Efesios 1:4 - Mixteco del suroeste de Tlaxiaco Oaxaca

⁴ Chi nka̱ji Ndiosíꞌ yó ya̱ kɨꞌɨ‑ó nu̱u̱nꞌ Cristo ne̱ ntiáꞌan ka̱ꞌ kiko̱o ñɨ̱vɨ́ yaꞌá, sáva koo sɨ́ɨ́n‑ó ya̱ nkɨ́ꞌɨ‑ó ka̱ꞌ nu̱u̱nꞌ kua̱chi‑ó jín ya̱ koo ninuꞌun‑ó nu̱u̱nꞌ re̱ꞌ. Chi jie̱ꞌe̱ꞌ ñúnúunꞌ re̱ꞌ yó,

Efesios 1:4 Iomraidhean Croise

Mateo 24:22

Jee retánꞌ ntu̱ví nasaꞌá kuítɨ́ I̱toꞌoꞌ‑ó tiempúꞌ tu̱nóꞌó vá, jee ni ɨɨn ñɨvɨ nkáku nékúvi, soo jie̱ꞌe̱ꞌ rá ñɨvɨ nkáji Ndiosíꞌ sáva ki̱vɨ ráa xi̱ntíín re̱ꞌ, saáva nasaꞌá kuítɨ́ re̱ꞌ tiempúꞌ vá.

Mateo 24:24

Chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ, jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Mateo 24:31

Jee tají ni̱ꞌ rá najiáꞌáꞌ ííꞌ ni̱ꞌ ntántúníꞌ ni̱ꞌin tivɨꞌ ráa trompeta, jee nastútú ráa ñɨvɨ nka̱ji ni̱ꞌ kuvi ráa ñɨvɨ ni̱ꞌ ne̱ nu̱u̱nꞌ ni kúmíꞌ rá íyo ichi ñɨ̱vɨ́, ne̱ íyo ka̱ꞌ ichi ñɨ̱vɨ́, jín ne̱ íyo ka̱ꞌ ichi antivɨ́ ya̱ta̱ꞌ ñɨ̱vɨ́.

Mateo 25:34

’Saájee nuꞌuꞌ ya̱ kúvi ni̱ꞌ ya̱ tátúníꞌ nu̱u̱nꞌ nɨꞌɨ jee kachiꞌ ni̱ꞌ nu̱u̱nꞌ rá ñɨvɨ íñɨ́ ichi kuáꞌá ni̱ꞌ: “Neꞌenꞌ ránoꞌó, ya̱ netuꞌ kúvi rán nsa̱ꞌá Tátáꞌ ni̱ꞌ, jee ni̱ꞌi̱nꞌ rán ta̱ꞌvi̱ꞌ ya̱ váꞌa ya̱ yɨ́ꞌɨ́ rán xi̱ntíín re̱ꞌ tátúníꞌ re̱ꞌ nu̱u̱nꞌ rán ya̱ ya íyó túꞌva‑a ne̱ sáá nka̱jiéꞌé ña̱ko̱o ñɨ̱vɨ́ yaꞌá nsa̱ꞌá re̱ꞌ.

Juan 10:16

Jee suni íyó ñɨvɨ inka nación ya̱ kúvi ráa lanchi ni̱ꞌ ya̱ ntu yɨ́ꞌɨ́ rátíꞌ kuráꞌ yaꞌá. Jee suni íyó kinake̱ꞌen ni̱ꞌ ráa ni̱vɨ ráa xi̱ntíín ni̱ꞌ. Jee teso̱ꞌo ráa ta̱chi̱ꞌ káꞌánꞌ ni̱ꞌ. Jee ɨɨn ni métúꞌún ñɨvɨ ni̱ꞌ nunkáꞌnú koo. Jee métúꞌún ni xí I̱toꞌoꞌ ráa koo kunaka ni̱ꞌ ráa.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

