Apoclipsis 18:8 - Mixteco del suroeste de Tlaxiaco Oaxaca

⁸ Jee saáva sa̱naanꞌ ni métúꞌún ki̱vɨ̱ꞌ kiji tu̱nóꞌó xéénꞌ kunoꞌo‑o, chi koo ni̱yɨ, jín tu̱nkuéká iniꞌ, jín ta̱ma̱ꞌ, jee ka̱yu̱ꞌ‑u jín ñuꞌunꞌ. Chi máá kúñáꞌnú víꞌí ka̱ꞌ máá I̱toꞌoꞌ‑ó Ndiosíꞌ jín fuersáꞌ ííꞌ níso re̱ꞌ, ya̱ maáréꞌ vá keꞌneꞌ re̱ꞌ kua̱chi ñuunꞌ vá.

Apoclipsis 18:8 Iomraidhean Croise

1 Corintios 10:22

Áxí, ¿á núkú‑ó ya̱ kukuíñɨ́ iniꞌ I̱toꞌoꞌ‑ó yó?, áxí, ¿á níso‑ó ka̱ꞌ fuersáꞌ nsú ka̱ꞌ maá I̱toꞌoꞌ‑ó résa?

Apoclipsis 11:17

Jee káchíꞌ ráa: Na̱ ka̱ꞌ kútaꞌviꞌ ráníꞌ nu̱u̱nꞌ nú, I̱toꞌoꞌ ráníꞌ Ndiosíꞌ, ya̱ níso nú fesáꞌ ííꞌ ni̱ꞌin ya̱ kúñáꞌnú nasɨ́kuitɨꞌ nú nu̱u̱nꞌ kua̱íyó, chi maánú ví ya̱ íyó vitan, jín ya̱ ni̱yo nú nɨ́ɨ́nkání, [jín ya̱ koo nú nɨ́ɨ́nkání]. Chi ñatíñú nú fesáꞌ ííꞌ ni̱ꞌin níso nú jee nna̱chiꞌi nú kua̱íyó ya̱ íyó xi̱ntíín nú jee tátúníꞌ nú.

Apoclipsis 17:16

Jee rá ni ujíꞌ rá nikɨ ya̱ niniꞌ nú jín kitɨ xéénꞌ kákini vá, chi taꞌvi iniꞌ ráa kune̱ꞌyá ráa ñaꞌan sɨ́ɨ́ꞌ iniꞌ vá, jee xinóo saɨn ráa maa, ne̱kua̱ꞌ kuñɨɨ́n‑ɨ, jee kajiꞌ ráa yɨkɨkúñu ña jee teñuꞌunꞌ ráa maa.

Apoclipsis 17:18

Jee ñaꞌan ya̱ niniꞌ nú, suviña kúvi ñuunꞌ ya̱ maá kúñáꞌnú ka̱ꞌ tátúníꞌ‑i nu̱u̱nꞌ ntáká rá ñɨvɨ nísotíñú ya̱ tátúníꞌ nu̱u̱nꞌ rá ñuunꞌ ñáꞌnú ya̱ íyó ñɨ̱vɨ́ yaꞌá ―nkachiꞌ najiáꞌáꞌ ííꞌ.

Apoclipsis 18:17

Soo vitan jee métúꞌún hora jee nnaanꞌ nɨꞌɨ kua̱íyó nantíñú váꞌa yɨ́yáꞌvi vá. Jee suni sukuán kachiꞌ ntáká rá te̱e ya̱ síkáka barkúꞌ, jín rá ñɨvɨ kua̱ꞌa̱nꞌ ñuꞌun iniꞌ barkúꞌ, jín rá te̱e sátíñú ya̱ nékuéntáꞌ ráa barkúꞌ, jín rá te̱e sátíñú nu̱u̱nꞌ nteñúꞌún, jee kikuiñɨ íká ráa.

Apoclipsis 18:19

Jee nyosoꞌ ráa ti̱ka̱cha̱a̱ꞌ ñuꞌun xi̱ni̱ꞌ ráa, jee kánajíín ráa náꞌyúꞌ ráa ya̱ íyó tu̱nkuéká iniꞌ ráa, jee káchíꞌ ráa: ¡Na̱ ka̱ꞌ náꞌví náꞌví ka̱ꞌ ñuunꞌ kúñáꞌnú yaꞌá!, ya̱ rá nantíñú yɨ́yáꞌvi íyó ñuunꞌ vá nsa̱ꞌá‑a nku̱kúká ntáká rá ñɨvɨ xí rá barkúꞌ ya̱ jíka nu̱u̱nꞌ nteñúꞌún, jee métúꞌún hora nnaanꞌ ñuunꞌ vá, nkachiꞌ ráa.

Apoclipsis 19:3

Jee ya̱ uvíꞌ íchí nkachiꞌ ráa: ¡Na̱ ka̱ꞌ nakuetúꞌún‑ó Ndiosíꞌ! Chi nɨ́ɨ́nkání kaa ñu̱ꞌma̱ꞌ kene‑e ñuunꞌ vá, nkachiꞌ ráa.