Apoclipsis 5:5 - Mixteco del suroeste de Tlaxiaco Oaxaca

⁵ Saájee ɨɨn rá te̱e kúñáꞌnú vá nkachiꞌ re̱ꞌ nu̱u̱nꞌ ni̱ꞌ: ―Koto náꞌyúꞌ nú, kune̱ꞌyá nú, chi íyó ɨɨn ya̱ nku̱neí re̱ꞌ nu̱u̱nꞌ ntáká, jee kuvi sine re̱ꞌ tutuꞌ vá jín rá ni u̱xa̱ꞌ seyúꞌ. Maáréꞌ ya̱ káchíꞌ‑ó Nikaꞌa ya̱ váji ne̱ nu̱u̱nꞌ tataꞌ Judá jee nísotíñú re̱ꞌ chi kúvi re̱ꞌ tataꞌ David ya̱ nta̱túníꞌ‑i nu̱u̱nꞌ ñuunꞌ Israel.

Apoclipsis 5:5 Iomraidhean Croise

Lucas 23:28

Soo nna̱kune̱ꞌyá Jesús nu̱u̱nꞌ ráña jee nkachiꞌ re̱ꞌ nu̱u̱nꞌ ráa: ―Ránoꞌó ñaꞌan ya̱ kúvi se̱ꞌya ñuunꞌ Jerusalén, koto náꞌyúꞌ rán jie̱ꞌe̱ꞌ nuꞌuꞌ, chisaꞌ kunaꞌyuꞌ rán jie̱ꞌe̱ꞌ maáránoꞌó jín jie̱ꞌe̱ꞌ rá se̱ꞌya rán,

Lucas 7:13

Jee sáá niniꞌ I̱toꞌoꞌ‑ó Jesús ña, jee nku̱náꞌví iniꞌ re̱ꞌ ña, jee nkachiꞌ re̱ꞌ nu̱u̱nꞌ ña: ―Koto náꞌyúꞌ nú ―nkachiꞌ re̱ꞌ.

Lucas 8:52

Jee ntáká rá ñɨvɨ nééꞌ veꞌi Jairo náꞌyúꞌ ráa jee íyó tu̱nkuíꞌyáꞌ iniꞌ ráa jie̱ꞌe̱ꞌ ñalúlí vá. Soo nkachiꞌ Jesús nu̱u̱nꞌ ráa: ―Koto náꞌyúꞌ rán, chi nsáꞌ ni̱ꞌi̱ꞌ ña, chisaꞌ kíxíꞌ ña ―nkachiꞌ re̱ꞌ.

Juan 20:13

Jee nkachiꞌ ráa nu̱u̱nꞌ ña: ―Nánáꞌ, ¿na̱ kuvi chi náꞌyúꞌ nú? ―nkachiꞌ ráa nu̱u̱nꞌ ña. Jee nkachiꞌ ña nu̱u̱nꞌ ráa: ―Nna̱keꞌen ráa I̱toꞌoꞌ ni̱ꞌ kua̱ꞌa̱nꞌ ráa jín re̱ꞌ, jee ntu̱ví jíníꞌ ni̱ꞌ né núꞌ nchi̱só ráa maa.

Romanos 1:3

jie̱ꞌe̱ꞌ Se̱ꞌya re̱ꞌ Jesús, ya̱ nkuvi tataꞌ ichiyúkúnꞌ nkiji‑i nu̱u̱nꞌ David sáá nkiji‑i kuvi‑i ñɨvɨ ñunéꞌyúꞌ.

Romanos 15:12

Jee suni káchíꞌ ya̱chi̱ꞌ tuku Isaías: Jee kiji kene ɨɨn te̱e ya̱ koo Se̱ꞌya ichiyúkúnꞌ kene ne̱ nu̱u̱nꞌ Isaí, jee maáréꞌ kikui̱ñɨ̱ꞌ re̱ꞌ sáva tatúníꞌ re̱ꞌ ntáká nación, jee rá ñɨvɨ ya̱ ntu kúvi ñɨvɨ ñuunꞌ Israel vá koo tu̱ꞌun kuneí iniꞌ ráa re̱ꞌ. Nkachiꞌ Isaías.

Hebreos 7:14

Chi jíníꞌ va̱ꞌa‑ó ya̱ nu̱u̱nꞌ tataꞌ Judá, nkaku I̱toꞌoꞌ‑ó Jesús. Jee Moisés nkaꞌanꞌ re̱ꞌ jie̱ꞌe̱ꞌ rá su̱tu̱ꞌ vá soo ni ntu̱náꞌ nkáꞌánꞌ Moisés jie̱ꞌe̱ꞌ ya̱ kene ɨɨn su̱tu̱ꞌ nu̱u̱nꞌ tataꞌ ichiyúkúnꞌ nkene nu̱u̱nꞌ Judá.