Hechos 13:48

Sáá nteso̱ꞌo rá ñɨvɨ ntu kúvi Israel yaꞌá, jee nku̱sɨ̱ɨ̱ꞌ iniꞌ ráa, jee nna̱kuetúꞌún ráa jie̱ꞌe̱ꞌ tu̱ꞌun I̱toꞌoꞌ‑ó. Jee ni̱nu̱ꞌ iniꞌ nɨꞌɨ ñɨvɨ na̱kua̱ꞌ nka̱ji Ndiosíꞌ ta ɨɨn kutekuꞌ‑u nɨ́ɨ́nkání jín re̱ꞌ.

Hechos 15:18

Suꞌva nkachiꞌ I̱toꞌoꞌ‑ó, ya̱ nsa̱ꞌá re̱ꞌ ya̱ kuniꞌ ñɨvɨ ne̱ rá tiempúꞌ ya̱ta̱ꞌ.

Hechos 18:10

Chi íñɨ́ ni̱ꞌ jín nú. Ni ɨɨn ntu̱náꞌ kasɨꞌ nu̱u̱nꞌ nó sáva nsáꞌ saꞌá kini ráa nó. Chi íyó kue̱ꞌe̱ꞌ víꞌí ñɨvɨ ni̱ꞌ ki̱vɨ nu̱u̱nꞌ ni̱ꞌ ñuunꞌ yaꞌá.

Romanos 8:33

¿Né ɨɨn vá xi̱kóñáꞌán nu̱u̱nꞌ Ndiosíꞌ rá ñɨvɨ ya̱ nka̱ji re̱ꞌ? ¡Ntu̱ví!, chi Ndiosíꞌ ví ya̱ nsiíyo re̱ꞌ kua̱chi ráa sáva nkuna̱a̱ꞌ iniꞌ re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ.

1 Corintios 1:8

Jee saꞌá re̱ꞌ ya̱ kuiñɨ ni̱ꞌin rán kuneí iniꞌ rán Cristo ne̱kua̱ꞌ ji̱nu ya̱ tékúꞌ nú, sáva ni ɨɨn ntu̱náꞌ kuvi chikua̱chi ránoꞌó sáá kenta nikó I̱toꞌoꞌ‑ó Jesús ya̱ kúvi Cristo.

Gálatas 5:13

Chi, ránoꞌó ñaniꞌ, nkana Ndiosíꞌ ránoꞌó, sáva koo núne rán jee nkɨ́ꞌɨ rán xi̱ntíín ley vá jín rá costumbre. Soo sú nééꞌ núne rán nu̱u̱nꞌ ley, jee koto jiátíñú rán maa, sáva saꞌá rán ya̱ níyo néꞌén iniꞌ rán jín yɨkɨkúñu kua̱chi. Jee kunu̱u̱nꞌ ɨɨn inka rán táꞌán rán, sáva kuvi rán musúꞌ saɨn nu̱u̱nꞌ ɨɨn inka rán, jee chineí rán ɨɨn inka táꞌán rán.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Efesios 2:10

Chi kúvi‑ó ɨɨn tiñu jiáá nsa̱ꞌá Ndiosíꞌ, chi maá Ndiosíꞌ nsa̱ꞌá yó sáá íyó‑ó ntañúꞌún jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús. Sáꞌá re̱ꞌ yó sukuán, sáva saꞌá‑ó rá tiñu váꞌa ya̱ ya nsa̱ꞌá túꞌva Ndiosíꞌ sáva kueꞌnu‑ó ichi re̱ꞌ sukuán.

