Efesios 1:10 - Mixteco del suroeste de Tlaxiaco Oaxaca

¹⁰ Chi sikúnkuvi re̱ꞌ maa sáá kenta máá tiempúꞌ ya̱ nkáji re̱ꞌ, ya̱ nachiꞌi re̱ꞌ ntáká nantíñú xi̱ntíín Cristo, rá íyó antivɨ́ jín rá íyó iniꞌ ñɨ̱vɨ́ yaꞌá.

Efesios 1:10 Iomraidhean Croise

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Mateo 25:32

Jee nutútú ñɨvɨ ntáká nación ichinúúnꞌ ni̱ꞌ, jee saꞌá sɨ́ɨ́n ni̱ꞌ ɨɨn inka ráa, kuéntáꞌ sáꞌá te̱e náka sa̱na̱ꞌ sáá sáꞌá sɨ́ɨ́n re̱ꞌ rá lanchi jín rá nixíꞌyú.

Marcos 1:15

jee nkachiꞌ re̱ꞌ: ―Ya nkenta ki̱vɨ̱ꞌ ñani Ndiosíꞌ, ya̱ va̱kuyatin ya̱ tátúníꞌ Ndiosíꞌ nu̱u̱nꞌ ñɨvɨ. Nakani iniꞌ rán jee i̱nu̱ꞌ iniꞌ rán tu̱ꞌun váꞌa Ndiosíꞌ, naní evangelio.

1 Corintios 10:11

Saájee ntáká ya̱ nnoꞌo rá ñɨvɨ vá, táji ɨɨn ichi nu̱u̱nꞌ‑ó sáva ntu saꞌá‑ó sukuán. Chi rá tu̱ꞌun yaꞌá jee nkino̱o nééꞌ‑e nu̱u̱nꞌ Tutuꞌ níso Tu̱ꞌun Ndiosíꞌ sáva kaꞌvi‑ó maa, jee stúꞌva tu̱ꞌun vá yó sáva nkúꞌun iniꞌ‑ó ya̱ saꞌá‑ó tiñu níváꞌa sukuán, chi maáó kúvi‑ó ñɨvɨ ya̱ tékúꞌ ka̱ꞌ rá tiempúꞌ kuánɨꞌɨ.

1 Corintios 11:3

Soo kuíni ni̱ꞌ ya̱ kuniꞌ rán ya̱ yósóꞌ Cristo nu̱u̱nꞌ ntáká te̱e kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu. Jee yósóꞌ ɨɨn te̱e nu̱u̱nꞌ ñasɨ́ꞌɨ́ re̱ꞌ kuéntáꞌ yósóꞌ xi̱ni̱ꞌ. Jee yósóꞌ Ndiosíꞌ nu̱u̱nꞌ Cristo.

Gálatas 4:4

Soo sáá nkenta tiempúꞌ ñani Ndiosíꞌ, jee nchu̱ichí re̱ꞌ Se̱ꞌya re̱ꞌ. Jee nkaku‑u chi̱ji ɨɨn ñaꞌan. Jee ne̱ nkaku‑u nyɨ̱ꞌɨ‑ɨ chi̱ji xi̱ntíín tu̱ꞌun ley njia̱ꞌa Ndiosíꞌ nu̱u̱nꞌ Moisés.

Efesios 1:22

Jee nchiꞌi Ndiosíꞌ nɨꞌɨ kuitɨꞌ ya̱ íyó xi̱ntíín Cristo, ya̱ maáréꞌ kúñáꞌnú kosoꞌ re̱ꞌ nu̱u̱nꞌ nɨꞌɨ, jee ntaji Ndiosíꞌ re̱ꞌ nu̱u̱nꞌ maáórán ya̱ kúneí iniꞌ‑ó re̱ꞌ jee yósóꞌ re̱ꞌ nu̱u̱nꞌ‑ó kúvi re̱ꞌ xi̱ni̱ꞌ nu̱u̱nꞌ‑ó.

Efesios 2:15

chi nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ. Jee sukuán nsi̱kɨ́kui̱ñɨ̱ꞌ re̱ꞌ ley ya̱ njia̱ꞌa Ndiosíꞌ nu̱u̱nꞌ Moisés yanaꞌán ya̱ tátúníꞌ‑i jín ya̱ nte̱tuvi‑i rá ñɨvɨ Israel. Saáva ñɨvɨ Israel jín ñɨvɨ ntu kúvi Israel, núvi ni núvíꞌ‑ó ɨɨn ñɨvɨ jiáá ya̱ yɨ́ꞌɨ́‑ó nu̱u̱nꞌ re̱ꞌ nsa̱ꞌá re̱ꞌ, jee suꞌva númániꞌ táꞌán‑ó sáꞌá re̱ꞌ.

Efesios 3:15

Jee nu̱u̱nꞌ re̱ꞌ va̱ji ntáká tataꞌ yó ñɨvɨ ya̱ ya nééꞌ antivɨ́ súkún jín iniꞌ ñɨ̱vɨ́ yaꞌá.

