1 Juan 5:19 - Mixteco del suroeste de Tlaxiaco Oaxaca

¹⁹ Jee jíníꞌ‑ó ya̱ kúvi‑ó ñɨvɨ Ndiosíꞌ, jín ya̱ kua̱íyó kuitɨꞌ rá inka ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa nu̱u̱nꞌ re̱ꞌ, yɨ́ꞌɨ́ ráa chi̱ji xi̱ntíín kui̱ꞌna̱ꞌ kúñáꞌnú.

1 Juan 5:19 Iomraidhean Croise

Lucas 4:6

Jee nkachiꞌ kui̱ꞌna̱ꞌ vá nu̱u̱nꞌ re̱ꞌ: ―Nu̱u̱nꞌ noꞌó taji ni̱ꞌ ya̱ kunisotíñú nú tatúníꞌ nú nu̱u̱nꞌ ntáká rá ñuunꞌ yaꞌá, jee taji ni̱ꞌ nu̱u̱nꞌ nú rá viiꞌ nasɨ́kuitɨꞌ kúñáꞌnú íyó maa. Chi nna̱taji maa nu̱u̱nꞌ ni̱ꞌ jee xi̱ntíín ni̱ꞌ nna̱kɨ̱ꞌɨ maa, jee ku̱ꞌva ni̱ꞌ maa nu̱u̱nꞌ néni ɨɨn nu̱u̱nꞌ ya̱ kuíni maáníꞌ ku̱ꞌva ni̱ꞌ maa.

Juan 12:31

Vitan kúvi tiempúꞌ ya̱ saꞌá na̱a̱ꞌ Ndiosíꞌ kua̱chi jie̱ꞌe̱ꞌ rá ñɨvɨ ñɨ̱vɨ́ yaꞌá. Jee vitan jee tavaꞌ Ndiosíꞌ máá maá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá kɨ̱ꞌɨ̱nꞌ iyo‑o.

Juan 14:30

Nka̱ꞌánꞌ kue̱ꞌe̱ꞌ ni̱ꞌ ka̱ꞌ jín rán, chi ya̱ va̱ji máá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá. Asúnika̱ꞌ ntu̱náꞌ fesáꞌ níso‑o tatúníꞌ‑i nu̱u̱nꞌ nuꞌuꞌ.

Juan 16:11

Jee stúvi kájí re̱ꞌ ya̱ keꞌneꞌ na̱a̱ꞌ re̱ꞌ kua̱chi si̱kɨ̱ꞌ rá ñɨvɨ ñɨ̱vɨ́, chi ya̱ nkuna̱a̱ꞌ kɨ̱naanꞌ ta̱chi̱ꞌ kíni kúñáꞌnú ya̱ tátúníꞌ iniꞌ ñɨ̱vɨ́ yaꞌá.

Juan 17:15

’Soo nsáꞌ jíkánꞌ táꞌvíꞌ ni̱ꞌ ya̱ tavaꞌ nú ráa iniꞌ ñɨ̱vɨ́ yaꞌá, chisaꞌ káchíꞌ ni̱ꞌ ya̱ kumí nú ráa nu̱u̱nꞌ maá kui̱ꞌna̱ꞌ kúñáꞌnú.

Romanos 8:16

Jee máá maá Ta̱chi̱ꞌ Ííꞌ Ndiosíꞌ jiáꞌa ya̱ naáꞌ nu̱u̱nꞌ ánímaꞌ‑ó, ya̱ kúvi‑ó se̱ꞌya Ndiosíꞌ.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

2 Corintios 4:4

Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

2 Corintios 5:1

Chi jíníꞌ‑ó ya̱ yɨkɨkúñu‑ó ya̱ kúmí‑ó iniꞌ ñɨ̱vɨ́ yaꞌá, jee kúvi‑i kuéntáꞌ ɨɨn vesayo ya̱ jiánaanꞌ. Soo jíníꞌ‑ó ya̱ sáá kɨ̱naanꞌ‑a, jee natají Ndiosíꞌ ɨɨn yɨkɨkúñu jiáá nu̱u̱nꞌ‑ó ya̱ koo nɨ́ɨ́nkání. Jee yukuán kúvi kuéntáꞌ ɨɨn veꞌi jee íyó‑o ñuunꞌ íyó antivɨ́ súkún. Soo ntu̱ví kúvi‑i ɨɨn veꞌi ya̱ sáꞌá ñɨvɨ jín naꞌá‑a, chi maá Ndiosíꞌ nsa̱ꞌá maa.

