Efesios 2:3 - Mixteco del suroeste de Tlaxiaco Oaxaca

³ Jee suni sukuán ntáká‑ó nuún ñaꞌnu‑ó jín ráa nteñu ráa tiempúꞌ yukuán, sáni ya̱ níyo iniꞌ‑ó saꞌá‑ó jín yɨkɨkúñu kua̱chi‑ó chi ntu nyɨ́ꞌɨ‑ó xi̱ntíín Ndiosíꞌ, jee nsa̱ꞌá‑ó sáni kuíni iniꞌ yɨkɨkúñu‑ó jín sáni jiáni iniꞌ antúníꞌ‑ó. Jee saáva nkuvi‑ó ñɨvɨ ya̱ íyó níꞌínꞌ‑ó ya̱ kítɨ́ꞌ iniꞌ Ndiosíꞌ néꞌyá re̱ꞌ yó ya̱ kunoꞌo‑ó tu̱nóꞌó xéénꞌ ya̱ taji re̱ꞌ nékúvi, kuéntáꞌ íyó níꞌinꞌ rá inka rá ñɨvɨ.

Efesios 2:3 Iomraidhean Croise

Génesis 5:3

Íñɨ́ Adán sientúꞌ o̱ko̱ꞌ u̱ji̱ꞌ kui̱ya̱ꞌ (130), sáá nsa̱ꞌá re̱ꞌ se̱ꞌya re̱ꞌ ya̱ nsi̱kúnání re̱ꞌ maa Set, ya̱ kua̱íyó maáréꞌ íyó‑o.

Génesis 6:5

Jee niniꞌ I̱toꞌoꞌ‑ó ya̱ ntántúníꞌ kánéꞌén víꞌí ñɨvɨ ya̱ íyó nu̱u̱nꞌ ñu̱ꞌún, jee ntáká ya̱ ñúꞌún iniꞌ ánímaꞌ ráa ví ya̱ yɨ́táꞌán mani ya̱ kánéꞌí.

Génesis 8:21

Jee nni̱ꞌi̱nꞌ I̱toꞌoꞌ‑ó xikoꞌ jiáꞌánꞌ viiꞌ ya̱ sókóꞌ Noé jee nkachiꞌ re̱ꞌ iniꞌ ánímaꞌ re̱ꞌ nu̱u̱nꞌ maáréꞌ: “Ya nchi̱sónínu ni̱ꞌ nu̱u̱nꞌ ñɨ̱vɨ́ jie̱ꞌe̱ꞌ ñɨvɨ chi ñúꞌún niva̱ꞌa iniꞌ ánímaꞌ rá ñɨvɨ ne̱ súchí ráa, soo ni ɨɨn íchí ka̱ꞌ nsáꞌ chisónínu tuku ni̱ꞌ maa sukuán, jee nsáꞌ xináánꞌ tuku ni̱ꞌ nɨꞌɨ rá tékúꞌ sánikua̱ꞌ ya̱ nsa̱ꞌá ni̱ꞌ.

Marcos 4:19

soo nániꞌvɨꞌ víꞌí iniꞌ ráa jie̱ꞌe̱ꞌ kue̱ꞌe̱ꞌ tiñu íyó iniꞌ ñɨ̱vɨ́ yaꞌá. Jee kuíni ráa kukúká ráa jee yaꞌá xínáꞌví‑i ñɨvɨ vá, jee kuíni víꞌí ráa inka nantíñú. Jee nɨꞌɨ yaꞌá ya̱ ñúꞌún kúvi iniꞌ ráa jee sátéꞌéꞌ yaꞌá Tu̱ꞌun Ndiosíꞌ, jee ntu jiáꞌnu ráa ntu jíjia ráa jín Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Juan 1:13

Jee rá se̱ꞌya Ndiosíꞌ vá nsú se̱ꞌya ni̱ñɨ̱ꞌ nna̱kaku nu̱u̱nꞌ ɨɨn sɨꞌɨ́ ví ráa, ni nsáꞌ nna̱kaku sáni kuíni ñɨvɨ, ni nsú sáni kuíni ɨɨn tátáꞌ ráa, chi máá Ndiosíꞌ ví ya̱ saꞌá ya̱ nuvi ráa se̱ꞌya re̱ꞌ.

