1 Juan 4:11 - Mixteco del suroeste de Tlaxiaco Oaxaca

¹¹ Ránoꞌó ya̱ ñúnúunꞌ ni̱ꞌ, nu̱u̱nꞌ nñunu̱u̱nꞌ Ndiosíꞌ yó suꞌva, jee suni íyó kunu̱u̱nꞌ‑ó ɨɨn inka táꞌán‑ó.

1 Juan 4:11 Iomraidhean Croise

Lucas 10:37

Jee nkachiꞌ te̱e súkuáꞌa jie̱ꞌe̱ꞌ tu̱ꞌun nta̱túníꞌ Ndiosíꞌ: ―Te̱e ya̱ nku̱náꞌví iniꞌ‑i te̱e ntúfiꞌ vá ―nkachiꞌ‑i. Jee nkachiꞌ Jesús nu̱u̱nꞌ‑u: ―Kuáꞌán jee suni sukuán saꞌá nú ―nkachiꞌ Jesús.

Juan 13:34

’Jee vitan jee taji ni̱ꞌ ɨɨn tu̱ꞌun jiáá ya̱ tátúníꞌ ni̱ꞌ nu̱u̱nꞌ rán, ya̱ kunu̱u̱nꞌ rán ɨɨn inka rá táꞌán rán. Kuéntáꞌ ñúnúunꞌ ni̱ꞌ ránoꞌó, jee suni sukuán kunu̱u̱nꞌ rán ɨɨn inka táꞌán rán.

Efesios 4:31

Jee siíyo rán ntáká tu̱ꞌun ñútáꞌvi ñúꞌún iniꞌ rán, jín rá tu̱ꞌun kítɨ́ꞌ iniꞌ rán, jín rá tu̱ꞌun xe̱e̱nꞌ iniꞌ rán, jín rá kánajíín nu̱u̱nꞌ táꞌán rán, jín rá ténúunꞌ táꞌán rán, jín ntáká ka̱ꞌ rá inka tu̱ꞌun niváꞌa íyó.

Colosenses 3:13

jín ya̱ keꞌneꞌ iniꞌ rán jín táꞌán rán, jín ya̱ kunekáꞌnú iniꞌ rán kune̱ꞌyá rán ɨɨn inka táꞌán rán, retú íyó kua̱chi nsa̱ꞌá néni ɨɨn rán si̱kɨ̱ꞌ néni ɨɨn inka rán. Kuéntáꞌ kua̱ꞌ nne̱káꞌnú iniꞌ Cristo nne̱ꞌyá re̱ꞌ ránoꞌó, jee suni sukuán ranika̱ꞌ saꞌá rán.

1 Juan 2:7

Ránoꞌó ya̱ ñúnúunꞌ ni̱ꞌ kuéntáꞌ ñaniꞌ ni̱ꞌ, nsú tu̱ꞌun ya̱ tátúníꞌ jiáá re̱ꞌ ví ya̱ tée ni̱ꞌ nu̱u̱nꞌ rán, chisaꞌ tu̱ꞌun ya̱ nta̱túníꞌ re̱ꞌ ne̱ yanaꞌán ya̱ ya nni̱ꞌi̱nꞌ rán ne̱ xíꞌnañúꞌún ya̱ ni̱nu̱ꞌ iniꞌ rán kúvi‑i. Jee tu̱ꞌun vá kúvi ya̱ nteso̱ꞌo rán ne̱ ki̱vɨ̱ꞌ nka̱jiéꞌé ni̱nu̱ꞌ iniꞌ rán.

1 Juan 3:11

Chi yaꞌá kúvi tu̱ꞌun ya̱ nteso̱ꞌo rán ne̱ nka̱jiéꞌé nku̱neí iniꞌ rán Jesús ne̱ xíꞌnañúꞌún, ya̱ kunu̱u̱nꞌ‑ó ɨɨn inka táꞌán‑ó.

1 Juan 3:23

Jee yaꞌá kúvi tiñu ya̱ tátúníꞌ re̱ꞌ: ya̱ kuneí iniꞌ‑ó Se̱ꞌya re̱ꞌ Jesucristo, jín ya̱ kunu̱u̱nꞌ‑ó ɨɨn inka táꞌán‑ó, sánikua̱ꞌ nta̱túníꞌ re̱ꞌ nu̱u̱nꞌ‑ó.

1 Juan 4:7

Ránoꞌó ya̱ ñúnúunꞌ ni̱ꞌ, kunu̱u̱nꞌ‑ó ɨɨn inka táꞌán‑ó chi tu̱ꞌun ñúnúunꞌ vá ví ya̱ va̱ji nu̱u̱nꞌ Ndiosíꞌ. Jee nta̱ká ñɨvɨ ya̱ ñúnúunꞌ ráa táꞌán ráa, jee nna̱kaku ráa nsa̱ꞌá Ndiosíꞌ sáva kuvi nijia ráa se̱ꞌya re̱ꞌ, jee ma̱ni̱ꞌ ráa jín re̱ꞌ.

2 Juan 1:5

Nánáꞌ, vitan jee jíkánꞌ táꞌvíꞌ ni̱ꞌ nu̱u̱nꞌ nú ya̱ kunu̱u̱nꞌ‑ó ɨɨn inka táꞌán‑ó. Nsú tiñu jiáá ví yaꞌá ya̱ tátúníꞌ Ndiosíꞌ, chisaꞌ suvi‑i kúvi tu̱ꞌun ya̱ nníꞌinꞌ‑ó ne̱ tiempúꞌ xíꞌnañúꞌún ya̱ nka̱jiéꞌé ni̱nu̱ꞌ iniꞌ‑ó.