Apoclipsis 1:1

Tu̱ꞌun yaꞌá kúvi tu̱ꞌun ya̱ nxi̱nénu̱u̱nꞌ Jesús ya̱ níso re̱ꞌ tiñu Cristo ya̱ ñani Ndiosíꞌ maa sáva tatúníꞌ re̱ꞌ nu̱u̱nꞌ nɨꞌɨ, jee tu̱ꞌun vá ví ya̱ njia̱ꞌa Ndiosíꞌ nu̱u̱nꞌ re̱ꞌ sáva xinénu̱u̱nꞌ re̱ꞌ maa nu̱u̱nꞌ rá musúꞌ re̱ꞌ ya̱ yɨ́tíñú ráa nu̱u̱nꞌ re̱ꞌ. Nstúvi re̱ꞌ tu̱ꞌun vá jie̱ꞌe̱ꞌ rá tiñu ya̱ ñamani íyó kuvi. Jee nchu̱ichí re̱ꞌ najiáꞌáꞌ ííꞌ re̱ꞌ nkistúvi nijinꞌ re̱ꞌ nɨꞌɨ na̱ja koo rá tiñu vá nu̱u̱nꞌ Juan ya̱ kúvi‑i musúꞌ re̱ꞌ ya̱ yɨ́tíñú‑u nu̱u̱nꞌ re̱ꞌ.

Apoclipsis 22:16

’Jee nuꞌuꞌ Jesús, nchu̱ichí ni̱ꞌ najiáꞌáꞌ ííꞌ ni̱ꞌ sáva stúvi re̱ꞌ nu̱u̱nꞌ noꞌó rá tu̱ꞌun na̱a̱ꞌ yaꞌá sáva ku̱ꞌva nú maa nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ne̱ nu̱u̱nꞌ David váji ni̱ꞌ ya̱ kúvi ni̱ꞌ Se̱ꞌya ichiyúkúnꞌ ya̱ nkene ni̱ꞌ ne̱ nu̱u̱nꞌ David. Viiꞌ víꞌí kúñáꞌnú ni̱ꞌ kuéntáꞌ kua̱ꞌ viiꞌ jiánu̱te̱ꞌ tiu̱u̱nꞌ xúꞌún ya̱ kenta ntáká ya̱neꞌenꞌ.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.

Apoclipsis 4:10

jee ta íchí néñu̱ꞌun ráa Ndiosíꞌ sukuán saájee suni ni o̱ko̱ꞌ ku̱mi̱ꞌ (24) rá te̱e kúñáꞌnú vá, nákuíñɨꞌ ítɨ́ ráa jiáxin ráa maáráa ne̱ nu̱u̱nꞌ ñuꞌun nu̱u̱nꞌ re̱ꞌ ya̱ nééꞌ re̱ꞌ teyuꞌ tátúníꞌ re̱ꞌ, jee chíñúꞌún ráa maáréꞌ ya̱ tékúꞌ re̱ꞌ nɨ́ɨ́nkání, jee táváꞌ ráa rá corona ñúxíniꞌ ráa jiákɨ́nꞌ ráa maa ichinúúnꞌ teyuꞌ nu̱u̱nꞌ tátúníꞌ re̱ꞌ. Jee káchíꞌ ráa:

Apoclipsis 4:4

Jee nu̱u̱nꞌ teyuꞌ re̱ꞌ tátúníꞌ re̱ꞌ, yukuán ni̱kótíyu o̱ko̱ꞌ ku̱mi̱ꞌ (24) ka̱ꞌ teyuꞌ nu̱u̱nꞌ tátúníꞌ. Jee yukuán nééꞌ o̱ko̱ꞌ ku̱mi̱ꞌ (24) rá maá te̱e kúñáꞌnú. Jee ñúꞌún ráa máá saꞌma kuíjín, jee ñúxíniꞌ ráa corona oro.

Apoclipsis 5:4

Saájee nnaꞌyuꞌ víꞌí ni̱ꞌ, chi ni ntu̱ví ne̱ íyó ni ɨɨn ya̱ íyó ni̱ꞌi̱nꞌ‑i ya̱ kune‑e tutuꞌ vá, ni ya̱ kune̱ꞌyá‑a nu̱u̱nꞌ vá.

Apoclipsis 6:1

Saájee niniꞌ ni̱ꞌ ya̱ Lanchi vá nsine re̱ꞌ ɨɨn rá uxáꞌ seyúꞌ vá. Jee nteso̱ꞌo ni̱ꞌ ya̱ nkaꞌanꞌ ɨɨn rá ni kúmíꞌ rá tékúꞌ vá kuéntáꞌ kua̱ꞌ káni tajia, jee nkachiꞌ‑i: ―¡Neꞌenꞌ! ―nkachiꞌ‑i.

Apoclipsis 7:13

Saájee nkaꞌanꞌ ɨɨn rá kúñáꞌnú vá jín nuꞌuꞌ, jee nkachiꞌ‑i nu̱u̱nꞌ ni̱ꞌ: ―Rá ñɨvɨ yaꞌá ya̱ ñúꞌún saꞌma kuíjín, ¿né ɨɨn kúvi ráa rúja? Jee, ¿né núꞌ va̱ji ráa rúja? ―nkachiꞌ‑i.