Efesios 1:22 - Mixteco del suroeste de Tlaxiaco Oaxaca

²² Jee nchiꞌi Ndiosíꞌ nɨꞌɨ kuitɨꞌ ya̱ íyó xi̱ntíín Cristo, ya̱ maáréꞌ kúñáꞌnú kosoꞌ re̱ꞌ nu̱u̱nꞌ nɨꞌɨ, jee ntaji Ndiosíꞌ re̱ꞌ nu̱u̱nꞌ maáórán ya̱ kúneí iniꞌ‑ó re̱ꞌ jee yósóꞌ re̱ꞌ nu̱u̱nꞌ‑ó kúvi re̱ꞌ xi̱ni̱ꞌ nu̱u̱nꞌ‑ó.

Efesios 1:22 Iomraidhean Croise

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Mateo 16:18

Jee nuꞌuꞌ káchíꞌ ni̱ꞌ nu̱u̱nꞌ nú, ya̱ noꞌó kúvi Pedro. Jee [tu̱ꞌun na̱a̱ꞌ vá ya̱ nkachiꞌ nú], yaꞌá kúvi máá kava káꞌnú nu̱u̱nꞌ samaꞌ ni̱ꞌ veñu̱ꞌun ni̱ꞌ, ya̱ kúvi rá ñɨvɨ kúneí iniꞌ ráa nuꞌuꞌ. Jee nu̱u̱nꞌ íyó rá ánímaꞌ rá ñɨvɨ níꞌiꞌ ntu̱náꞌ kuneí‑i jín rá ñɨvɨ kúneí iniꞌ ráa nuꞌuꞌ.

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

1 Corintios 11:3

Soo kuíni ni̱ꞌ ya̱ kuniꞌ rán ya̱ yósóꞌ Cristo nu̱u̱nꞌ ntáká te̱e kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu. Jee yósóꞌ ɨɨn te̱e nu̱u̱nꞌ ñasɨ́ꞌɨ́ re̱ꞌ kuéntáꞌ yósóꞌ xi̱ni̱ꞌ. Jee yósóꞌ Ndiosíꞌ nu̱u̱nꞌ Cristo.

Efesios 3:21

Na̱ ka̱ꞌ viiꞌ nasɨ́kuitɨꞌ kúñáꞌnú re̱ꞌ ka̱ꞌ jín tiñu nsa̱ꞌá re̱ꞌ jie̱ꞌe̱ꞌ rá ñɨvɨ ya̱ kúneí iniꞌ ráa re̱ꞌ, jín jie̱ꞌe̱ꞌ ya̱ nsa̱ꞌá Cristo Jesús, jee nakuetúꞌún‑ó re̱ꞌ ntáká tiempúꞌ jín nɨ́ɨ́nkání. ¡Sukuán koo! ¡Amén!

Efesios 5:23

Chi te̱e ya̱ kúvi yɨɨ́ ɨɨn ñaꞌan ví ya̱ yósóꞌ nu̱u̱nꞌ ñasɨ́ꞌɨ́ re̱ꞌ, kuéntáꞌ kua̱ꞌ Cristo yósóꞌ re̱ꞌ nu̱u̱nꞌ ntáká yó ya̱ kúneí iniꞌ‑ó re̱ꞌ. Chi kúvi te̱e kuéntáꞌ xi̱ni̱ꞌ nu̱u̱nꞌ ñasɨ́ꞌɨ́‑ɨ kuéntáꞌ kua̱ꞌ kúvi Cristo kuéntáꞌ xi̱ni̱ꞌ nu̱u̱nꞌ‑ó, jee maáórán kúvi kuéntáꞌ yɨkɨkúñu re̱ꞌ. Jee maáréꞌ ví ya̱ síkáku re̱ꞌ yó nu̱u̱nꞌ kua̱chi‑ó.

