Apoclipsis 7:12 - Mixteco del suroeste de Tlaxiaco Oaxaca

¹² Jee nkachiꞌ ráa: Sukuán koo, na̱ ka̱ꞌ vá nakuetúꞌún‑ó Ndiosíꞌ‑ó nɨ́ɨ́nkání nta̱ká tiempúꞌ, jín ya̱ viiꞌ víꞌí kúñáꞌnú re̱ꞌ, jín ya̱ níchí víꞌí re̱ꞌ, jín ya̱ ku̱ꞌva‑ó ya̱ kútaꞌviꞌ nu̱u̱nꞌ re̱ꞌ, jín ya̱ nakuatáꞌví‑ó re̱ꞌ, jín ya̱ kuneí re̱ꞌ jín ntáká tiñu ya̱ sáꞌá re̱ꞌ, jín ya̱ níso re̱ꞌ fesáꞌ ííꞌ níꞌin re̱ꞌ nta̱ká tiempúꞌ nɨ́ɨ́nkání. Sukuán koo, nkachiꞌ rá najiáꞌáꞌ ííꞌ re̱ꞌ.

Apoclipsis 7:12 Iomraidhean Croise

Jonás 2:9

Soo nuꞌuꞌ, chi kata ni̱ꞌ, nakuetúꞌún ni̱ꞌ noꞌó jín ta̱chi̱ꞌ yuꞌú ni̱ꞌ, jee kaꞌniꞌ ni̱ꞌ sa̱na̱ꞌ nasokoꞌ ni̱ꞌ maa nu̱u̱nꞌ nú. Jee sikúnkuvi ni̱ꞌ ya̱ nchi̱sóyuꞌú ni̱ꞌ nu̱u̱nꞌ nú. Chi métúꞌún maánú ví I̱toꞌoꞌ ni̱ꞌ, ya̱ sáꞌá nú ya̱ nánitáꞌvíꞌ, nkachiꞌ Jonás.

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

Romanos 11:36

Chi nsa̱ꞌá Ndiosíꞌ nɨꞌɨ ya̱ íyó, jee néen kuéntáꞌ re̱ꞌ nɨꞌɨ, jee suni nsa̱ꞌá re̱ꞌ nɨꞌɨ sáva kuvi maáréꞌ maa. ¡Na̱ ka̱ꞌ nakuetúꞌún‑ó ya̱ viiꞌ kúñáꞌnú nasɨ́kuitɨꞌ re̱ꞌ nɨ́ɨ́nkání! Suꞌva koo, amén.

1 Corintios 14:16

Chi retú nákuetúꞌún nú Ndiosíꞌ jín inka nu̱u̱nꞌ tu̱ꞌun ntu jiáku̱ꞌun iniꞌ nú ya̱ váji ne̱ iniꞌ ta̱chi̱ꞌ káꞌánꞌ nú ya̱ ntaji Ta̱chi̱ꞌ Ííꞌ sákachiꞌ nú, jee retú íyó ñɨvɨ ya̱ tésóꞌo tu̱ꞌun káꞌánꞌ nú ya̱ ntu̱ví kúmí‑i ta̱ꞌvi̱ꞌ ya̱ kuvi ki̱ku̱ꞌun iniꞌ‑i vá, jee, ¿na̱ja kuvi kunuún iniꞌ ñɨvɨ vá jín ya̱ káchíꞌ nú jee kachiꞌ‑i suꞌva íyó, sáá jiáꞌa nú ya̱ kútaꞌviꞌ nú nu̱u̱nꞌ Ndiosíꞌ rúja?, chi ni ntu̱ví jíníꞌ‑i ná kúvi ya̱ káchíꞌ nú.

2 Corintios 4:15

Saáva nɨꞌɨ yaꞌá kúvi ya̱ váꞌa nu̱u̱nꞌ ránoꞌó. Jín sáva kukueꞌeꞌ ka̱ꞌ ñɨvɨ ni̱ꞌi̱nꞌ ya̱ ma̱ni̱ꞌ iniꞌ Ndiosíꞌ jín ráa. Saájee sáva kukueꞌeꞌ nasɨ́kuitɨꞌ ka̱ꞌ rá ñɨvɨ ku̱ꞌva ráa ya̱ kútaꞌviꞌ ráa nu̱u̱nꞌ Ndiosíꞌ, sáva stúvi‑ó ya̱ viiꞌ nasɨ́kuitɨꞌ kúñáꞌnú Ndiosíꞌ.

