Efesios 1:5 - Mixteco del suroeste de Tlaxiaco Oaxaca

⁵ jee saá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ nakeꞌen re̱ꞌ yó sáva kuvi‑ó se̱ꞌya re̱ꞌ jie̱ꞌe̱ꞌ ya̱ nsa̱ꞌá Jesús ya̱ kúvi Cristo. Nkuna̱a̱ꞌ ya̱chi̱ꞌ iniꞌ re̱ꞌ saꞌá re̱ꞌ suꞌva sánikua̱ꞌ nkuini re̱ꞌ sáni kúváꞌa iniꞌ re̱ꞌ.

Efesios 1:5 Iomraidhean Croise

Mateo 1:25

Soo ntu núnéꞌén re̱ꞌ jín ña nekuaꞌ nkaku se̱ꞌya yɨ́ɨ́ ña. Jee nsi̱kúnání re̱ꞌ maa Jesús.

Mateo 11:26

Va̱tu̱ni, Tátáꞌ ni̱ꞌ, chi kúváꞌa iniꞌ nú ya̱ sukuán koo.

Lucas 10:21

Jee máá hora yukuán jee nnusɨ̱ɨ̱ꞌ iniꞌ Jesús nsa̱ꞌá Ta̱chi̱ꞌ Ííꞌ, jee nkachiꞌ re̱ꞌ: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín nu̱u̱nꞌ iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí. Va̱tu̱ni, Tátáꞌ ni̱ꞌ, chi kúváꞌa iniꞌ nú ya̱ sukuán koo.

Lucas 11:32

Jee rá ñɨvɨ ñuunꞌ Nínive kuiñɨ ráa jín rá ñɨvɨ íyó tiempúꞌ vitan ichinúúnꞌ Ndiosíꞌ ki̱vɨ̱ꞌ sanáaꞌ re̱ꞌ jie̱ꞌe̱ꞌ kua̱chi rá ñɨvɨ, jee sijíta ráa rá ñɨvɨ íyó tiempúꞌ vitan, chi rá ñɨvɨ ñuunꞌ Nínive vá nna̱kani iniꞌ ráa nxi̱nóo ráa rá kua̱chi ráa sáá nteso̱ꞌo ráa Tu̱ꞌun Ndiosíꞌ nkachitu̱ꞌún Jonás nu̱u̱nꞌ ráa. Soo, ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Jonás.

Lucas 12:32

’Koto yúꞌví rán, ránoꞌó ya̱ kúvi rán kuéntáꞌ yakuꞌ lanchi ni̱ꞌ, chi Tátáꞌ rán Ndiosíꞌ kúváꞌa iniꞌ re̱ꞌ taji re̱ꞌ nu̱u̱nꞌ rán ya̱ ki̱vɨ rán xi̱ntíín re̱ꞌ nu̱u̱nꞌ tátúníꞌ re̱ꞌ nu̱u̱nꞌ rán.

Juan 1:12

Soo nta̱ká rá ñɨvɨ ya̱ nákuatáꞌví ráa re̱ꞌ, ya̱ kúneí iniꞌ ráa re̱ꞌ, jee jiáꞌayuꞌú re̱ꞌ ni̱ꞌi̱nꞌ ráa kuvi ráa se̱ꞌya Ndiosíꞌ.

Juan 11:52

Jee nsú kua̱chi kuitɨꞌ jie̱ꞌe̱ꞌ rá ñɨvɨ ñuunꞌ yaꞌá kuviꞌ re̱ꞌ, chisaꞌ suni kuviꞌ re̱ꞌ sáva kua̱íyó kuitɨꞌ rá ñɨvɨ ya̱ kúvi se̱ꞌya Ndiosíꞌ ya̱ ñe̱te̱nuun ráa nééꞌ ráa rá ñuunꞌ íyó ñɨ̱vɨ́ yaꞌá, jee nastútú re̱ꞌ ráa sáva ɨɨn ni ka̱ꞌ nuvi nta̱ká ráa.

Juan 20:17

Jee nkachiꞌ Jesús nu̱u̱nꞌ ña: ―Koto tɨ́ɨn nú nuꞌuꞌ chinetu nú, chi ntiáꞌan kɨ̱naa ni̱ꞌ nu̱u̱nꞌ Tátáꞌ ni̱ꞌ. Soo kuáꞌán nu̱u̱nꞌ rá ñaniꞌ ni̱ꞌ, ya nsu̱kuáꞌa ni̱ꞌ ráa, jee kachiꞌ nú nu̱u̱nꞌ ráa ya̱ kɨ̱naa ni̱ꞌ nu̱u̱nꞌ Tátáꞌ maáníꞌ ya̱ kúvi Tátáꞌ ránoꞌó ranika̱ꞌ, jín ya̱ kúvi Ndiosíꞌ ni̱ꞌ jín Ndiosíꞌ ránoꞌó ―nkachiꞌ Jesús.