Efesios 3:17

Sáva kɨꞌɨ Cristo iniꞌ ánímaꞌ rán jie̱ꞌe̱ꞌ ya̱ kúneí iniꞌ rán re̱ꞌ, sáva kuiñɨ ni̱ꞌin rán kuꞌun tu̱ꞌun ñúnúunꞌ re̱ꞌ iniꞌ ránoꞌó, kuéntáꞌ kúkutú yoꞌo yutun jín kuéntáꞌ veꞌi yósóꞌ kutú nu̱u̱nꞌ koo sámáꞌ,

Efesios 4:2

Jín ya̱ máá tu̱ꞌun kuꞌun láꞌví iniꞌ rán, jín ya̱ kuꞌun másúꞌ iniꞌ rán, jín ya̱ káꞌnú koo iniꞌ rán keꞌneꞌ iniꞌ rán nu̱u̱nꞌ ɨɨn inka táꞌán rán jee sukuán íyó kunu̱u̱nꞌ rán ɨɨn inka rán.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Efesios 5:27

Nsa̱ꞌá re̱ꞌ sukuán sáva sáá naku̱ꞌva re̱ꞌ yó nu̱u̱nꞌ maáréꞌ ya̱ kúneí iniꞌ‑ó re̱ꞌ jee viiꞌ kuñáꞌnú‑ó, chi nkóo kua̱chi ánímaꞌ‑ó, ni ya̱ niváꞌa, ni néni ɨɨn rá yukuán, sáva koo sɨ́ɨ́n‑ó nkɨ́ꞌɨ‑ó nu̱u̱nꞌ ya̱ niváꞌa jee koo ninuꞌun‑ó nu̱u̱nꞌ re̱ꞌ.

Filipenses 2:15

Sáva nkúvi chikua̱chi ñɨvɨ ránoꞌó, chisaꞌ ninuꞌun koo rán, ya̱ kúvi rán se̱ꞌya Ndiosíꞌ, ya̱ íyó noo nteñu rá ñɨvɨ tiempúꞌ vitan ya̱ sáꞌá tiákuá ráa jee kánéꞌén ráa. Jee tu̱vi rán nteñu ráa kuéntáꞌ jiánu̱te̱ꞌ tiu̱u̱nꞌ íyó súkún nu̱u̱nꞌ ñɨ̱vɨ́ neenꞌ,

Colosenses 1:22

jie̱ꞌe̱ꞌ níꞌiꞌ Se̱ꞌya re̱ꞌ sáá nkenta‑a kúvi‑i te̱e ñunéꞌyúꞌ. Nsa̱ꞌá re̱ꞌ suꞌva sáva saꞌá sɨ́ɨ́n re̱ꞌ yó sáva nkɨ́ꞌɨ‑ó ka̱ꞌ nu̱u̱nꞌ ya̱ niváꞌa, jee nkóo téꞌén si̱kɨ̱ꞌ‑ó, jee ni ntu̱náꞌ kúvi chikua̱chi ka̱ꞌ yó, sáá saꞌá re̱ꞌ ya̱ kuiñɨ‑ó ichinúúnꞌ re̱ꞌ.

Colosenses 2:2

Sáꞌá ni̱ꞌ suꞌva sáva nuneí iniꞌ ánímaꞌ rá ñaniꞌ vá, jín sáva nuún koo iniꞌ ráa jie̱ꞌe̱ꞌ ñúnúunꞌ ráa ɨɨn inka rá táꞌán ráa. Jee sáva kuéntáꞌ kukúká ráa ya̱ kino̱o kutú ánímaꞌ ráa, jie̱ꞌe̱ꞌ ki̱ku̱ꞌun iniꞌ ráa Tu̱ꞌun Ndiosíꞌ, sáva kuniꞌ ráa tu̱ꞌun re̱ꞌ ya̱ nyɨ́ꞌɨ se̱ꞌí ne̱ yanaꞌán nékúvi, jee jie̱ꞌe̱ꞌ maá Cristo ví tu̱ꞌun vá.

