Efesios 1:1 - Mixteco del suroeste de Tlaxiaco Oaxaca

¹ Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Tée ni̱ꞌ tutuꞌ yaꞌá nu̱u̱nꞌ ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨtíñú rán nu̱u̱nꞌ Cristo, ya̱ nééꞌ rán ñuunꞌ Éfeso. Suvirán níkɨ́nꞌ va̱ꞌa jiáꞌnu na̱a̱ꞌ rán nu̱u̱nꞌ Cristo Jesús, ya̱ ñani Ndiosíꞌ re̱ꞌ sáva tatúníꞌ re̱ꞌ ñɨ̱vɨ́.

Efesios 1:1 Iomraidhean Croise

Lucas 16:10

’Ɨɨn ñɨvɨ ya̱ na̱a̱ꞌ síkúnkuvi‑i ɨɨn tiñu lúlí jee suni na̱a̱ꞌ síkúnkuvi‑i kue̱ꞌe̱ꞌ tiñu. Jee ɨɨn ñɨvɨ ya̱ ntu náaꞌ‑a jín yakuꞌ tiñu jee suni ni nsáꞌ na̱a̱ꞌ‑a jín kue̱ꞌe̱ꞌ tiñu.

Hechos 16:15

Jee sáá ña̱nuté ña jín rá táꞌán veꞌi ña, nkana ña ránuꞌuꞌ jee ni̱ka̱nꞌ táꞌvíꞌ ña: ―Ré káꞌvi iniꞌ rán ya̱ kúneí nijia iniꞌ ni̱ꞌ Jesús, kiji rán kino̱o rán veꞌi ni̱ꞌ. Jee nsi̱ínúꞌ ña iniꞌ ránꞌ.

Hechos 18:19

Jee nkenta ráa ñuunꞌ Éfeso. Jee nxi̱nóo re̱ꞌ Priscila jín Aquila yukuán. Jee nki̱vɨ re̱ꞌ veꞌi sinagoga nu̱u̱nꞌ kútútú rá ñɨvɨ Israel jee nkua̱yuꞌú‑u jín rá ñɨvɨ Israel.

Hechos 18:21

I̱ña̱jée nkaꞌanꞌ re̱ꞌ ka̱ꞌ jín ráa, jee nkachiꞌ re̱ꞌ: ―Tukuni nikó ni̱ꞌ nu̱u̱nꞌ nééꞌ rán, ré Ndiosíꞌ kuíni ―nkachiꞌ‑i. Jee ntɨɨn‑ɨ barkúꞌ ñuunꞌ Éfeso jee kua̱ꞌa̱nꞌ‑a.

Hechos 9:13

Soo nna̱xiníkó Ananías: ―I̱toꞌoꞌ ni̱ꞌ, tésóꞌo ni̱ꞌ kue̱ꞌe̱ꞌ ñɨvɨ káꞌánꞌ jie̱ꞌe̱ꞌ te̱e vá. Nteso̱ꞌo ni̱ꞌ ya̱ kue̱ꞌe̱ꞌ niva̱ꞌa nsa̱ꞌá re̱ꞌ nu̱u̱nꞌ rá ñɨvɨ yɨ́ꞌɨ́ ráa nu̱u̱nꞌ nú nu̱u̱nꞌ ñuunꞌ Jerusalén.

Romanos 1:1

Nuꞌuꞌ Pablo, ya̱ kúvi ni̱ꞌ musúꞌ ya̱ sáꞌá ni̱ꞌ tiñu Cristo Jesús, jín ya̱ nkana re̱ꞌ nuꞌuꞌ kuvi ni̱ꞌ najiáꞌáꞌ re̱ꞌ ya̱ kunisotíñú ni̱ꞌ tiñu apóstol ya̱ chúichí re̱ꞌ nuꞌuꞌ, chi nsa̱ꞌá sɨ́ɨ́n re̱ꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa Ndiosíꞌ.

Romanos 1:7

Tée ni̱ꞌ tutuꞌ yaꞌá nu̱u̱nꞌ ránoꞌó ya̱ ñúnúunꞌ Ndiosíꞌ ránoꞌó ya̱ nééꞌ rán ñuunꞌ Roma, ya̱ nkana re̱ꞌ ránoꞌó sáva kusɨ́ɨ́n rán kɨꞌɨ rán nu̱u̱nꞌ re̱ꞌ. Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo kune̱ꞌyá ráa ránoꞌó jín ya̱ kuneeꞌ va̱ꞌa rán saꞌá ráa.

Romanos 8:1

Saájee vitan jee ni ntu̱náꞌ íyó ya̱ sijíta Ndiosíꞌ xinóꞌo re̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Cristo Jesús, [ya̱ ntu jiáꞌnu ráa ka̱ꞌ sáni níyo néꞌén iniꞌ ráa jín yɨkɨkúñu ráa, chisaꞌ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ].