Hechos 13:48

Sáá nteso̱ꞌo rá ñɨvɨ ntu kúvi Israel yaꞌá, jee nku̱sɨ̱ɨ̱ꞌ iniꞌ ráa, jee nna̱kuetúꞌún ráa jie̱ꞌe̱ꞌ tu̱ꞌun I̱toꞌoꞌ‑ó. Jee ni̱nu̱ꞌ iniꞌ nɨꞌɨ ñɨvɨ na̱kua̱ꞌ nka̱ji Ndiosíꞌ ta ɨɨn kutekuꞌ‑u nɨ́ɨ́nkání jín re̱ꞌ.

Romanos 8:23

Soo nsáꞌ kua̱chi ñɨ̱vɨ́ yaꞌá nóꞌo sukuán, chisaꞌ suni máá maáórán ranika̱ꞌ nóꞌo‑órán sukuán. Yɨ́ꞌɨ́ Ta̱chi̱ꞌ Ííꞌ iniꞌ‑ó jee kúvi re̱ꞌ ya̱ xíꞌnañúꞌún nu̱u̱nꞌ saꞌ víꞌí káꞌ ni̱ꞌi̱nꞌ‑ó. Saáva suni tána kuéká‑ó iniꞌ maáó chi nétu numíjiꞌíꞌ‑ó ya̱ saꞌá Ndiosíꞌ nɨꞌɨ jie̱ꞌe̱ꞌ nna̱keꞌen Ndiosíꞌ yó kuvi‑ó se̱ꞌya re̱ꞌ, chi nakani núne re̱ꞌ yɨkɨkúñu‑ó sáva ntívɨ́‑ɨ ka̱ꞌ jee nasaꞌá jiáá re̱ꞌ maa.

1 Corintios 1:1

Nuꞌuꞌ Pablo, ya̱ nkana Ndiosíꞌ nuꞌuꞌ sáva kuvi ni̱ꞌ najiáꞌáꞌ Jesús sánikua̱ꞌ kuíni Ndiosíꞌ, sáva kuniso ni̱ꞌ tiñu apóstol ya̱ máá Jesús chúichí re̱ꞌ nuꞌuꞌ nákani ni̱ꞌ tu̱ꞌun jie̱ꞌe̱ꞌ re̱ꞌ. Jesús kúvi re̱ꞌ maá Cristo [ya̱ ñaniꞌ Ndiosíꞌ sáva natavaꞌ re̱ꞌ ñɨvɨ nu̱u̱nꞌ kua̱chi sikáku re̱ꞌ ráa]. Nuꞌuꞌ jín ñaniꞌ‑ó Sóstenes

1 Corintios 1:21

Chi níchí nasɨ́kuitɨꞌ sáꞌá Ndiosíꞌ, chi nsú ya̱ níchí ñúꞌún xi̱ni̱ꞌ rá ñɨvɨ ñɨ̱vɨ́ sáꞌá ya̱ kuniꞌ ráa iniꞌ Ndiosíꞌ, chisaꞌ nkuva̱ꞌa iniꞌ Ndiosíꞌ ya̱ jiátíñú re̱ꞌ tu̱ꞌun váꞌa re̱ꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa sikáku re̱ꞌ ráa ya̱ kúneí iniꞌ ráa ínúꞌ iniꞌ ráa re̱ꞌ, asúꞌ jiáni iniꞌ rá ñɨvɨ ñɨ̱vɨ́ ya̱ tu̱ꞌun naanꞌ ví tu̱ꞌun re̱ꞌ ya̱ tékútu̱ꞌún nu̱u̱nꞌ ráa.

2 Corintios 6:18

Jee kuvi ni̱ꞌ Tátáꞌ rán, jee kuvi rán rá se̱ꞌya yɨ́ɨ́ ni̱ꞌ jín rá se̱ꞌya sɨ́ꞌɨ́ ni̱ꞌ, káchíꞌ I̱toꞌoꞌ‑ó Ndiosíꞌ ya̱ níso nɨꞌɨ fuersáꞌ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

Gálatas 3:26

Jee nta̱ká ránoꞌó ví nijia se̱ꞌya Ndiosíꞌ jie̱ꞌe̱ꞌ ya̱ kúneí iniꞌ rán Cristo Jesús jee yɨ́ꞌɨ́ rán chi̱ji naꞌá re̱ꞌ.

