Apoclipsis 6:16 - Mixteco del suroeste de Tlaxiaco Oaxaca

¹⁶ Jee káchíꞌ ráa nu̱u̱nꞌ rá yuku vá jín rá kava vá: ―Nakuniꞌi rán ya̱ta̱ꞌ ráníꞌ, sáva chiyuꞌuꞌ rán ránuꞌuꞌ nu̱u̱nꞌ maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ, jín nu̱u̱nꞌ Lanchi Lúlí vá, chi maáréꞌ ví ya̱ taji re̱ꞌ tu̱nóꞌó xéénꞌ nu̱u̱nꞌ ránꞌ jie̱ꞌe̱ꞌ kítɨ́ꞌ iniꞌ re̱ꞌ néꞌyá re̱ꞌ rá kua̱chi ránꞌ.

Apoclipsis 6:16 Iomraidhean Croise

Lucas 23:30

Chi ki̱vɨ̱ꞌ yukuán jee kijiéꞌé rá ñɨvɨ kachiꞌ ráa nu̱u̱nꞌ rá yuku: “Nakuniꞌi rán ya̱ta̱ꞌ ráníꞌ”, jín nu̱u̱nꞌ rá itunꞌ: “Se̱ꞌí rán ránuꞌuꞌ”, kachiꞌ ráa.

Apoclipsis 4:2

Jee kuíntañúꞌún niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ. Saájee niniꞌ ni̱ꞌ antivɨ́ súkún ɨɨn teyuꞌ ya̱ íñɨ́ nu̱u̱nꞌ tátúníꞌ jín maáréꞌ ya̱ nééꞌ re̱ꞌ teyuꞌ vá tátúníꞌ re̱ꞌ.

Apoclipsis 20:11

Jee niniꞌ ni̱ꞌ ɨɨn teyuꞌ kuíjín kúñáꞌnú nu̱u̱nꞌ kuna̱a̱ꞌ tiñu. Jee yukuán nééꞌ Ndiosíꞌ ya̱ tátúníꞌ re̱ꞌ tiñu. Jee nkuiyo ñɨ̱vɨ́ jín súkún nu̱u̱nꞌ re̱ꞌ. Chi ntu̱ví ka̱ꞌ né núꞌ koo ráa nu̱u̱nꞌ re̱ꞌ.

Mateo 26:64

Jee nkachiꞌ Jesús nu̱u̱nꞌ re̱ꞌ: ―Nuꞌuꞌ ví‑i sáni nkachiꞌ kí nú maa, soo káchíꞌ ni̱ꞌ nu̱u̱nꞌ rán ya nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee ne̱ vitan kuniꞌ rán nuꞌuꞌ kuneeꞌ ni̱ꞌ xiín ichi kuáꞌá Ndiosíꞌ ya̱ níso fuersáꞌ ííꞌ nu̱u̱nꞌ nɨꞌɨ, nu̱u̱nꞌ kúñáꞌnú ni̱ꞌ jín re̱ꞌ, jee kuniꞌ rán niji ni̱ꞌ nu̱u̱nꞌ vi̱ko̱ꞌ súkún ―nkachiꞌ Jesús.

Apoclipsis 19:15

Jee yuꞌú re̱ꞌ kéne yuchiꞌ espada xe̱e̱nꞌ. Jee jín espada vá xínáánꞌ re̱ꞌ rá ñɨvɨ ntáká nación. Jee xichiꞌ víꞌí tatúníꞌ ni̱ꞌin re̱ꞌ nu̱u̱nꞌ rá ñɨvɨ rá nación jín ɨɨn bastón ka̱a. Jee ku̱ꞌva re̱ꞌ ntántúníꞌ tu̱nóꞌó xéénꞌ kunoꞌo ráa jie̱ꞌe̱ꞌ kítɨ́ꞌ víꞌí iniꞌ Ndiosíꞌ jie̱ꞌe̱ꞌ kua̱chi ráa, kuéntáꞌ kua̱ꞌ sáꞌá te̱e ya̱ jiáñúꞌ‑u uva jee jíꞌni‑i vá. Jee Ndiosíꞌ ví ya̱ níso fesáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