Gálatas 1:4

Nso̱ko̱ꞌ Jesús maáréꞌ ya̱ níꞌiꞌ re̱ꞌ jie̱ꞌe̱ꞌ kua̱chi‑ó, sáva sikáku re̱ꞌ yó, sáva ntu íyó kaka‑ó ichi tu̱ꞌun kánéꞌén, sáni sáꞌá rá ñɨvɨ nééꞌ ñɨ̱vɨ́ vitan ya̱ ntu yɨ́ꞌɨ́ ráa nu̱u̱nꞌ re̱ꞌ. Nsa̱ꞌá re̱ꞌ suꞌva sáni kuíni Tátáꞌ‑ó Ndiosíꞌ.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

2 Timoteo 1:12

Saáva nóꞌo ni̱ꞌ suꞌva. Soo ntu̱ví kúkanuun ni̱ꞌ, chi jíníꞌ ni̱ꞌ né ɨɨn ví ya̱ kúneí iniꞌ ni̱ꞌ, jee jínúꞌ kájí iniꞌ ni̱ꞌ ya̱ suvire̱ꞌ kúvi kumí váꞌa re̱ꞌ tiñu nte̱tíñú re̱ꞌ nuꞌuꞌ, ne̱ ki̱vɨ̱ꞌ nikó tuku re̱ꞌ.

Tito 3:3

Chi nékúvi sunisaá maáó nkuvi‑ó ñɨvɨ naanꞌ, jee nku̱jiááꞌ iniꞌ‑ó, jee maáó nika̱ꞌ ni̱nu̱ꞌ iniꞌ rá tu̱ꞌun xínáꞌví, jee nyɨ̱ꞌɨ‑ó chi̱ji xi̱ntíín kéꞌín ya̱ níyo iniꞌ jín xi̱ntíín kéꞌín ya̱ sɨ̱ɨ̱ꞌ iniꞌ, jee niva̱ꞌa ñaꞌnu‑ó, jee ni̱yo uꞌvi iniꞌ‑ó, jee nta̱ꞌvi̱ꞌ iniꞌ ñɨvɨ nne̱ꞌyá ráa yó, jee nta̱ꞌvi̱ꞌ iniꞌ‑ó nne̱ꞌyá‑ó ɨɨn inka‑ó.

Santiago 4:4

¡Ñɨvɨ ya̱ ntu jiáꞌnu na̱a̱ꞌ nu̱u̱nꞌ Ndiosíꞌ! Retú íyó mániꞌ táꞌán rán jín ya̱ níyo iniꞌ rá ñɨvɨ ñɨ̱vɨ́ yaꞌá, ¿á ntu jíníꞌ rán, ya̱ suvivá kúvi ya̱ túfíꞌ ta̱ꞌán rán néꞌyá rán Ndiosíꞌ? Saáva néni ɨɨn ñɨvɨ ya̱ nkuna̱a̱ꞌ iniꞌ‑i koo mániꞌ táꞌán‑a jín ya̱ níyo iniꞌ rá ñɨvɨ ñɨ̱vɨ́ yaꞌá, jee nkenta‑a kúvi‑i ñɨvɨ ya̱ túfíꞌ ta̱ꞌán‑a néꞌyá‑a Ndiosíꞌ.

1 Juan 3:14

Sú ñaꞌnu‑ó suꞌva kuéntáꞌ ya̱ níꞌiꞌ‑ó nu̱u̱nꞌ Ndiosíꞌ, soo nxi̱nóo‑ó ya̱ kuéntáꞌ níꞌiꞌ‑ó sukuán jee nkenta kutekuꞌ‑ó jín Ndiosíꞌ. Jee maáórán chi jíníꞌ‑ó maa chi ñúnúunꞌ‑ó rá ñanitáꞌán‑ó. Jee ñɨvɨ ya̱ ntu ñúnúunꞌ rá ñanitáꞌán‑ó jee kínóo i̱i̱ꞌ ráa ya̱ kuéntáꞌ níꞌiꞌ ráa.

