Apoclipsis 22:5 - Mixteco del suroeste de Tlaxiaco Oaxaca

⁵ Jee ni nsáꞌ koo ka̱ꞌ yakuááꞌ. Jee rá ñɨvɨ ni nsáꞌ kuniñúꞌún ráa ka̱ꞌ ñuꞌunꞌ natee ráa, ni ya̱ kutuunꞌ ka̱ꞌ ñuꞌunꞌ nka̱niiꞌ. Chi maá I̱toꞌoꞌ‑ó Ndiosíꞌ stúúnꞌ re̱ꞌ nuva re̱ꞌ kutuunꞌ‑u nu̱u̱nꞌ ráa. Jee suni tatúníꞌ ráa nɨ́ɨ́nkání.

Apoclipsis 22:5 Iomraidhean Croise

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Mateo 25:34

’Saájee nuꞌuꞌ ya̱ kúvi ni̱ꞌ ya̱ tátúníꞌ nu̱u̱nꞌ nɨꞌɨ jee kachiꞌ ni̱ꞌ nu̱u̱nꞌ rá ñɨvɨ íñɨ́ ichi kuáꞌá ni̱ꞌ: “Neꞌenꞌ ránoꞌó, ya̱ netuꞌ kúvi rán nsa̱ꞌá Tátáꞌ ni̱ꞌ, jee ni̱ꞌi̱nꞌ rán ta̱ꞌvi̱ꞌ ya̱ váꞌa ya̱ yɨ́ꞌɨ́ rán xi̱ntíín re̱ꞌ tátúníꞌ re̱ꞌ nu̱u̱nꞌ rán ya̱ ya íyó túꞌva‑a ne̱ sáá nka̱jiéꞌé ña̱ko̱o ñɨ̱vɨ́ yaꞌá nsa̱ꞌá re̱ꞌ.

Mateo 25:46

’Saájee kɨ̱ꞌɨ̱nꞌ rá ñɨvɨ vá nu̱u̱nꞌ xinóꞌo Ndiosíꞌ ráa nɨ́ɨ́nkání, soo rá ñɨvɨ na̱a̱ꞌ chi kɨ̱ꞌɨ̱nꞌ ráa nu̱u̱nꞌ kutekuꞌ ráa nɨ́ɨ́nkání jín Ndiosíꞌ ―nkachiꞌ Jesús.

Romanos 5:17

Chi nu̱u̱nꞌ yɨ́ꞌɨ́ ñɨvɨ xi̱ntíín ya̱ jíꞌíꞌ ráa jie̱ꞌe̱ꞌ ɨɨn kua̱chi ya̱ nsa̱ꞌá métúꞌún te̱e ni ya̱ kúvi Adán. Soo métúꞌún te̱e ni ya̱ kúvi Jesús ya̱ kúvi Cristo jee saꞌ víꞌí káꞌ sáꞌá re̱ꞌ ya̱ yɨ́ꞌɨ́ ñɨvɨ xi̱ntíín ya̱ kutekuꞌ ráa jín Ndiosíꞌ. Chi ntántúníꞌ níꞌínꞌ víꞌí ráa ya̱ íyó mániꞌ iniꞌ Ndiosíꞌ néꞌyá re̱ꞌ ráa jee níꞌínꞌ víꞌí ráa ta̱ꞌvi̱ꞌ ya̱ kínóo na̱a̱ꞌ ráa nu̱u̱nꞌ re̱ꞌ.

2 Timoteo 2:12

Jee retú kuni̱ꞌin‑ó kuiñɨ‑ó jín re̱ꞌ sú nóꞌo‑ó jee suni tatúníꞌ‑ó jín re̱ꞌ. Soo retú kúíchi iniꞌ‑ó re̱ꞌ ya̱ nsú I̱toꞌoꞌ‑ó ví re̱ꞌ, jee suni kuichi iniꞌ re̱ꞌ kune̱ꞌyá re̱ꞌ yó ya̱ nsú ñɨvɨ re̱ꞌ kúvi‑ó.

Apoclipsis 11:15

Saájee najiáꞌáꞌ ííꞌ uxáꞌ nti̱vɨ̱ꞌ‑ɨ trompeta‑a, jee nkaꞌanꞌ ni̱ꞌin rá nusuyuꞌú ne̱ antivɨ́ súkún, jee káchíꞌ ráa: ―Ntáká nación íyó ñɨ̱vɨ́ ya̱ tátúníꞌ rá ñɨvɨ ya nna̱kɨ̱ꞌɨ ráa naꞌá máá I̱toꞌoꞌ‑ó Ndiosíꞌ jín Cristo re̱ꞌ, jee maáréꞌ ví ya̱ tátúníꞌ re̱ꞌ nu̱u̱nꞌ ráa nɨ́ɨ́nkání ―káchíꞌ ráa.