Apoclipsis 10:6

Jee nsa̱ꞌá náaꞌ‑a nu̱u̱nꞌ tu̱ꞌun kaꞌanꞌ‑a jie̱ꞌe̱ꞌ súví maáréꞌ ya̱ tékúꞌ re̱ꞌ nɨ́ɨ́nkání, jee maáréꞌ ví ya̱ nsa̱ꞌá re̱ꞌ súkún jín kua̱íyó kuitɨꞌ ya̱ íyó nu̱u̱nꞌ‑u, jín ñuꞌun jín kua̱íyó kuitɨꞌ ya̱ íyó nu̱u̱nꞌ‑u, jín nteñúꞌún jín kua̱íyó kuitɨꞌ ya̱ íyó nu̱u̱nꞌ‑u. Jee nkachiꞌ najiáꞌáꞌ ííꞌ vá: ―Ntu ne̱ íyó kukuéé ka̱ꞌ

Apoclipsis 6:10

Jee ni̱ꞌin káꞌánꞌ ráa kákua̱chi ráa jee nkachiꞌ ráa: ―I̱toꞌoꞌ ráníꞌ, nóꞌo kúvi Ndiosíꞌ ííꞌ Ndiosíꞌ na̱a̱ꞌ. ¿Na̱sa ka̱ꞌ tiempúꞌ kukuéé nú, jee saꞌá náaꞌ nú nu̱u̱nꞌ rá ñɨvɨ ñɨ̱vɨ́ ya̱ ñaꞌniꞌ ráa ránuꞌuꞌ, jee nachunáán nú nu̱u̱nꞌ ráa? ―nkachiꞌ ráa.

Apoclipsis 4:9

Jee ta íchí káchíꞌ ni kúmíꞌ rá tékúꞌ vá, ya̱ máá kúñáꞌnú ví re̱ꞌ, jín ya̱ nákuetúꞌún ráa re̱ꞌ, jín ya̱ nákuatáꞌví ráa maáréꞌ, ya̱ nééꞌ re̱ꞌ teyuꞌ tátúníꞌ re̱ꞌ jín ya̱ tékúꞌ re̱ꞌ nɨ́ɨ́nkání,

Apoclipsis 4:5

Jee teyuꞌ nu̱u̱nꞌ nééꞌ maáréꞌ yukuán, kéne tajia ya̱ jiánu̱te̱ꞌ, nɨ́ꞌɨn jiáku, kána tajia. Jee ichinúúnꞌ teyuꞌ vá nu̱u̱nꞌ nééꞌ re̱ꞌ yukuán káyúꞌ u̱xa̱ꞌ itɨ sújié tɨ́ɨn ñuꞌunꞌ ya̱ kúvi ni uxáꞌ rá espíritu Ndiosíꞌ ya̱ ntu túvi nijinꞌ.

Marcos 3:5

Nákune̱ꞌyá xe̱e̱nꞌ Jesús nu̱u̱nꞌ ráa jee nku̱kuéká iniꞌ re̱ꞌ jie̱ꞌe̱ꞌ ya̱ ni̱ꞌin iniꞌ ánímaꞌ ráa. Jee nkachiꞌ re̱ꞌ nu̱u̱nꞌ te̱e yukuán: ―Skaáꞌ naꞌá nú. Jee nsi̱kááꞌ‑a naꞌá jee nnuvi‑i.

Apoclipsis 5:1

Saájee nuꞌuꞌ niniꞌ ni̱ꞌ, maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ, jee naꞌá kuáꞌá re̱ꞌ ínaꞌá re̱ꞌ ɨɨn tutuꞌ kání nna̱tuviꞌ. Jee nééꞌ tu̱ꞌun ni núvíꞌ íyó ichi nu̱u̱nꞌ tutuꞌ vá. Jee násɨ́ꞌ u̱xa̱ꞌ seyúꞌ maa.

Apoclipsis 9:6

Jee rá ki̱vɨ̱ꞌ yukuán jee nukú ráa na̱ja kuviꞌ ráa, soo ni nsáꞌ ni̱ꞌi̱nꞌ ráa na̱ja kuviꞌ ráa. Jee súka̱ꞌ ne̱ ñúkúvi iniꞌ ráa ya̱ kuviꞌ ráa, soo ni nsáꞌ ni̱ꞌi̱nꞌ ráa kuviꞌ ráa.