Apoclipsis 18:3 - Mixteco del suroeste de Tlaxiaco Oaxaca

³ Nnaanꞌ ñuunꞌ vá chi nsi̱kúvi ráa iniꞌ rá ñɨvɨ ntáká nación nxi̱nóo rává Ndiosíꞌ sáva kuneñu̱ꞌun rává inka ka̱ꞌ, kuéntáꞌ njia̱ꞌa ráa nixiꞌ vinúꞌ xe̱e̱nꞌ niꞌi rává jísóꞌ ni̱ñɨ̱ꞌ rává nsa̱ꞌá téní rává jín ñɨvɨ ñuunꞌ vá. Jee rá ñɨvɨ nísotíñú ya̱ tátúníꞌ nu̱u̱nꞌ rá ñuunꞌ íyó ñɨ̱vɨ́, suni sukuán nsa̱ꞌá néꞌí ráa jín ñɨvɨ ñuunꞌ vá. Jee rá ñɨvɨ xíkó jee nku̱kúká ráa jín rá kue̱ꞌe̱ꞌ nantíñú yɨ́yáꞌvi nkeꞌen ñuunꞌ vá, nkachiꞌ najiáꞌáꞌ ííꞌ vá.

Apoclipsis 18:3 Iomraidhean Croise

Lucas 7:25

Soo ¿ná kúvi ya̱ nkene rán ña̱ne̱ꞌyá rán réja? ¿Á ɨɨn te̱e ñúꞌún saꞌma vi̱tá váꞌa stíláꞌ réja? Ntu̱ví, chi rá te̱e ya̱ ñúꞌún ráa saꞌma stíláꞌ maa viiꞌ nééꞌ stíláꞌ ráa kúká ráa iniꞌ rá veꞌi káꞌnú nu̱u̱nꞌ nééꞌ rá te̱e kúñáꞌnú ya̱ tátúníꞌ.

1 Timoteo 5:11

Soo kunii̱yo nú súví rá ñaꞌan náꞌví núun kui̱ya̱ꞌ. Chi sáá násaaꞌ iniꞌ ráa tiñu sɨɨ́ꞌ iniꞌ nsú káꞌ kɨtíñú ráa nu̱u̱nꞌ Cristo, jee kuíni tuku ráa natana̱ꞌá ráa.

Apoclipsis 14:8

Saájee inka ka̱ꞌ najiáꞌáꞌ ííꞌ ya̱ uvíꞌ, níkɨ́nꞌ maa, káchíꞌ‑i: ―¡Ya nnaanꞌ! ¡Ya nnaanꞌ!, ñuunꞌ káꞌnú ya̱ kúvi Babilonia ñáꞌnú, chi nxi̱tá ráa rá ñɨvɨ ntáká nación xinóo rává Ndiosíꞌ jee kuneñu̱ꞌun rává inka ka̱ꞌ, kuéntáꞌ jísóꞌ ni̱ñɨ̱ꞌ ráa nsa̱ꞌá téní ráa nsi̱jíta ráa xi̱ni̱ꞌ rá ñɨvɨ ntáká nación, kuéntáꞌ njia̱ꞌa ráa nixiꞌ vinúꞌ niꞌi rává ne̱ ni̱ni rává ―nkachiꞌ‑i.

Apoclipsis 17:2

Jee rá te̱e nísotíñú ya̱ tátúníꞌ nu̱u̱nꞌ rá ñuunꞌ íyó ñɨ̱vɨ́, kuéntáꞌ nsa̱ꞌá téní ráa jín ñaꞌan vá, jee kuéntáꞌ nsa̱ꞌá téní ña nsi̱jíta ña xi̱ni̱ꞌ rá ñɨvɨ nééꞌ ñɨ̱vɨ́ ne̱ ni̱so̱ꞌ ni̱ñɨ̱ꞌ ráa, kuéntáꞌ njia̱ꞌa ña nixiꞌ vinúꞌ uva niꞌi ráa ne̱ ni̱ni ráa.

Apoclipsis 18:19

Jee nyosoꞌ ráa ti̱ka̱cha̱a̱ꞌ ñuꞌun xi̱ni̱ꞌ ráa, jee kánajíín ráa náꞌyúꞌ ráa ya̱ íyó tu̱nkuéká iniꞌ ráa, jee káchíꞌ ráa: ¡Na̱ ka̱ꞌ náꞌví náꞌví ka̱ꞌ ñuunꞌ kúñáꞌnú yaꞌá!, ya̱ rá nantíñú yɨ́yáꞌvi íyó ñuunꞌ vá nsa̱ꞌá‑a nku̱kúká ntáká rá ñɨvɨ xí rá barkúꞌ ya̱ jíka nu̱u̱nꞌ nteñúꞌún, jee métúꞌún hora nnaanꞌ ñuunꞌ vá, nkachiꞌ ráa.

Apoclipsis 18:23

Jee ni nsáꞌ kujianu̱te̱ꞌ ka̱ꞌ ɨɨn nuva ñuꞌunꞌ kantil nu̱u̱nꞌ nú, jee nu̱u̱nꞌ nú ni nsáꞌ teso̱ꞌo ka̱ꞌ ta̱chi̱yuꞌú ya̱ káꞌánꞌ te̱e tánáꞌá ni ñaꞌan tánáꞌá, kɨ̱naanꞌ ñuunꞌ nú chi ñɨvɨ kúñáꞌnú iniꞌ ñɨ̱vɨ́ yaꞌá nkuvi rá ñɨvɨ nú ya̱ nxi̱kó ráa nantíñú ráa, chi jín tiñu tásɨ́ sáꞌá rá ñɨvɨ nú nxi̱náꞌví nú rá ñɨvɨ ntáká nación.

Apoclipsis 18:7

Jee sánikua̱ꞌ kútéyɨ́ɨ́ víꞌí‑i ya̱ kúká víꞌí jiáꞌnu‑u jín nɨꞌɨ ya̱ kúmí‑i, jee sánikua̱ꞌ kútéyɨ́ɨ́‑ɨ sukuán suni sukuán naxinóꞌo rán maa ne̱ koo tu̱nkuéká iniꞌ‑i. Chi jiáni iniꞌ ánímaꞌ‑a, jee káchíꞌ‑i: “Nééꞌ ni̱ꞌ tátúníꞌ ni̱ꞌ kúvi ni̱ꞌ ɨɨn reina, jee ntu nóꞌo ni̱ꞌ kuéntáꞌ ɨɨn ñaꞌan náꞌví, jee ni nsáꞌ kunoꞌo ni̱ꞌ tu̱nkuéká iniꞌ”, káchíꞌ‑i.

Apoclipsis 18:9

Jee rá ñɨvɨ nísotíñú ya̱ tátúníꞌ rá ñuunꞌ ñɨ̱vɨ́ ya̱ kuéntáꞌ nkusi̱kɨ́ iniꞌ ráa nu̱ne̱ꞌén ráa jín‑i, jín ya̱ kúká víꞌí ñaꞌnu ráa jín‑i, jee kunaꞌyuꞌ víꞌí ráa nukuíꞌyáꞌ iniꞌ ráa jie̱ꞌe̱ꞌ‑e sáá kuniꞌ ráa ñu̱ꞌma̱ꞌ ya̱ ka̱yu̱ꞌ‑u.