Colosenses 3:12

Saáva sama iniꞌ rán, chi nka̱ji Ndiosíꞌ ránoꞌó sáva kuvi rán ñɨvɨ maáréꞌ, ya̱ nsa̱ꞌá sɨ́ɨ́n re̱ꞌ ránoꞌó nu̱u̱nꞌ ya̱ níváꞌa, jee ñúnúunꞌ re̱ꞌ ránoꞌó. Jee koo rán suꞌva: ya̱ kunáꞌví iniꞌ rán rá táꞌán rán, jín ya̱ kuva̱ꞌa iniꞌ rán kune̱ꞌyá rán táꞌán rán, jín ya̱ kuꞌun láꞌví iniꞌ rán, jín ya̱ koo másúꞌ iniꞌ rán, jín ya̱ káꞌnú koo iniꞌ rán jín táꞌán rán,

1 Tesalonicenses 3:12

Jee suni jíkánꞌ táꞌvíꞌ ránꞌ ya̱ saꞌá I̱toꞌoꞌ‑ó, ya̱ kukueꞌeꞌ ka̱ꞌ kunu̱u̱nꞌ víꞌí rán ka̱ꞌ ɨɨn inka táꞌán rán jín nɨꞌɨ rá inka ka̱ꞌ ñɨvɨ, sánikua̱ꞌ suni ñúnúunꞌ ránꞌ ránoꞌó.

1 Tesalonicenses 4:7

Chi ntu nkána Ndiosíꞌ yó sáva saꞌá néꞌí‑ó. Chisaꞌ nkana re̱ꞌ yó sáva koo sɨ́ɨ́n‑ó ya̱ nkɨ́ꞌɨ‑ó nu̱u̱nꞌ ya̱ níváꞌa, jee kɨtíñú‑ó nu̱u̱nꞌ re̱ꞌ.

2 Timoteo 1:9

Chi Ndiosíꞌ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó, jee nkana re̱ꞌ yó sáva sasɨ́ɨ́n re̱ꞌ yó ya̱ kuvi‑ó ñɨvɨ re̱ꞌ ya̱ kɨtíñú‑ó nu̱u̱nꞌ re̱ꞌ. Nsáꞌá re̱ꞌ suꞌva jín yó nsú jie̱ꞌe̱ꞌ ya̱ váꞌa nsa̱ꞌá‑ó. Soo nsi̱káku re̱ꞌ yó, chi saá nkuini re̱ꞌ, chi suni íyó mániꞌ iniꞌ re̱ꞌ néꞌyá re̱ꞌ yó, ya̱ ntu íyó ni̱ꞌi̱nꞌ‑ó maa. Jee ne̱ sáá ntiáꞌan kijiéꞌé kiko̱o ñɨ̱vɨ́ íyó mániꞌ iniꞌ re̱ꞌ néꞌyá re̱ꞌ yó ya̱ yɨ́ꞌɨ́‑ó nu̱u̱nꞌ Cristo Jesús.

2 Timoteo 2:10

Saáva jiéꞌnéꞌ iniꞌ ni̱ꞌ nɨꞌɨ tu̱nóꞌó yaꞌá jie̱ꞌe̱ꞌ rá ñɨvɨ nkáji Ndiosíꞌ, sáva ni̱ꞌi̱nꞌ ráa ya̱ nanitáꞌvíꞌ ráa jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús, jee viiꞌ nasɨ́kuitɨꞌ kuneeꞌ ráa nɨ́ɨ́nkání jín re̱ꞌ.

2 Timoteo 2:19

Soo jiákɨ́nꞌ kutú Ndiosíꞌ tu̱ꞌun re̱ꞌ, nu̱u̱nꞌ jiáni kutú re̱ꞌ rá ñɨvɨ re̱ꞌ. Jee níso vá tu̱ꞌun yaꞌá kuéntáꞌ ɨɨn seyúꞌ ya̱ káchíꞌ‑i: “Jíníꞌ I̱toꞌoꞌ‑ó rá ñɨvɨ yɨ́ꞌɨ́ nu̱u̱nꞌ re̱ꞌ”, jín, “Nta̱ká ñɨvɨ ya̱ jiáꞌayuꞌú ráa ya̱ I̱toꞌoꞌ ráa ví Cristo, íyó saꞌá sɨ́ɨ́n ráa maáráa nu̱u̱nꞌ rá níváꞌa.”

