Apoclipsis 2:7 - Mixteco del suroeste de Tlaxiaco Oaxaca

⁷ ’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee ku̱ꞌva ni̱ꞌ ya̱ kajiꞌ ñɨvɨ vá rá vixíꞌ ya̱ kúun nu̱u̱nꞌ maá yutun ya̱ sáꞌá ya̱ kutekuꞌ ñɨvɨ nɨ́ɨ́nkání jín ni̱ꞌ. Jee yutun vá íñɨ́‑ɨ ne̱ nu̱u̱nꞌ viiꞌ víꞌí íyó nu̱u̱nꞌ nééꞌ Ndiosíꞌ.”

Apoclipsis 2:7 Iomraidhean Croise

Génesis 2:9

Jee I̱toꞌoꞌ‑ó Ndiosíꞌ nxta̱ꞌvíꞌ nu̱u̱nꞌ ñu̱ꞌún nɨꞌɨ nu̱u̱nꞌ yutun ya̱ viiꞌ túvi, jín ya̱ jiáꞌa ya̱ váꞌa kajiꞌ. Suni ma̱ꞌñú ñuꞌun vá nu̱u̱nꞌ viiꞌ víꞌí íyó ñani re̱ꞌ ɨɨn yutun ya̱ sáꞌá‑a ya̱ kutekuꞌ ñɨvɨ nɨ́ɨ́nkání. Jee ñani re̱ꞌ yukuán ɨɨn yutun ya̱ sáꞌá‑a ya̱ kuniꞌ ñɨvɨ ya̱ váꞌa jín ya̱ niváꞌa.

Mateo 11:15

Ñɨvɨ ya̱ íyó rá so̱ꞌo, jee teso̱ꞌo va̱ꞌa.

Mateo 13:43

Saájee rá ñɨvɨ kino̱o na̱a̱ꞌ sáꞌá Ndiosíꞌ, jee na̱tuunꞌ nuva ráa kujianu̱te̱ꞌ ráa kuéntáꞌ kua̱ꞌ nka̱niiꞌ, nuñáꞌnú ráa xi̱ntíín Tátáꞌ ráa Ndiosíꞌ, sáá kenta tatúníꞌ re̱ꞌ nu̱u̱nꞌ nɨꞌɨ. Ñɨvɨ ya̱ íyó rá so̱ꞌo, jee teso̱ꞌo va̱ꞌa.

Mateo 13:9

Jee ñɨvɨ ya̱ íyó rá so̱ꞌo, teso̱ꞌo va̱ꞌa ―nkachiꞌ Jesús.

Marcos 4:9

Jee nkachiꞌ Jesús: ―Ñɨvɨ ya̱ íyó rá so̱ꞌo sáva teso̱ꞌo, jee teso̱ꞌo va̱ꞌa.

Marcos 7:15

Ntu̱náꞌ nantíñú ya̱ váji sɨ́ɨ́n ki̱vɨ iniꞌ ñɨvɨ, ya̱ sáꞌá ya̱ ntu íyó ninuꞌun ñɨvɨ vá. Soo ya̱ kéne ánímaꞌ ñɨvɨ ví ya̱ sáꞌá‑a ya̱ nkóo ninuꞌun ñɨvɨ vá.

Marcos 7:16

[Retú néni ɨɨn íyó so̱ꞌo, jee teso̱ꞌo va̱ꞌa] ―nkachiꞌ Jesús.

Lucas 23:43

Saájee nkachiꞌ Jesús nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ ne̱ vitan kuneeꞌ nú jín nuꞌuꞌ ne̱ nu̱u̱nꞌ viiꞌ víꞌí íyó antivɨ́ súkún nu̱u̱nꞌ nééꞌ Ndiosíꞌ ―nkachiꞌ Jesús.

