3 Juan 1:5 - Mixteco del suroeste de Tlaxiaco Oaxaca

⁵ Noꞌó ya̱ ñúnúunꞌ ni̱ꞌ, na̱a̱ꞌ sáꞌá nú nu̱u̱nꞌ Ndiosíꞌ sáá chíneí chítuvi nú rá ñanitáꞌán‑ó ya̱ yɨ́ꞌɨ́ ichi Jesús, sú ntu jíníꞌ nú ráa.

3 Juan 1:5 Iomraidhean Croise

Mateo 24:45

’¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Mateo 25:16

Jee musúꞌ ya̱ nni̱ꞌi̱nꞌ u̱ꞌu̱nꞌ kustáꞌ xu̱ꞌún ka̱a vá, kuísá ña̱satíñú‑u jín xu̱ꞌún vá, jee nku̱neí‑i ni̱ꞌi̱nꞌ‑i u̱ꞌu̱nꞌ ka̱ꞌ kustáꞌ si̱kɨ̱ꞌ xu̱ꞌún vá.

Lucas 12:42

Saájee nkachiꞌ I̱toꞌoꞌ‑ó: ―¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

Romanos 12:13

Jee chineí rán ya̱ jíniñúꞌún rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo. Jee koo ma̱ni̱ꞌ iniꞌ rán ku̱ꞌva rán ntíꞌ veꞌi rán kino̱o rá ñɨvɨ yɨ́ꞌɨ́ ráa nu̱u̱nꞌ Cristo ya̱ jíka ráa ichi.

Gálatas 6:10

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

Colosenses 3:17

Jee néni ɨɨn tu̱ꞌun káꞌánꞌ rán, áxí néni ɨɨn tiñu ya̱ sáꞌá rán, jee saꞌá va̱ꞌa rán nɨꞌɨ nu̱u̱nꞌ súví I̱toꞌoꞌ‑ó Jesús. Jee ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ya̱ nsa̱ꞌá Cristo jie̱ꞌe̱ꞌ ránoꞌó.

Hebreos 13:2

Jee koto náánꞌ iniꞌ rán ya̱ ku̱ꞌvanúún rán veꞌi rán kino̱o rá ñɨvɨ sáá jíniñúꞌún‑u nu̱u̱nꞌ kino̱o‑o. Chi jie̱ꞌe̱ꞌ vá, jee íyó ñɨvɨ káꞌvi ni ya̱ njia̱ꞌanúún ráa veꞌi ráa nu̱u̱nꞌ rá najiáꞌáꞌ ííꞌ Ndiosíꞌ nkino̱o rává sú ntu jíníꞌ ráa maa.

3 Juan 1:10

Saáva sáá kenta ni̱ꞌ yukuán, jee xináku ni̱ꞌ si̱kɨ̱ꞌ tiñu sáꞌá re̱ꞌ. Chi nékáíyó káꞌánꞌ re̱ꞌ tu̱ꞌun niva̱ꞌa si̱kɨ̱ꞌ ráníꞌ. Jee nsú kua̱chi jín rá tiñu yaꞌá kúváꞌa iniꞌ re̱ꞌ, chi ni ntu jiáꞌa re̱ꞌ veꞌi re̱ꞌ ki̱vɨ rá ñanitáꞌán vá. Jee jiásɨ́ꞌ re̱ꞌ nu̱u̱nꞌ rá ñɨvɨ ya̱ kuíni ráa ku̱ꞌva ráa veꞌi ráa ki̱vɨ rá ñanitáꞌán vá, jee táváꞌ re̱ꞌ ráa nteñu rá táꞌán ráa ya̱ kúneí iniꞌ ráa Jesús, ya̱ ntu jiáꞌa re̱ꞌ kútútú ráa jín rá táꞌán ráa.

3 Juan 1:3

Chi nnusɨ̱ɨ̱ꞌ víꞌí iniꞌ ni̱ꞌ sáá nkiji sava rá ñanitáꞌán‑ó, jee ntaji ráa tu̱ꞌun na̱a̱ꞌ nu̱u̱nꞌ ni̱ꞌ ya̱ síkúnkuvi na̱a̱ꞌ nú tu̱ꞌun na̱a̱ꞌ, chi jíka nú jín tu̱ꞌun na̱a̱ꞌ Jesús.