Apoclipsis 18:23

Jee ni nsáꞌ kujianu̱te̱ꞌ ka̱ꞌ ɨɨn nuva ñuꞌunꞌ kantil nu̱u̱nꞌ nú, jee nu̱u̱nꞌ nú ni nsáꞌ teso̱ꞌo ka̱ꞌ ta̱chi̱yuꞌú ya̱ káꞌánꞌ te̱e tánáꞌá ni ñaꞌan tánáꞌá, kɨ̱naanꞌ ñuunꞌ nú chi ñɨvɨ kúñáꞌnú iniꞌ ñɨ̱vɨ́ yaꞌá nkuvi rá ñɨvɨ nú ya̱ nxi̱kó ráa nantíñú ráa, chi jín tiñu tásɨ́ sáꞌá rá ñɨvɨ nú nxi̱náꞌví nú rá ñɨvɨ ntáká nación.

Apoclipsis 20:4

Jee kuíre niniꞌ ni̱ꞌ rá teyuꞌ nu̱u̱nꞌ nééꞌ rá tátúníꞌ, jee yukuán ña̱kuneeꞌ rá ñɨvɨ ya̱ nni̱ꞌi̱nꞌ ráa tiñu ya̱ kuvi sanáaꞌ ráa kua̱chi. Jee nna̱tekuꞌ i̱i̱ꞌ rá ánímaꞌ rá ñɨvɨ ya̱ ntéꞌneꞌ xi̱ni̱ꞌ ráa jie̱ꞌe̱ꞌ ya̱ njia̱ꞌa ráa ya̱ naáꞌ jie̱ꞌe̱ꞌ Jesús jín jie̱ꞌe̱ꞌ ya̱ niñɨ na̱a̱ꞌ ráa jín Tu̱ꞌun Ndiosíꞌ. Jee suviráa ví rá ñɨvɨ ya̱ ntu nnéñu̱ꞌun ráa kitɨ xéénꞌ kákini xíꞌnañúꞌún vá, ni jín santúꞌ ñunéꞌyúꞌ maátíꞌ. Jee ni ntu nníꞌínꞌ ráa seña ti̱ꞌ kuniso te̱e̱nꞌ ráa ni jín naꞌá ráa. Jee nna̱tekuꞌ i̱i̱ꞌ ráa, jee nta̱túníꞌ ráa tiñu jín Cristo ɨɨn mil (1000) kui̱ya̱ꞌ.

Apoclipsis 20:6

Jee na̱ ka̱ꞌ netuꞌ ka̱ꞌ na̱ ka̱ꞌ i̱i̱ꞌ ka̱ꞌ kuvi ɨɨn ñɨvɨ ya̱ kuvi ɨɨn rá ñɨvɨ ya̱ natekuꞌ i̱i̱ꞌ ráa ya̱ xíꞌnañúꞌún, chi ni nsáꞌ yɨ́ꞌɨ́ rá ñɨvɨ vá xi̱ntíín ñuníyɨ nsáꞌ kuviꞌ ráa ka̱ꞌ ya̱ uvíꞌ íchí ya̱ nkúnoꞌo ráa ka̱ꞌ tu̱nóꞌó kiji. Chisaꞌ kuvi ráa su̱tu̱ꞌ nu̱u̱nꞌ Ndiosíꞌ jín nu̱u̱nꞌ Cristo. Jee tatúníꞌ ráa tiñu jín re̱ꞌ ɨɨn mil (1000) kui̱ya̱ꞌ.

Apoclipsis 21:11

Jee jiánu̱te̱ꞌ víꞌí ñuunꞌ vá, jín nuva Ndiosíꞌ. Jee jiánu̱te̱ꞌ‑e kuéntáꞌ kua̱ꞌ jiánu̱te̱ꞌ ɨɨn yu̱u̱ꞌ xiñúꞌ ya̱ yɨ́yáꞌvi víꞌí naní jaspe, jee túvi kájí kua̱ꞌ cristal ya̱ túvi néꞌyá‑ó ne̱ íyó inka ichi yátá‑a.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.