Apoclipsis 8:12 - Mixteco del suroeste de Tlaxiaco Oaxaca

¹² Jee najiáꞌáꞌ ííꞌ kúmíꞌ nti̱vɨ̱ꞌ‑ɨ trompeta‑a. Jee ɨɨn ya̱ uníꞌ parte nka̱niiꞌ, jín suni ɨɨn ya̱ uníꞌ parte yo̱o̱ꞌ, jín suni ɨɨn ya̱ uníꞌ parte rá tiu̱u̱nꞌ nti̱vɨ́ ráa. Jee nnu̱neenꞌ rá parte vá, jee ntu ka̱ꞌ túúnꞌ ñuꞌunꞌ ráa ya̱ uníꞌ parte nuví ya̱ uníꞌ parte yakuááꞌ.

Apoclipsis 8:12 Iomraidhean Croise

Mateo 24:29

’Jee kuísá ntañúꞌún kuitɨꞌ ré njia̱ꞌa tu̱nóꞌó rá ki̱vɨ̱ꞌ yukuán, jee nuneenꞌ nka̱niiꞌ, jee nsáꞌ kutuunꞌ ka̱ꞌ ñuꞌunꞌ yo̱o̱ꞌ, jee ku̱te̱ꞌ rá tiu̱u̱nꞌ ne̱ súkún, jee kajiaꞌ rá fuersáꞌ súkún ya̱ tɨ́ɨn nɨꞌɨ ya̱ íyó súkún.

Mateo 27:45

Jee sáá nkuvi kaxu̱vi̱ꞌ (12), jee nnu̱neenꞌ kua̱ꞌ íyó kuitɨꞌ iniꞌ ñɨ̱vɨ́ nkenta ne̱ kau̱ni̱ꞌ ya̱ kuáini.

Marcos 13:24

’Soo rá ki̱vɨ̱ꞌ yukuán, jee ré njia̱ꞌa tu̱nóꞌó, jee nuneenꞌ nka̱niiꞌ, jee nsáꞌ kutuunꞌ ka̱ꞌ ñuꞌunꞌ yo̱o̱ꞌ,

Marcos 15:33

Sáá nkenta sava nuví, jee nnu̱neenꞌ nɨꞌɨ nu̱u̱nꞌ ñu̱ꞌún, jín ne̱ kau̱ni̱ꞌ yánini.

Lucas 21:25

’Saájee koo seña nu̱u̱nꞌ nka̱niiꞌ jín nu̱u̱nꞌ yo̱o̱ꞌ jín suni rá tiu̱u̱nꞌ. Jee iniꞌ ñɨ̱vɨ́ yaꞌá koo nasɨ́kuitɨꞌ tu̱nkuíꞌyáꞌ iniꞌ rá ñɨvɨ nta̱ká nación, jee sa̱ꞌvi iniꞌ ráa ya̱ kuyu̱ꞌví ráa ya̱ nɨꞌɨn jiaku nasɨ́kuitɨꞌ nteñúꞌún jín ya̱ ji̱so̱ꞌ nasɨ́kuitɨꞌ nute sikéne‑e vá.

Hechos 2:20

Nuneenꞌ nu̱u̱nꞌ nka̱niiꞌ, jee tu̱vi yo̱o̱ꞌ kuéntáꞌ ni̱ñɨ̱ꞌ, ne̱ ntiáꞌan kenta ki̱vɨ̱ꞌ ya̱ kiji maá I̱toꞌoꞌ‑ó sanáaꞌ re̱ꞌ rá kua̱chi jee tatúníꞌ re̱ꞌ nu̱u̱nꞌ nɨꞌɨ ñɨ̱vɨ́. Jee ki̱vɨ̱ꞌ yukuán koo máá ñáꞌnú jín mánasɨ́.

2 Corintios 4:4

Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

Apoclipsis 12:4

Jee su̱ꞌma̱ꞌ ti̱ꞌ xtákaa ti̱ꞌ ɨɨn ya̱ uníꞌ tantúꞌ rá tiu̱u̱nꞌ íyó súkún, jee nsi̱kéne ti̱ꞌ ráa nu̱u̱nꞌ ñu̱ꞌún. Jee ña̱kui̱ñɨ̱ꞌ ti̱ꞌ ichinúúnꞌ ñaꞌan vá ya̱ sikáku ña se̱ꞌya ña, nétu ti̱ꞌ sáva kajiꞌ ti̱ꞌ nchíkɨ́n vá sáá kaku‑u.

Apoclipsis 16:10

Saájee ya̱ úꞌúnꞌ najiáꞌáꞌ ííꞌ nsi̱kúténuun‑u tu̱nóꞌó ñuꞌun iniꞌ ko̱ꞌo̱ꞌ‑o nu̱u̱nꞌ nééꞌ kitɨ xéénꞌ kákini vá tátúníꞌ ti̱ꞌ. Jee nnu̱neenꞌ nu̱u̱nꞌ tátúníꞌ ti̱ꞌ, jee ne̱ nákayɨꞌɨ́ rá ñɨvɨ ti̱ꞌ yáá ráa ya̱ máá yájíꞌ víꞌí ñunéꞌyúꞌ ráa.

Apoclipsis 6:12

Jee nna̱kune̱ꞌyá ni̱ꞌ sáá nsine Lanchi vá ya̱ íñúꞌ seyúꞌ, jee nkiji ñutáan xéénꞌ, jee nnu̱neenꞌ chi nnu̱túún nka̱niiꞌ kuéntáꞌ ɨɨn saꞌma túún. Jee nu̱u̱nꞌ yo̱o̱ꞌ nɨ́ɨ́n nnuvi‑i kuéntáꞌ ni̱ñɨ̱ꞌ.

Apoclipsis 9:15

Saájee nna̱nají ni kúmíꞌ rá najiáꞌáꞌ ííꞌ ya̱ núꞌníꞌ vá, ya̱ ya íyó tu̱ꞌva rá najiáꞌáꞌ ííꞌ vá jie̱ꞌe̱ꞌ hora yukuán jín ki̱vɨ̱ꞌ jín yo̱o̱ꞌ jín kui̱ya̱ꞌ, sáva kaꞌniꞌ ráa ya̱ uníꞌ parte rá ñɨvɨ ñɨ̱vɨ́.

Apoclipsis 9:18

Jee ni núníꞌ rá tu̱nóꞌó kéne yuꞌú rátíꞌ ñaꞌniꞌ‑i ya̱ uníꞌ parte rá ñɨvɨ ñɨ̱vɨ́. Jee rá yukuán kúvi ñuꞌunꞌ jín ñu̱ꞌma̱ꞌ jín sufríꞌ.