Lucas 8:8

Soo inka ka̱ꞌ rá nikɨn ñe̱te̱ꞌ nu̱u̱nꞌ ñu̱ꞌún váꞌa, jee sáá nta̱ꞌvi̱ꞌ‑i, jee ta ɨɨn njia̱ꞌa‑a sientúꞌ nikɨn ka̱ꞌ. Jee sáá nkuvi nkachiꞌ re̱ꞌ sukuán jee nka̱najíín ni̱ꞌin re̱ꞌ, jee nkachiꞌ re̱ꞌ: ―Ñɨvɨ ya̱ íyó rá so̱ꞌo sáva teso̱ꞌo, jee teso̱ꞌo va̱ꞌa ―nkachiꞌ re̱ꞌ.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

1 Corintios 2:10

Chisaꞌ nsa̱ꞌá Ndiosíꞌ ya̱ stúvi Ta̱chi̱ꞌ Ííꞌ re̱ꞌ maa nu̱u̱nꞌ ráníꞌ, chi maá Ta̱chi̱ꞌ Ííꞌ Ndiosíꞌ vá nánukútúꞌun va̱ꞌa nɨꞌɨ kuitɨꞌ re̱ꞌ ná kúvi ya̱ yɨ́ꞌɨ́ yuꞌuꞌ ya̱ jiáni iniꞌ maá Ndiosíꞌ.

2 Corintios 12:4

Nsiíyo Cristo re̱ꞌ ña̱ꞌa̱nꞌ re̱ꞌ nu̱u̱nꞌ antivɨ́. Jee yukuán nteso̱ꞌo re̱ꞌ rá tu̱ꞌun ya̱ ntu kúvi kachiꞌ ni ɨɨn ñɨvɨ maa, jee jíníi̱yo Ndiosíꞌ kachiꞌ ñɨvɨ maa.

1 Juan 2:13

Tée ni̱ꞌ nu̱u̱nꞌ ránoꞌó, rá tátáꞌ, chi ma̱ni̱ꞌ rán jín maáréꞌ ya̱ ya íyó ne̱ tiempúꞌ xíꞌnañúꞌún. Tée ni̱ꞌ nu̱u̱nꞌ ránoꞌó, rá te̱e súchí, chi nku̱neí rán jín kui̱ꞌna̱ꞌ kúñáꞌnú ya̱ ntu kúvi sikúvi re̱ꞌ iniꞌ ránoꞌó nu̱u̱nꞌ kua̱chi. Tée ni̱ꞌ nu̱u̱nꞌ ránoꞌó rá kuáchí lúlí, chi ma̱ni̱ꞌ rán jín Tátáꞌ‑ó Ndiosíꞌ.

Apoclipsis 13:9

Néni ɨɨn ránoꞌó ya̱ íyó so̱ꞌo, jee chuso̱ꞌo va̱ꞌa rán maa.

Apoclipsis 14:13

Jee nteso̱ꞌo ni̱ꞌ ɨɨn ta̱chi̱yuꞌú ne̱ súkún, jee káchíꞌ‑i: ―Tee tu̱ꞌun ya̱ kachiꞌ ni̱ꞌ nu̱u̱nꞌ nú: “Na̱ ka̱ꞌ netuꞌ ka̱ꞌ kuvi rá ñɨvɨ níꞌiꞌ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, ya̱ jíꞌíꞌ ráa ne̱ vitan jín ntáká tiempúꞌ ichinúúnꞌ.” ―Va̱tu̱ꞌ nijia ―káchíꞌ Ta̱chi̱ꞌ Ííꞌ Ndiosíꞌ― chi najia̱ví ráa ya̱ níkó néí ráa nsa̱tíñú ráa nu̱u̱nꞌ re̱ꞌ. Jee rá tiñu váꞌa ya̱ nsa̱ꞌá ráa, chi íyó ráa jín‑i jee sáꞌá‑a ya̱ kuvi ya̱ váꞌa ráa nɨ́ɨ́nkání ―káchíꞌ‑i.

Apoclipsis 15:2

Jee niniꞌ ni̱ꞌ ya̱ kuéntáꞌ íyó nteñúꞌún nute ya̱ túvi ni núvíꞌ ichi kuéntáꞌ vidrio, jee sákánuun nute vá jín ñuꞌunꞌ. Jee rá ñɨvɨ ya̱ nku̱neí ráa si̱kɨ̱ꞌ kitɨ xéénꞌ kákini vá, jín si̱kɨ̱ꞌ santúꞌ ñunéꞌyúꞌ máá maátíꞌ, jín ya̱ ntu níso seña ti̱ꞌ te̱e̱nꞌ ráa, ni jín numero súví ti̱ꞌ, jee íñɨ́ rá ñɨvɨ vá yúnteñúꞌún vá ínaꞌá ráa yaaꞌ arpa ya̱ njiáꞌa Ndiosíꞌ nu̱u̱nꞌ ráa.