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

Hechos 14:16

Rá tióꞌ ya̱ta̱ꞌ, Ndiosíꞌ njia̱ꞌa nu̱u̱nꞌ rá ñɨvɨ ñɨ̱vɨ́, ya̱ ntu kúvi ñɨvɨ Israel, kunikɨnꞌ ráa rá ñujiínꞌ maáráa.

Romanos 1:24

Saáva nsia̱áꞌ Ndiosíꞌ ráa njia̱ꞌa re̱ꞌ ya̱ saꞌá ráa rá tiñu ya̱ níyo iniꞌ ánímaꞌ ráa ya̱ kúvi rá tiñu ya̱ ntu íyó ninuꞌun. Jee yukuán vá sáꞌá ráa tiñu niváꞌa jín ɨɨn inka táꞌán ráa jín ñunéꞌyúꞌ ráa ya̱ njia̱ꞌa‑a tu̱nkánuun maáráa.

Romanos 11:30

Chi ránoꞌó, tiempúꞌ ya̱ta̱ꞌ, jee ntu nkáníjiá rán tɨɨn rán Tu̱ꞌun Ndiosíꞌ, soo vitan jee nni̱ꞌi̱nꞌ rán ya̱ kúnáꞌví iniꞌ Ndiosíꞌ néꞌyá re̱ꞌ ránoꞌó, jie̱ꞌe̱ꞌ ya̱ ntu̱ví nkáníjiá ráa re̱ꞌ.

Romanos 13:14

Chisaꞌ íyó koo‑ó kuéntáꞌ I̱toꞌoꞌ‑ó Jesús ya̱ kúvi Cristo, jee koto ñúꞌún iniꞌ‑ó ka̱ꞌ saꞌá‑ó máá tiñu niváꞌa ka̱ꞌ ya̱ sáni níyo iniꞌ‑ó jín yɨkɨkúñu kua̱chi‑ó.

Romanos 2:14

Chi rá ñɨvɨ ya̱ ntu kúvi ñɨvɨ ñuunꞌ Israel jee ni ntu kúmí ráa ley vá ya̱ nta̱túníꞌ Ndiosíꞌ, soo sáꞌá ráa ya̱ tátúníꞌ ley vá sánikua̱ꞌ ñúꞌún antúníꞌ ráa, jee yɨ́ꞌɨ́ ɨɨn ley maáráa ánímaꞌ ráa, sú ntu kúmí ráa ley njia̱ꞌa re̱ꞌ nu̱u̱nꞌ Moisés.

Romanos 5:10

Chi ne̱ sáá túfíꞌ ta̱ꞌán‑ó néꞌyá‑ó Ndiosíꞌ jee nnuma̱ni̱ꞌ re̱ꞌ jín‑ó jie̱ꞌe̱ꞌ ya̱ níꞌiꞌ Se̱ꞌya re̱ꞌ jie̱ꞌe̱ꞌ‑ó. Jee jie̱ꞌe̱ꞌ ya̱ númániꞌ re̱ꞌ jín‑ó sukuán jee saꞌ víꞌí ka̱ꞌ sikáku re̱ꞌ yó jie̱ꞌe̱ꞌ ya̱ tékúꞌ Se̱ꞌya re̱ꞌ jee nkúnoꞌo‑ó tu̱nóꞌó xinóꞌo Ndiosíꞌ ñɨvɨ.

Romanos 5:9

Jee saáva nu̱u̱nꞌ ya̱ sííyo Ndiosíꞌ kua̱chi‑ó vitan sáva kino̱o na̱a̱ꞌ‑ó nu̱u̱nꞌ re̱ꞌ jie̱ꞌe̱ꞌ ya̱ níꞌiꞌ Cristo jee ñatɨ ni̱ñɨ̱ꞌ re̱ꞌ, jee saꞌ víꞌí ka̱ꞌ sikáku re̱ꞌ yó nkúnoꞌo‑ó tu̱nóꞌó xinóꞌo Ndiosíꞌ ñɨvɨ jie̱ꞌe̱ꞌ kua̱chi ráa chi kítɨ́ꞌ iniꞌ re̱ꞌ jie̱ꞌe̱ꞌ kua̱chi ráa.