Santiago 2:5

Ránoꞌó ñaniꞌ ni̱ꞌ jín ku̱ꞌva ni̱ꞌ ya̱ ñúnúunꞌ ni̱ꞌ, teso̱ꞌo yaꞌá: Ndiosíꞌ nka̱ji re̱ꞌ rá ñɨvɨ láꞌví íyó ñɨ̱vɨ́ yaꞌá, sáva kukúká ánímaꞌ ráa kúneí iniꞌ ráa re̱ꞌ, jee sáva ni̱ꞌi̱nꞌ ráa ta̱ꞌvi̱ꞌ ya̱ kɨꞌɨ ráa naꞌá re̱ꞌ nu̱u̱nꞌ tátúníꞌ re̱ꞌ, ya̱ suvivá nchi̱sóyuꞌú re̱ꞌ ya̱ ku̱ꞌva re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

1 Pedro 1:2

Jee máá Tátáꞌ‑ó Ndiosíꞌ nka̱ji re̱ꞌ ránoꞌó, sánikua̱ꞌ nkuna̱a̱ꞌ iniꞌ re̱ꞌ ne̱ yanaꞌán jee nsásɨ́ɨ́n Ta̱chi̱ꞌ Ííꞌ re̱ꞌ ránoꞌó kɨtíñú rán nu̱u̱nꞌ Ndiosíꞌ sáva kaníjiá rán re̱ꞌ jee sáva nasánoo re̱ꞌ ránoꞌó nu̱u̱nꞌ kua̱chi rán jín ni̱ñɨ̱ꞌ Jesucristo ya̱ ñatɨ re̱ꞌ sáá níꞌiꞌ re̱ꞌ jie̱ꞌe̱ꞌ rán. Na̱ ka̱ꞌ ntántúníꞌ ka̱ꞌ koo ya̱ máníꞌ iniꞌ Ndiosíꞌ jín rán jín ya̱ kino̱o va̱ꞌa iniꞌ ánímaꞌ rán saꞌá re̱ꞌ.

1 Pedro 1:20

Chi ne̱ sáá ntiáꞌan ka̱ꞌ kiko̱o ñɨ̱vɨ́ yaꞌá jee saá ya̱ ñani Ndiosíꞌ Cristo sáva kunoꞌo‑o sukuán, ya̱ saá nkiji nijinꞌ‑i tiempúꞌ kuánɨꞌɨ yaꞌá, nsa̱ꞌá Ndiosíꞌ sukuán jie̱ꞌe̱ꞌ ya̱ kuvi ya̱ váꞌa ránoꞌó.

1 Pedro 2:9

Soo ránoꞌó chi kúvi rán rá ñɨvɨ nka̱ji Ndiosíꞌ, jee suni kúvi rán su̱tu̱ꞌ ya̱ yɨ́tíñú rán nu̱u̱nꞌ re̱ꞌ ya̱ maáréꞌ vá tátúníꞌ re̱ꞌ, jee kúvi rán ñɨvɨ íyó sɨ́ɨ́n yɨ́tíñú rán nu̱u̱nꞌ re̱ꞌ, jee kúvi rán ñɨvɨ maáréꞌ. Sukuán nka̱ji re̱ꞌ ránoꞌó sáva kachitu̱ꞌún rán jie̱ꞌe̱ꞌ rá tiñu máá ñáꞌnú máá viiꞌ nasɨ́kuitɨꞌ a̱nasɨ́ sáꞌá re̱ꞌ, ya̱ maáréꞌ ví ya̱ nkana re̱ꞌ ránoꞌó sáva ntavaꞌ re̱ꞌ ránoꞌó nkene rán nu̱u̱nꞌ ñu̱neenꞌ ñaꞌnu rán, jee nsi̱kívɨ re̱ꞌ ránoꞌó nu̱u̱nꞌ túúnꞌ ñuꞌunꞌ viiꞌ nasɨ́kuitɨꞌ re̱ꞌ iniꞌ ánímaꞌ rán.