Apoclipsis 2:11

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ni nsáꞌ ni̱ꞌi̱nꞌ‑i ka̱ꞌ tu̱nóꞌó xinóꞌo Ndiosíꞌ maa ya̱ nku̱víꞌ tuku‑u ya̱ uvíꞌ íchí nu̱u̱nꞌ Ndiosíꞌ.”

Apoclipsis 2:17

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ kajiꞌ‑i maná ya̱ íyó yuꞌuꞌ. Jee suni ku̱ꞌva ni̱ꞌ ɨɨn yu̱u̱ꞌ kuíjín nu̱u̱nꞌ ñɨvɨ vá, jee nu̱u̱nꞌ yu̱u̱ꞌ yukuán nééꞌ ɨɨn súví jiáá, ya̱ ni ɨɨn ñɨvɨ ntu jíníꞌ maa, chi sáni maá ni ñɨvɨ ya̱ ni̱ꞌi̱nꞌ yu̱u̱ꞌ vá ví ya̱ kukáꞌnú iniꞌ maa.”

Apoclipsis 21:7

Jee ɨɨn ñɨvɨ ya̱ kuneí‑i si̱kɨ̱ꞌ ntáká tiñu níváꞌa, jee ni̱ꞌi̱nꞌ ñɨvɨ vá ntáká rá yaꞌá kuvi ta̱ꞌvi̱ꞌ‑i. Chi nuꞌuꞌ kuvi ni̱ꞌ Ndiosíꞌ ñɨvɨ vá, jee kuvi‑i se̱ꞌya ni̱ꞌ.

Apoclipsis 22:14

Saáva na̱ ka̱ꞌ netuꞌ ka̱ꞌ kuvi rá ñɨvɨ ya̱ nasánoo ráa iniꞌ ánímaꞌ ráa nu̱u̱nꞌ ya̱ níváꞌa, jee yukuán kúvi kuéntáꞌ nakete ráa saꞌma ráa. Jee sukuán íyó ni̱ꞌi̱nꞌ ráa ya̱ kuvi kajiꞌ ráa ya̱ vixíꞌ kúun yutun ya̱ sáꞌá ya̱ kutekuꞌ ráa nɨ́ɨ́nkání yukuán, jee íyó ni̱ꞌi̱nꞌ ráa ya̱ kuvi ki̱vɨ ráa rá yuvéꞌí ñuunꞌ ííꞌ yukuán.

Apoclipsis 22:17

Jee Ta̱chi̱ꞌ Ííꞌ jín rá ñɨvɨ yɨ́ꞌɨ́ nu̱u̱nꞌ Ndiosíꞌ, ya̱ suviráa vá kuvi kuéntáꞌ ñaꞌan ya̱ tana̱ꞌá jín Jesús. Jee káchíꞌ ráa: ―¡Neꞌenꞌ! Jee ñɨvɨ ya̱ tésóꞌo‑o tu̱ꞌun re̱ꞌ yaꞌá, jee suni íyó kachiꞌ‑i: ―¡Neꞌenꞌ! Jee ñɨvɨ ya̱ kuéntáꞌ jíchíꞌ‑i nute jee ñúkúvi iniꞌ‑i Ndiosíꞌ, jee, ¡neꞌenꞌ!, natuꞌva nu̱u̱nꞌ re̱ꞌ jee tɨɨn saɨn‑ɨ nute koꞌo‑o ya̱ sáꞌá nute vá kutekuꞌ nú nɨ́ɨ́nkání jín re̱ꞌ.

Apoclipsis 22:2

Jee sava iniꞌ ichi káꞌnú ya̱ káá sava iniꞌ ñuunꞌ vá jíka nute vá, jee ni núvíꞌ íyó ichi yunúte vá íñɨ́ máá maá yutun ya̱ sáꞌá‑a ya̱ kutekuꞌ rá ñɨvɨ vá nɨ́ɨ́nkání. Jee u̱xu̱ꞌ u̱vi̱ꞌ (12) íchí kúun ya̱ vixíꞌ maa ya̱ kui̱ya̱ꞌ, chi ta yo̱o̱ꞌ kúun ya̱ vixíꞌ maa. Jee rá naꞌá yu̱ku̱ꞌ‑u íyótiñu‑u sáva xinúvi‑i rá ñɨvɨ ntáká nación.