Romanos 6:12

Saáva koto jiáꞌa rán ka̱ꞌ ya̱ kuneí kosoꞌ kua̱chi jín yɨkɨkúñu rán ya̱ jíꞌíꞌ‑i, sáva nkáníjiá rán ka̱ꞌ rá néꞌí níyo iniꞌ yɨkɨkúñu rán.

Romanos 7:18

Chi jíníꞌ ni̱ꞌ ya̱ ntu yɨ́ꞌɨ́ ya̱ váꞌa iniꞌ ni̱ꞌ, ya̱ kúvi ya̱ níyo iniꞌ ni̱ꞌ jín ñunéꞌyúꞌ kua̱chi ni̱ꞌ. Chi ñúꞌún iniꞌ ni̱ꞌ ya̱ kuíni ni̱ꞌ saꞌá ni̱ꞌ ya̱ váꞌa, soo ntu íyó iniꞌ ni̱ꞌ ya̱ saꞌá ni̱ꞌ ya̱ váꞌa.

Romanos 9:22

Jee, ¿á ntu̱ví váꞌa ya̱ suni sukuán sáꞌá Ndiosíꞌ?, chi kuíni Ndiosíꞌ stúvi re̱ꞌ ya̱ xinóꞌo re̱ꞌ ñɨvɨ jie̱ꞌe̱ꞌ kua̱chi ráa chi kítɨ́ꞌ iniꞌ re̱ꞌ néꞌyá re̱ꞌ ráa jee kuíni re̱ꞌ saꞌá re̱ꞌ ya̱ kukáꞌnú iniꞌ nɨꞌɨ jie̱ꞌe̱ꞌ fuersáꞌ ííꞌ ni̱ꞌin níso re̱ꞌ, soo neí káꞌnú íyó neí iniꞌ re̱ꞌ jiéꞌnéꞌ iniꞌ re̱ꞌ néꞌyá re̱ꞌ rá ñɨvɨ ya̱ íyó ni̱ꞌi̱nꞌ ráa ya̱ kítɨ́ꞌ iniꞌ re̱ꞌ xinóꞌo re̱ꞌ ráa saá váji ráa ya̱ xináánꞌ re̱ꞌ ráa.

1 Corintios 4:7

Chi, ¿né ɨɨn sáꞌá sɨ́ɨ́n noꞌó nsú káꞌ inka ñɨvɨ rúja?, jee, ¿na̱ kuvi ya̱ kúmí nú ya̱ ntu nkútaꞌviꞌ nú maa nu̱u̱nꞌ Ndiosíꞌ rúja? Jee retú íyó nijia ya̱ nku̱taꞌviꞌ nú maa, jee, ¿na̱ kuvi chi kútéyɨ́ɨ́ nú jín maánú kuéntáꞌ retánꞌ nsáꞌ nku̱taꞌviꞌ nú kúvi‑i rúja?

2 Corintios 7:1

Jee ránoꞌó ñanitáꞌán ya̱ ñúnúunꞌ ni̱ꞌ, nni̱ꞌi̱nꞌ‑ó tu̱ꞌun yaꞌá ya̱ nchi̱sóyuꞌú Ndiosíꞌ saꞌá re̱ꞌ jín‑ó. Jee saáva íyó koo noo ninuꞌun‑ó ya̱ nkɨ́ꞌɨ‑ó nu̱u̱nꞌ nta̱ká ya̱ sátéꞌén yɨkɨkúñu‑ó jín ánímaꞌ‑ó nu̱u̱nꞌ Ndiosíꞌ. Jee íyó kujia iniꞌ‑ó sasɨ́ɨ́n‑ó maáó ya̱ nkɨ́ꞌɨ‑ó nu̱u̱nꞌ ya̱ níváꞌa, chi ñúyúꞌví iniꞌ‑ó Ndiosíꞌ.