1 Corintios 4:12

Jee suni jiáví ráníꞌ sátíñú yɨ́ɨ́ ránꞌ jín naꞌá maáránꞌ, jee chísónínu rá ñɨvɨ ránuꞌuꞌ jín tu̱ꞌun níváꞌa néꞌyá ráa ránuꞌuꞌ, soo káꞌánꞌ ránꞌ tu̱ꞌun váꞌa jie̱ꞌe̱ꞌ ráa, jee jíto u̱ꞌvi̱ꞌ ráa ránuꞌuꞌ, jee jiéꞌnéꞌ iniꞌ ráníꞌ ya̱ sukuán nóꞌo ránꞌ,

1 Corintios 4:17

Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ yaꞌá kúvi ya̱ nchu̱ichí ni̱ꞌ Timoteo kua̱jiaaꞌ re̱ꞌ nu̱u̱nꞌ rán. Jee Timoteo kúvi kuéntáꞌ se̱ꞌya ni̱ꞌ ya̱ ñúnúunꞌ ni̱ꞌ, jee káníjiá re̱ꞌ síkúnkuvi va̱ꞌa re̱ꞌ nu̱u̱nꞌ I̱toꞌoꞌ‑ó. Jee maáréꞌ ví ya̱ xinákúꞌun re̱ꞌ iniꞌ rán jie̱ꞌe̱ꞌ na̱sa jiáꞌnu ni̱ꞌ ichi Cristo Jesús, jín ya̱ jiáꞌnu ni̱ꞌ sánikua̱ꞌ xínéꞌénꞌ ni̱ꞌ tu̱ꞌun váꞌa Cristo nu̱u̱nꞌ ntáká ichi nu̱u̱nꞌ jíka ni̱ꞌ xínéꞌénꞌ ni̱ꞌ nu̱u̱nꞌ ntáká grupo rá ñɨvɨ ya̱ jínúꞌ iniꞌ ráa Cristo.

2 Corintios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Nuꞌuꞌ jín ñaniꞌ‑ó Timoteo táji ránꞌ tutuꞌ yaꞌá nu̱u̱nꞌ ránoꞌó, ya̱ kúvi ñɨvɨ Ndiosíꞌ ya̱ jínúꞌ iniꞌ rán Jesús, ya̱ nééꞌ rán ñuunꞌ Corinto, ya̱ kútútú rán yukuán. Jee suni táji ránꞌ maa nu̱u̱nꞌ ntáká rá ñɨvɨ ya̱ nsásɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ, ya̱ nééꞌ ráa ntáká rá ñuunꞌ sánitɨ́ɨn Acaya.

Gálatas 1:1

Maáníꞌ, Pablo tée ni̱ꞌ nu̱u̱nꞌ tutuꞌ yaꞌá. Níso ni̱ꞌ tiñu apóstol, ya̱ chúichí Ndiosíꞌ stekútu̱ꞌún ni̱ꞌ tu̱ꞌun re̱ꞌ. Nsú rá ñɨvɨ ví ya̱ nchu̱ichí nuꞌuꞌ ni ya̱ nsáꞌ ñani ñɨvɨ nuꞌuꞌ kunisotíñú ni̱ꞌ. Chi maá Jesús ya̱ kúvi Cristo jín Tátáꞌ‑ó ya̱ kúvi Ndiosíꞌ ñani ráa nuꞌuꞌ. Jee Ndiosíꞌ ví ya̱ nxi̱nátekuꞌ i̱i̱ꞌ re̱ꞌ Jesús nteñu rá níꞌiꞌ jee nxi̱nákóo re̱ꞌ yɨkɨkúñu‑u jee tékúꞌ‑u.

Gálatas 3:26

Jee nta̱ká ránoꞌó ví nijia se̱ꞌya Ndiosíꞌ jie̱ꞌe̱ꞌ ya̱ kúneí iniꞌ rán Cristo Jesús jee yɨ́ꞌɨ́ rán chi̱ji naꞌá re̱ꞌ.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Gálatas 3:9

Saáva rá ñɨvɨ kúneí iniꞌ ráa Ndiosíꞌ, sáꞌá re̱ꞌ ya̱ netuꞌ kuvi ráa jín Abraham, ya̱ nku̱neí iniꞌ re̱ꞌ Ndiosíꞌ.

Efesios 1:15

Saáva, sáá nteso̱ꞌo ni̱ꞌ tu̱ꞌun jie̱ꞌe̱ꞌ rán, jie̱ꞌe̱ꞌ ya̱ kúneí iniꞌ rán I̱toꞌoꞌ‑ó Jesús, jín jie̱ꞌe̱ꞌ ya̱ ñúnúunꞌ rán ntáká rá ñɨvɨ ya̱ nsa̱ꞌá sɨ́ɨ́n Ndiosíꞌ ráa, sáva kɨꞌɨ ráa nu̱u̱nꞌ Cristo,

Efesios 2:10

Chi kúvi‑ó ɨɨn tiñu jiáá nsa̱ꞌá Ndiosíꞌ, chi maá Ndiosíꞌ nsa̱ꞌá yó sáá íyó‑ó ntañúꞌún jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús. Sáꞌá re̱ꞌ yó sukuán, sáva saꞌá‑ó rá tiñu váꞌa ya̱ ya nsa̱ꞌá túꞌva Ndiosíꞌ sáva kueꞌnu‑ó ichi re̱ꞌ sukuán.