Colosenses 2:7

Jee kaka rán suꞌva jie̱ꞌe̱ꞌ kukutú rán kuiñɨ rán jín re̱ꞌ, kuéntáꞌ kúun ɨɨn yoꞌo yutun, jee kujia iniꞌ rán ya̱ kúneí iniꞌ rán re̱ꞌ, jee kuiñɨ ni̱ꞌin rán ya̱ kúneí iniꞌ rán re̱ꞌ, sánikua̱ꞌ nku̱tu̱ꞌva rán. Jee saꞌ víꞌí káꞌ ku̱ꞌva rán ya̱ kútaꞌviꞌ rán nu̱u̱nꞌ Ndiosíꞌ.

Colosenses 3:17

Jee néni ɨɨn tu̱ꞌun káꞌánꞌ rán, áxí néni ɨɨn tiñu ya̱ sáꞌá rán, jee saꞌá va̱ꞌa rán nɨꞌɨ nu̱u̱nꞌ súví I̱toꞌoꞌ‑ó Jesús. Jee ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ya̱ nsa̱ꞌá Cristo jie̱ꞌe̱ꞌ ránoꞌó.

Judas 1:25

Jee métúꞌún Ndiosíꞌ ví Ndiosíꞌ jee [níchí re̱ꞌ], jee síkáku re̱ꞌ yó nátavaꞌ re̱ꞌ yó nu̱u̱nꞌ kua̱chi‑ó, jie̱ꞌe̱ꞌ ya̱ nsa̱ꞌá re̱ꞌ jín I̱toꞌoꞌ‑ó Jesús ya̱ ya níso re̱ꞌ tiñu ya̱ kúvi re̱ꞌ máá Cristo. Jee na̱ ka̱ꞌ nákuetúꞌún‑ó Ndiosíꞌ, jee kúñáꞌnú víꞌí re̱ꞌ, jee níso re̱ꞌ fuersáꞌ ííꞌ nasɨ́kuitɨꞌ, jee tátúníꞌ re̱ꞌ tiñu nu̱u̱nꞌ nɨꞌɨ, [ne̱ yanaꞌán jín] ne̱ vitan, jín nɨ́ɨ́nkání. Sukuán koo. Amén.

Apoclipsis 1:18

Chi nuꞌuꞌ kúvi ya̱ tékúꞌ nɨ́ɨ́nkání. Chi ni̱ꞌi̱ꞌ ni̱ꞌ soo vitan chi tékúꞌ ni̱ꞌ nɨ́ɨ́nkání. Jee kuéntáꞌ ínaꞌá ni̱ꞌ nakáa ya̱ nísotíñú ni̱ꞌ ya̱ saꞌá ni̱ꞌ ya̱ rá ni̱yɨ nki̱nóo ráa ka̱ꞌ kuvi ráa ni̱yɨ jee xi̱ntíín nuꞌuꞌ yɨ́ꞌɨ́ nu̱u̱nꞌ nutútú ánímaꞌ rá ni̱yɨ jee nakani núne ni̱ꞌ ráa sáva natekuꞌ ráa kene ráa nteñu rá ni̱yɨ.

Apoclipsis 19:4

Saájee ni ókóꞌ ku̱mi̱ꞌ (24) rá te̱e ñáꞌnú ya̱ nísotíñú vá, jín ni kúmíꞌ rá tékúꞌ vá, nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñu̱ꞌún nu̱u̱nꞌ Ndiosíꞌ jee nneñu̱ꞌun ráa Ndiosíꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ. Jee nkachiꞌ ráa: ―¡Amén! ¡Sukuán koo! ¡Na̱ ka̱ꞌ nakuetúꞌún‑ó noꞌó! ―nkachiꞌ ráa.