Gálatas 3:22

Chisaꞌ Tu̱ꞌun Ndiosíꞌ nééꞌ nu̱u̱nꞌ Tutuꞌ Ííꞌ, sánáaꞌ‑a ya̱ nɨꞌɨ ñɨvɨ ñɨ̱vɨ́ yɨ́ꞌɨ́ chi̱ji xi̱ntíín kua̱chi, kuéntáꞌ yɨ́niꞌyuꞌ ráa iniꞌ veka̱a. Sánáaꞌ‑a suꞌva sáva ku̱ꞌva Ndiosíꞌ ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ínúꞌ iniꞌ ráa Jesucristo. Ku̱ꞌva re̱ꞌ maa jie̱ꞌe̱ꞌ kúneí iniꞌ ráa re̱ꞌ.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

Efesios 4:22

jee saáva, kene rán nu̱u̱nꞌ ñujiínꞌ tiñu ñáꞌnú rán tiempúꞌ ya̱ta̱ꞌ, siíyo rán na̱sa ni̱yo rán, chi stívɨ́‑ɨ ránoꞌó, ya̱ kúvi‑i rá tiñu xínáꞌví níyo iniꞌ ránú.

Colosenses 1:21

Jee ránoꞌó chi tiempúꞌ ya̱ta̱ꞌ jee nkuvi rán to̱ꞌo̱ꞌ nu̱u̱nꞌ re̱ꞌ nékúvi, chi ne̱ antúníꞌ rán niniꞌ u̱ꞌvi̱ꞌ rán re̱ꞌ, jie̱ꞌe̱ꞌ rá tiñu niva̱ꞌa nsa̱ꞌá rán nékúvi. Soo vitan chi nnuma̱ni̱ꞌ re̱ꞌ jín rán,

1 Tesalonicenses 4:13

Ránoꞌó ñanitáꞌán, ntu kuíni ránꞌ ya̱ nku̱níꞌ rán jie̱ꞌe̱ꞌ rá ñɨvɨ níꞌiꞌ, sáva nkúkuéká víꞌí iniꞌ rán, kuéntáꞌ rá inka ñɨvɨ ya̱ ntu yɨ́ꞌɨ́ ráa nu̱u̱nꞌ Jesús, jee ntu̱né íyó tu̱neí iniꞌ ráa ya̱ natekuꞌ ñunéꞌyúꞌ ráa.

1 Tesalonicenses 5:6

Saáva koto ñúꞌún iniꞌ‑ó kuéntáꞌ rá inka ñɨvɨ ya̱ kuéntáꞌ kíxíꞌ ráa chi ntu tɨ́ɨn ráa tu̱ꞌun Jesús. Chisaꞌ nito koo‑ó jee kuꞌun kájí iniꞌ‑ó.

1 Timoteo 6:9

Soo rá ñɨvɨ ñúꞌún iniꞌ, ya̱ kukúká ráa, jee kininkava ráa nu̱u̱nꞌ ya̱ níyo kánéꞌén iniꞌ ráa, jín nu̱u̱nꞌ ya̱ níyo naanꞌ iniꞌ ráa, ya̱ kúvi máñáꞌ maáráa, ya̱ saꞌá kini ráa maáráa. Jee kininkava ráa nu̱u̱nꞌ ti̱vɨ́ ráa, jee sikɨ́naanꞌ ráa maáráa, ya̱ koo sɨ́ɨ́n ráa nu̱u̱nꞌ Ndiosíꞌ nɨ́ɨ́nkání.

Tito 3:3

Chi nékúvi sunisaá maáó nkuvi‑ó ñɨvɨ naanꞌ, jee nku̱jiááꞌ iniꞌ‑ó, jee maáó nika̱ꞌ ni̱nu̱ꞌ iniꞌ rá tu̱ꞌun xínáꞌví, jee nyɨ̱ꞌɨ‑ó chi̱ji xi̱ntíín kéꞌín ya̱ níyo iniꞌ jín xi̱ntíín kéꞌín ya̱ sɨ̱ɨ̱ꞌ iniꞌ, jee niva̱ꞌa ñaꞌnu‑ó, jee ni̱yo uꞌvi iniꞌ‑ó, jee nta̱ꞌvi̱ꞌ iniꞌ ñɨvɨ nne̱ꞌyá ráa yó, jee nta̱ꞌvi̱ꞌ iniꞌ‑ó nne̱ꞌyá‑ó ɨɨn inka‑ó.