Efesios 2:13

Soo vitan jee yɨ́ꞌɨ́ rán nu̱u̱nꞌ Cristo Jesús, jee tiempúꞌ yukuán ni̱yo íká rán nu̱u̱nꞌ Ndiosíꞌ, soo vitan nna̱tuꞌva rán nu̱u̱nꞌ re̱ꞌ, jie̱ꞌe̱ꞌ ya̱ ni̱ꞌi̱ꞌ Cristo jie̱ꞌe̱ꞌ rán jee ñatɨ ni̱ñɨ̱ꞌ re̱ꞌ.

Efesios 2:6

Jee sukuán nxi̱nátekuꞌ nkáá Ndiosíꞌ yó jín Cristo, jee nsi̱kúneeꞌ re̱ꞌ yó jín Cristo Jesús ne̱ antivɨ́ súkún, nu̱u̱nꞌ kúñáꞌnú, jie̱ꞌe̱ꞌ yɨ́ꞌɨ́‑ó nu̱u̱nꞌ‑u.

Efesios 6:21

Jee nakani Tíquico nɨꞌɨ tu̱ꞌun na̱sa íyó jie̱ꞌe̱ꞌ nuꞌuꞌ jín ná kúvi ya̱ sáꞌá ni̱ꞌ. Suvire̱ꞌ kúvi ñaniꞌ‑ó ya̱ ñúnúunꞌ‑órán. Jee yɨ́tíñú re̱ꞌ síkúnkuvi na̱a̱ꞌ nijia re̱ꞌ nu̱u̱nꞌ tiñu maá I̱toꞌoꞌ‑ó.

Colosenses 1:2

tájí ránꞌ tutuꞌ yaꞌá kua̱jiaaꞌ nu̱u̱nꞌ ránoꞌó ñaniꞌ, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Colosas, ya̱ kúvi rán ñaniꞌ‑ó ya̱ síkúnkuvi na̱a̱ꞌ rán nu̱u̱nꞌ re̱ꞌ. Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ [jín I̱toꞌoꞌ‑ó Jesús ya̱ kúvi Cristo] kune̱ꞌyá ráa ránoꞌó, jín ya̱ kuneeꞌ va̱ꞌa rán saꞌá ráa.

Apoclipsis 17:14

Saájee kantáꞌán ráa jín maáréꞌ ya̱ kúvi Lanchi Lúlí Ndiosíꞌ. Jee Lanchi Lúlí vá kuneí re̱ꞌ si̱kɨ̱ꞌ ráa, chi maáréꞌ kúvi I̱toꞌoꞌ nu̱u̱nꞌ ntáká rá i̱toꞌoꞌ jín nísotíñú re̱ꞌ tátúníꞌ re̱ꞌ nu̱u̱nꞌ ntáká ráa ya tátúníꞌ rá nu̱u̱nꞌ rá ñuunꞌ. Jee rá ñɨvɨ ya̱ íñɨ́ jín re̱ꞌ kúvi ráa ya̱ nkana Ndiosíꞌ ráa, jín ya̱ nka̱ji re̱ꞌ ráa, jín ya̱ íñɨ́ ni̱ꞌin ráa síkúnkuvi na̱a̱ꞌ ráa nu̱u̱nꞌ re̱ꞌ ―nkachiꞌ najiáꞌáꞌ ííꞌ vá.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

Apoclipsis 2:13

[Jee jíníꞌ ni̱ꞌ ntáká tiñu váꞌa sáꞌá rán.] Jee jíníꞌ ni̱ꞌ ya̱ nééꞌ rán nu̱u̱nꞌ tátúníꞌ kui̱ꞌna̱ꞌ kúñáꞌnú naní Satanás. Soo súka̱ꞌ sukuán soo íñɨ́ ni̱ꞌin rán níkɨ́nꞌ na̱a̱ꞌ rán nuꞌuꞌ. Jee ni ntu nníkó iniꞌ rán ya̱ jínúꞌ iniꞌ rán nuꞌuꞌ, ni súnika̱ꞌ sáá nkuvi rá ki̱vɨ̱ꞌ nneeꞌ Antipas nteñu rán, ɨɨn te̱e ya̱ nsi̱kúnkuvi na̱a̱ꞌ re̱ꞌ nna̱kani na̱a̱ꞌ re̱ꞌ tu̱ꞌun ni̱ꞌ, jee ñaꞌniꞌ ráa maa nteñu rán yukuán ñuunꞌ nu̱u̱nꞌ nééꞌ Satanás.