1 Juan 3:24

Jee ñɨvɨ ya̱ síkúnkuvi ya̱ tátúníꞌ Ndiosíꞌ, jee kínóo kutú ñɨvɨ vá yɨ́ꞌɨ́‑ɨ nu̱u̱nꞌ re̱ꞌ, jín suni máá Ndiosíꞌ kínóo kutú re̱ꞌ yɨ́ꞌɨ́ re̱ꞌ iniꞌ‑i. Jee jie̱ꞌe̱ꞌ ya̱ ntaji re̱ꞌ Ta̱chi̱ꞌ Ííꞌ re̱ꞌ yɨ́ꞌɨ́‑ɨ iniꞌ‑ó, saáva jíníꞌ‑ó ya̱ kínóo kutú re̱ꞌ yɨ́ꞌɨ́ re̱ꞌ iniꞌ‑ó.

1 Juan 5:10

Jee ñɨvɨ ya̱ kúneí iniꞌ ráa Se̱ꞌya Ndiosíꞌ, jee ñúꞌún ya̱ naáꞌ jiáꞌa Ndiosíꞌ iniꞌ ánímaꞌ ñɨvɨ vá. Jee ñɨvɨ ya̱ ntu jínúꞌ iniꞌ ráa Ndiosíꞌ, jee nátatúꞌún ñɨvɨ vá re̱ꞌ chi ntu ínúꞌ iniꞌ ráa tu̱ꞌun na̱a̱ꞌ ya̱ njiáꞌa re̱ꞌ jie̱ꞌe̱ꞌ Se̱ꞌya re̱ꞌ.

1 Juan 5:13

Rá tu̱ꞌun yaꞌá ntee ni̱ꞌ nu̱u̱nꞌ ránoꞌó ya̱ kúneí iniꞌ rán Se̱ꞌya Ndiosíꞌ sáva kukáꞌnú na̱a̱ꞌ iniꞌ rán ya̱ ya tékúꞌ rán nɨ́ɨ́nkání jín re̱ꞌ.

1 Juan 5:15

Jee retú jíníꞌ‑ó ya̱ tésóꞌo ñáꞌnú re̱ꞌ na̱ni jíkánꞌ‑ó nu̱u̱nꞌ re̱ꞌ jee jíníꞌ‑ó ya̱ ya nni̱ꞌi̱nꞌ‑ó ya̱ níkanꞌ‑ó nu̱u̱nꞌ re̱ꞌ.

1 Juan 5:18

Jee jíníꞌ‑ó ya̱ nta̱ká rá ñɨvɨ ya̱ nsa̱ꞌá Ndiosíꞌ ya̱ nna̱kaku ráa kúvi ráa se̱ꞌya re̱ꞌ, ntu̱ví jíka ráa jín kua̱chi. Jee Jesús ya̱ nkaku re̱ꞌ va̱ji re̱ꞌ ne̱ nu̱u̱nꞌ Ndiosíꞌ jee kúvi re̱ꞌ máá Se̱ꞌya Ndiosíꞌ, jee suvire̱ꞌ chi náma re̱ꞌ ráa, jee ntu kúvi tɨɨn niva̱ꞌa kui̱ꞌna̱ꞌ kúñáꞌnú ráa.

1 Juan 5:20

Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Apoclipsis 20:3

Jee nsi̱kéne re̱ꞌ maa iniꞌ numaꞌ ya̱ ntu jínu nu̱u̱nꞌ kúnú‑u, jee ñasɨꞌ kutú váꞌa re̱ꞌ yuꞌú numaꞌ vá jee ntee re̱ꞌ seyúꞌ maa, sáva ntu xináꞌví‑i ka̱ꞌ rá ñɨvɨ rá nación, nekuaꞌ ji̱nu ɨɨn mil (1000) kui̱ya̱ꞌ vá. Jee retú njia̱ꞌa tiempúꞌ vá jee íyó nakani núne re̱ꞌ maa yakuꞌ ni tiempúꞌ.