u̱nꞌ Ndiosíꞌ máá tiñu sánikua̱ꞌ sátíñú Ta̱chi̱ꞌ Ííꞌ re̱ꞌ iniꞌ ránoꞌó ya̱ kúváꞌa iniꞌ re̱ꞌ néꞌyá re̱ꞌ maa jie̱ꞌe̱ꞌ yɨ́ꞌɨ́ rán nu̱u̱nꞌ Jesús ya̱ kúvi Cristo.