Colosenses 1:18

Jee maáréꞌ kúñáꞌnú yósóꞌ re̱ꞌ nu̱u̱nꞌ maáó ya̱ kúneí iniꞌ‑ó re̱ꞌ, kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu, jee maáó kúvi‑ó kuéntáꞌ yɨkɨkúñu re̱ꞌ, ya̱ kúvi‑ó ñɨvɨ ya̱ nstútú Ndiosíꞌ. Jee Cristo ví ya̱ xitékúꞌ re̱ꞌ yó nɨ́ɨ́nkání jín re̱ꞌ, chi xíꞌnañúꞌún re̱ꞌ ví ya̱ nna̱tekuꞌ i̱i̱ꞌ re̱ꞌ jín yɨkɨkúñu re̱ꞌ nteñu rá níꞌiꞌ, sáva máá kúñáꞌnú nasɨ́kuitɨꞌ kúvi re̱ꞌ nu̱u̱nꞌ kua̱íyó kuitɨꞌ.

Colosenses 1:8

Jee suni nna̱kani re̱ꞌ nu̱u̱nꞌ ránuꞌuꞌ ya̱ ñúnúunꞌ rán ɨɨn inka táꞌán rán jie̱ꞌe̱ꞌ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ ránoꞌó.

Colosenses 2:10

Jee kukánáa ánímaꞌ rán jín nɨꞌɨ kuitɨꞌ ya̱ váji ne̱ nu̱u̱nꞌ Ndiosíꞌ ne̱ natɨɨn rán iniꞌ maáréꞌ, jie̱ꞌe̱ꞌ ya̱ yɨ́ꞌɨ́ rán nu̱u̱nꞌ Cristo. Chi Cristo ví ya̱ kúñáꞌnú nu̱u̱nꞌ nta̱ká ya̱ nísotíñú ráa jín ya̱ kúñáꞌnú ráa, [va̱ni nu̱u̱nꞌ ñɨvɨ, va̱ni nu̱u̱nꞌ ta̱chi̱ꞌ, va̱ni nu̱u̱nꞌ najiáꞌáꞌ ííꞌ Ndiosíꞌ].

Colosenses 2:19

Chi ntu̱ví íñɨ́ ráa jín Cristo, ya̱ yósóꞌ‑o nu̱u̱nꞌ‑ó kuéntáꞌ kúvi re̱ꞌ xi̱ni̱ꞌ nu̱u̱nꞌ‑ó. Jee kúvi‑ó kuéntáꞌ yɨkɨkúñu re̱ꞌ, chi náketáꞌán‑ó jín re̱ꞌ, kuéntáꞌ nééꞌ táꞌán yɨkɨkúñu jín xi̱ni̱ꞌ jín rá nu̱u̱nꞌ ñútáꞌán jín rá tu̱chi fuersáꞌ. Jee táji re̱ꞌ ya̱ jíniñúꞌún‑ó sáva kujia iniꞌ‑ó sáni síkuéꞌnu Ndiosíꞌ yó.

1 Timoteo 3:15

Soo retú kukuéé ni̱ꞌ, jee tée ni̱ꞌ tu̱ꞌun yaꞌá, sáva kukáꞌnú iniꞌ nú sáá íyó kuneeꞌ viiꞌ rá ñɨvɨ ya̱ kúneí iniꞌ ráa Cristo jín ɨɨn inka ráa. Suviráa kúvi táꞌán veꞌi Ndiosíꞌ. Suviráa kúvi ñɨvɨ Ndiosíꞌ tékúꞌ, ya̱ stútú re̱ꞌ ráa. Kuéntáꞌ ɨɨn nekaꞌ yɨ́tuvi xi̱ni̱ꞌ ve̱ꞌí, jee kuéntáꞌ yósóꞌ veꞌi nu̱u̱nꞌ koo, chi maáráa yɨ́tuvi ráa tu̱ꞌun nááꞌ re̱ꞌ.

Hebreos 2:8

Chi ntáká ya̱ íyó nna̱chiꞌi nú maa xi̱ntíín ráa. Jee saáva, jie̱ꞌe̱ꞌ ya̱ kua̱íyó nna̱chiꞌi Ndiosíꞌ xi̱ntíín ráa, jee ni ntu̱náꞌ nxínóo re̱ꞌ ka̱ꞌ ya̱ ntu̱ví yɨ́ꞌɨ́ xi̱ntíín ráa. Sú íyó sukuán soo vitan ntiáꞌan kune̱ꞌyá‑ó ya̱ ntáká ya̱ íyó kɨꞌɨ xi̱ntíín ráa.