1 Pedro 1:14

Jee kuéntáꞌ se̱ꞌya ya̱ káníjiá, jee koto jiáꞌnu rán ka̱ꞌ sáni ñaꞌnu rán jín ya̱ sɨ́ɨ́ꞌ néꞌí níyo iniꞌ rán tióꞌ ya̱ta̱ꞌ ne̱ sáá ntiáꞌan ka̱ꞌ kuniꞌ rán Tu̱ꞌun Ndiosíꞌ.

2 Pedro 2:14

Sáá néꞌyá ráa ɨɨn ñaꞌan jiáni néꞌí iniꞌ ráa jee ni ntu síkɨ́kui̱ñɨ̱ꞌ ráa ya̱ sáꞌá ráa kua̱chi. Jee síjínúꞌ ráa iniꞌ rá ñɨvɨ ntu íñɨ́ kutú rává jín Tu̱ꞌun Ndiosíꞌ nástá ráa rává kunikɨnꞌ rává ichi xínéꞌénꞌ ráa, chi maa ñɨvɨ tu̱ꞌva iniꞌ kúvi ráa, chi nijia iniꞌ ráa sáꞌá ráa tiñu uꞌvi iniꞌ. Kúvi ráa ñɨvɨ ya̱ níꞌínꞌ ráa ya̱ chisónínu Ndiosíꞌ ráa.

2 Pedro 2:18

Chi jie̱ꞌe̱ꞌ rá tu̱ꞌun vi̱xi̱ꞌ káꞌánꞌ ka̱ꞌá ráa jie̱ꞌe̱ꞌ rá tiñu téní sɨ̱ɨ̱ꞌ iniꞌ jín rá tiñu kánéꞌí, jee sukuán ne̱ ñunkúún síjínúꞌ ráa iniꞌ rá ñɨvɨ ya̱ sukuán ni nkaku rává nkene rává nu̱u̱nꞌ rá ñɨvɨ jiáꞌnu ichi stívɨ́, jee náxtá ráa rá ñɨvɨ vá ni̱kóyátá rává kunikɨnꞌ rává ichi xínéꞌénꞌ ráa.

1 Juan 2:16

Chi nsú nu̱u̱nꞌ Tátáꞌ‑ó Ndiosíꞌ va̱ji nta̱ká ya̱ íyó ñujiínꞌ ñɨ̱vɨ́: ya̱ níyo néꞌén iniꞌ saꞌá‑ó jín yɨkɨkúñu‑ó, jín ya̱ níyo iniꞌ‑ó ya̱ néꞌyá‑ó jín nchinúún‑ó, jín ya̱ kúvíxiꞌ‑ó ya̱ kúmí‑ó jín ya̱ sáꞌá‑ó. Chisaꞌ káku rá yaꞌá iniꞌ ñɨ̱vɨ́ yaꞌá.

1 Juan 2:8

Chisaꞌ tée ni̱ꞌ nu̱u̱nꞌ rán ɨɨn tu̱ꞌun ya̱ tátúníꞌ jiáá re̱ꞌ, ya̱ nstúvi re̱ꞌ ya̱ máá naáꞌ kúvi nijia tu̱ꞌun vá jie̱ꞌe̱ꞌ na̱sa ñaꞌnu re̱ꞌ, jee suni maárán, chi jíka‑ó ichi nu̱u̱nꞌ nijinꞌ sáꞌá re̱ꞌ, chi suꞌva kua̱nɨꞌɨ nu̱u̱nꞌ neenꞌ, jee kúvi re̱ꞌ ñuꞌunꞌ nijia ya̱ ya túúnꞌ.