Efesios 1:11

Chi nka̱ji Ndiosíꞌ yó sáva kúvi‑ó ñɨvɨ re̱ꞌ ya̱ yɨ́ꞌɨ́‑ó nu̱u̱nꞌ Cristo. Chi saá ya̱ nkuna̱a̱ꞌ ya̱chi̱ꞌ iniꞌ re̱ꞌ ni̱ꞌi̱nꞌ‑ó maa sánikua̱ꞌ ñúꞌún iniꞌ re̱ꞌ, ya̱ maáréꞌ kúvi ya̱ síkúnkuvi ntáká tiñu sáni kúnáaꞌ iniꞌ re̱ꞌ sáni kuíni re̱ꞌ saꞌá re̱ꞌ.

Efesios 1:9

Jee nsa̱ꞌá re̱ꞌ ya̱ kukáꞌnú iniꞌ‑ó tu̱ꞌun yuꞌuꞌ ya̱ nyɨse̱ꞌí‑i nékúvi, jie̱ꞌe̱ꞌ ya̱ kuíni re̱ꞌ saꞌá re̱ꞌ sánikua̱ꞌ kúváꞌa iniꞌ re̱ꞌ saꞌá re̱ꞌ ya̱ nkuna̱a̱ꞌ ya̱chi̱ꞌ iniꞌ re̱ꞌ saꞌá re̱ꞌ jie̱ꞌe̱ꞌ ya̱ saꞌá Cristo.

Filipenses 2:13

Chi máá Ndiosíꞌ ví ya̱ sátíñú re̱ꞌ iniꞌ rán, sáva kuvi iniꞌ rán saꞌá rán tiñu váꞌa, jín sáva saꞌá rán maa sánikua̱ꞌ ya̱ váꞌa kuíni re̱ꞌ.

Colosenses 1:19

Chi sɨ̱ɨ̱ꞌ nkuvi iniꞌ Ndiosíꞌ ya̱ nchi̱tú iniꞌ Cristo kua̱ꞌ nɨꞌɨ ya̱ íyó maá Ndiosíꞌ.

2 Tesalonicenses 1:11

Saáva suni sukuáni káꞌánꞌ ráníꞌ jín Ndiosíꞌ‑ó jie̱ꞌe̱ꞌ ránoꞌó. Jíkánꞌ táꞌvíꞌ ránꞌ nu̱u̱nꞌ re̱ꞌ ya̱ saꞌá re̱ꞌ ya̱ kueꞌnu na̱a̱ꞌ rán sáni kuíni re̱ꞌ, jee nakuayuꞌú re̱ꞌ ya̱ íyó ni̱ꞌi̱nꞌ rán ya̱ nkana Ndiosíꞌ‑ó ránoꞌó. Jee jíkánꞌ ránꞌ nu̱u̱nꞌ re̱ꞌ ya̱ sikúnkuvi re̱ꞌ jín fesáꞌ ííꞌ re̱ꞌ nta̱ká tiñu váꞌa ñúꞌún iniꞌ rán saꞌá rán, jín nta̱ká tiñu sáꞌá rán ya̱ va̱ji nu̱u̱nꞌ kúneí iniꞌ rán Jesús.

Hebreos 2:4

Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.

1 Juan 3:1

Kune̱ꞌyá rán ya̱ na̱ka̱ꞌ váꞌ ñúnúunꞌ ka̱ꞌ Tátáꞌ‑ó Ndiosíꞌ yó ya̱ se̱ꞌya re̱ꞌ káꞌánꞌ re̱ꞌ yó, jee suvi kúvi nijia‑ó. Jee rá ñɨvɨ jiáꞌnu ñujiínꞌ ñɨ̱vɨ́ yaꞌá ntu̱ví tɨ́ɨn kuéntáꞌ ráa ya̱ kúvi‑ó se̱ꞌya Ndiosíꞌ, chi ntu jíníꞌ ráa re̱ꞌ.

Apoclipsis 21:7

Jee ɨɨn ñɨvɨ ya̱ kuneí‑i si̱kɨ̱ꞌ ntáká tiñu níváꞌa, jee ni̱ꞌi̱nꞌ ñɨvɨ vá ntáká rá yaꞌá kuvi ta̱ꞌvi̱ꞌ‑i. Chi nuꞌuꞌ kuvi ni̱ꞌ Ndiosíꞌ ñɨvɨ vá, jee kuvi‑i se̱ꞌya ni̱ꞌ.