Efesios 3:2

Chi retú máá naáꞌ nijia ya̱ nteso̱ꞌo rán jie̱ꞌe̱ꞌ tiñu nte̱tíñú Ndiosíꞌ nuꞌuꞌ ya̱ kuniso ni̱ꞌ, jie̱ꞌe̱ꞌ ya̱ íyó mániꞌ iniꞌ re̱ꞌ jín ni̱ꞌ, ya̱ nsi̱kútaꞌviꞌ re̱ꞌ tiñu vá nu̱u̱nꞌ nuꞌuꞌ sáva satíñú ni̱ꞌ jie̱ꞌe̱ꞌ ya̱ váꞌa nu̱u̱nꞌ ránoꞌó.

Colosenses 1:16

Chi nsa̱ꞌá Ndiosíꞌ ya̱ nsa̱ꞌá Se̱ꞌya re̱ꞌ nɨꞌɨ kuitɨꞌ ya̱ ña̱ko̱o: nta̱ká rá íyó súkún jín rá íyó nu̱u̱nꞌ ñɨ̱vɨ́, nta̱ká rá túvi nijinꞌ néꞌyá‑ó, jín rá ntu̱ví túvi néꞌyá‑ó, [nta̱ká rá te̱e jín rá ta̱chi̱ꞌ jín rá najiáꞌáꞌ ííꞌ Ndiosíꞌ], ya̱ kúvi ráa rá i̱toꞌoꞌ ñáꞌnú ka̱ꞌ, ya̱ tátúníꞌ ráa, ya̱ nísotíñú ráa, ya̱ kúñáꞌnú ráa. Jee Ndiosíꞌ nsa̱ꞌá ya̱ nsa̱ꞌá Se̱ꞌya re̱ꞌ nta̱ká ya̱ íyó, jee nsa̱ꞌá Se̱ꞌya re̱ꞌ nɨꞌɨ sáva kuvi‑i vá.

Colosenses 1:20

Jee suni sɨ̱ɨ̱ꞌ nkuvi iniꞌ Ndiosíꞌ nnuma̱ni̱ꞌ re̱ꞌ jín nɨꞌɨ kuitɨꞌ jie̱ꞌe̱ꞌ Se̱ꞌya re̱ꞌ. Chi nnuma̱ni̱ꞌ re̱ꞌ jie̱ꞌe̱ꞌ níꞌiꞌ Se̱ꞌya re̱ꞌ nu̱u̱nꞌ kurúsiꞌ jee ñatɨ ni̱ñɨ̱ꞌ‑ɨ. Jie̱ꞌe̱ꞌ Se̱ꞌya re̱ꞌ nnuma̱ni̱ꞌ re̱ꞌ jín nɨꞌɨ, va̱ni nta̱ká ya̱ íyó iniꞌ ñɨ̱vɨ́ yaꞌá áxí va̱ni nta̱ká ya̱ íyó súkún.

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

Hebreos 1:2

Soo rá ki̱vɨ̱ꞌ nu̱u̱nꞌ nɨ́ꞌɨ yaꞌá, ña̱tíñú re̱ꞌ Se̱ꞌya re̱ꞌ sáva kaꞌanꞌ re̱ꞌ jín‑ó. Jee maá Se̱ꞌya re̱ꞌ ví ya̱ ñani re̱ꞌ sáva nachiꞌi re̱ꞌ xi̱ntíín maáa nta̱ká ya̱ íyó. Jee jín maá Se̱ꞌya re̱ꞌ nsa̱ꞌá re̱ꞌ ya̱ ña̱ko̱o ñɨ̱vɨ́.

Hebreos 11:40

Chi nsa̱ꞌá túꞌva Ndiosíꞌ ɨɨn ta̱ꞌvi̱ꞌ ya̱ kúvi ya̱ váꞌa víꞌí ka̱ꞌ nu̱u̱nꞌ‑ó, sáva kua̱chi jín maáó nuún nkáá kino̱o na̱a̱ꞌ ráa jín maáó saꞌá re̱ꞌ.

Hebreos 9:10

Chi ntáká rá tiñu yukuán, jee kua̱chi kuitɨꞌ kúvi‑i tu̱ꞌun ya̱ tátúníꞌ‑i na̱ja saꞌá‑ó jín yɨkɨkúñu‑ó. Chi tátúníꞌ‑i jie̱ꞌe̱ꞌ ya̱ yájíꞌ, jín ya̱ jíꞌi, jín jie̱ꞌe̱ꞌ na̱ja nasaꞌá noo‑ó yɨkɨkúñu‑ó. Jee ñakɨnꞌ Ndiosíꞌ tiñu vá ne̱kua̱ꞌ tiempúꞌ nasaꞌá jiáá na̱a̱ꞌ re̱ꞌ nɨꞌɨ.

1 Pedro 1:20

Chi ne̱ sáá ntiáꞌan ka̱ꞌ kiko̱o ñɨ̱vɨ́ yaꞌá jee saá ya̱ ñani Ndiosíꞌ Cristo sáva kunoꞌo‑o sukuán, ya̱ saá nkiji nijinꞌ‑i tiempúꞌ kuánɨꞌɨ yaꞌá, nsa̱ꞌá Ndiosíꞌ sukuán jie̱ꞌe̱ꞌ ya̱ kuvi ya̱ váꞌa ránoꞌó.

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.