2 Pedro 3:14

Saáva ránoꞌó ya̱ ñúnúunꞌ ni̱ꞌ, jee ni nétu rán ya̱ kiji ntáká rá tiñu yaꞌá, jee kuniꞌvɨꞌ iniꞌ rán nikó néí rán ya̱ kino̱o noo ánímaꞌ rán jee ntu̱náꞌ kua̱chi kuniso ka̱ꞌ ánímaꞌ rán, jee kuniꞌ re̱ꞌ ya̱ ne̱ va̱ꞌa koo ntáká rán jín re̱ꞌ, sáá nenta re̱ꞌ.

1 Juan 4:16

Jee jíníꞌ‑ó jee ínúꞌ iniꞌ‑ó ya̱ ñúnúunꞌ Ndiosíꞌ yó. Chi mánitu̱ꞌun ñúnúunꞌ ñúꞌún iniꞌ Ndiosíꞌ. Jee ñɨvɨ kínóo kutú‑u nu̱u̱nꞌ mánitu̱ꞌun ñúnúunꞌ‑u, jee suvivá kínóo kutú‑u yɨ́ꞌɨ́‑ɨ nu̱u̱nꞌ re̱ꞌ, jee kínóo kutú Ndiosíꞌ yɨ́ꞌɨ́ re̱ꞌ iniꞌ ñɨvɨ vá.

Apoclipsis 13:8

Jee kuneñu̱ꞌun kua̱íyó rá ñɨvɨ ti̱ꞌ ya̱ kúvi ráa rá ñɨvɨ nééꞌ ráa ñɨ̱vɨ́ ya̱ ntu níso súví ráa nu̱u̱nꞌ tutuꞌ ya̱ níso‑o rá súví rá ñɨvɨ ya̱ kutekuꞌ ráa jín Ndiosíꞌ nɨ́ɨ́nkání. Tutuꞌ vá kúvi tutuꞌ maáréꞌ ya̱ kúvi Lanchi Lúlí ya̱ ñaꞌniꞌ rá ñɨvɨ re̱ꞌ sáni nsa̱náaꞌ Ndiosíꞌ ne̱ ntiáꞌan kiko̱o ñɨ̱vɨ́.

Apoclipsis 17:8

Jee kitɨ xéénꞌ kákini ya̱ niniꞌ nú, ni̱yo ti̱ꞌ yanaꞌán, soo ntu íyó ti̱ꞌ vitan, chi íyó kene tuku ti̱ꞌ numaꞌ ya̱ ntu jínu nu̱u̱nꞌ kúnú‑u nu̱u̱nꞌ yɨ́ꞌɨ́ ti̱ꞌ, jee íyó kɨ̱ꞌɨ̱nꞌ ti̱ꞌ nu̱u̱nꞌ ji̱ta ti̱ꞌ kunoꞌo ti̱ꞌ. Jee íyó tutuꞌ ya̱ ne̱ ntiáꞌan kiko̱o ñɨ̱vɨ́ níso rá súví rá ñɨvɨ kutekuꞌ nɨ́ɨ́nkání jín Ndiosíꞌ. Jee rá ñɨvɨ nééꞌ ñɨ̱vɨ́ ya̱ ntu níso súví ráa nu̱u̱nꞌ tutuꞌ vá jee ti̱vɨ́ xíniꞌ ráa kuniꞌ ráa kitɨ vá, ya̱ ni̱yo ti̱ꞌ yanaꞌán, soo ntu íyó ti̱ꞌ vitan, jee koo tuku ti̱ꞌ.