1 Juan 2:20 - Mixteco del suroeste de Tlaxiaco Oaxaca

²⁰ Soo ránoꞌó chi nni̱ꞌi̱nꞌ rán Ta̱chi̱ꞌ Ííꞌ Ndiosíꞌ yɨ́ꞌɨ́‑ɨ iniꞌ rán, ya̱ táji Cristo ya̱ ííꞌ kúvi re̱ꞌ, jee saáva jíníꞌ nta̱ká rán ya̱ naáꞌ.

1 Juan 2:20 Iomraidhean Croise

Mateo 13:11

Saájee nna̱xiníkó re̱ꞌ nkachiꞌ re̱ꞌ nu̱u̱nꞌ ráa: ―Nu̱u̱nꞌ ránoꞌó chi ntaji Ndiosíꞌ ya̱ kukáꞌnú iniꞌ rán jie̱ꞌe̱ꞌ rá tu̱ꞌun nyɨse̱ꞌí jie̱ꞌe̱ꞌ na̱ja kívɨ ñɨvɨ naꞌá Ndiosíꞌ jee tátúníꞌ re̱ꞌ nu̱u̱nꞌ ráa ya̱ nééꞌ re̱ꞌ antivɨ́ súkún. Soo nu̱u̱nꞌ rá inka ka̱ꞌ ntu̱ví njiáꞌa re̱ꞌ maa.

Marcos 1:24

―¿Na̱chi kíní nú maánú nteñu ránꞌ, Jesús ñuunꞌ Nazaret! ¿Á va̱ji nú xináánꞌ nú ránuꞌuꞌ? Jíníꞌ va̱ꞌa ni̱ꞌ né ɨɨn kúvi nú. Noꞌó vá i̱i̱ꞌ ya̱ váji nu̱u̱nꞌ Ndiosíꞌ ―nkachiꞌ ta̱chi̱ꞌ néꞌí.

Lucas 4:18

Ta̱chi̱ꞌ Ííꞌ I̱toꞌoꞌ‑ó Ndiosíꞌ íyó‑o jín nuꞌuꞌ, chi ñani Ndiosíꞌ nuꞌuꞌ sáva nakani ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ láꞌví, jee suni nchu̱ichí re̱ꞌ nuꞌuꞌ sáva nasaꞌá váꞌa ni̱ꞌ iniꞌ rá ñɨvɨ ya̱ íyó tu̱nkuíꞌyáꞌ iniꞌ ánímaꞌ ráa, jín sáva kachitu̱ꞌún ni̱ꞌ tu̱ꞌun váꞌa ya̱ nakani núne ni̱ꞌ rá ñɨvɨ ya̱ yɨ́ꞌɨ́ ráa xi̱ntíín kua̱chi ráa, jín suni sáva saꞌá ni̱ꞌ ya̱ nakune̱ꞌyá rá ñɨvɨ kuáá, jee suni sáva nakani núne ni̱ꞌ rá ñɨvɨ nu̱u̱nꞌ tu̱nóꞌó jíchi rá ñɨvɨ ráa,

Lucas 4:34

―¿Na̱chi kíní nú maánú nteñu ránꞌ, Jesús ñuunꞌ Nazaret! ¿Á va̱ji nú xináánꞌ nú ránuꞌuꞌ! ¡Jíníꞌ va̱ꞌa ni̱ꞌ né ɨɨn kúvi nú! ¡Noꞌó vá ííꞌ ya̱ váji nu̱u̱nꞌ Ndiosíꞌ! ―nkachiꞌ ta̱chi̱ꞌ kákini vá.

Juan 14:26

Soo nu̱u̱nꞌ súví nuꞌuꞌ chuichí Tátáꞌ ni̱ꞌ Ta̱chi̱ꞌ Ííꞌ re̱ꞌ kiji‑i ya̱ maáa ví ya̱ chineí chituvi‑i nachuꞌun neí‑i iniꞌ ránoꞌó. Jee maáa vá xinéꞌénꞌ‑e ránoꞌó jie̱ꞌe̱ꞌ ntáká tu̱ꞌun ni̱ꞌ jee xinákúꞌun‑u iniꞌ rán ntáká tu̱ꞌun ni̱ꞌ ya̱ nkachiꞌ ni̱ꞌ nu̱u̱nꞌ rán.

Juan 16:13

Soo sáá kiji Ta̱chi̱ꞌ Ííꞌ, ya̱ stúvi tu̱ꞌun na̱a̱ꞌ, jee maáréꞌ nachuꞌun re̱ꞌ ichi ránoꞌó ya̱ taji re̱ꞌ nɨꞌɨ ya̱ naáꞌ. Chi nsú ya̱ tátúníꞌ maáréꞌ vá kachiꞌ re̱ꞌ, chisaꞌ kachiꞌ re̱ꞌ rá tu̱ꞌun tésóꞌo re̱ꞌ ya̱ káchíꞌ Tátáꞌ ni̱ꞌ. Jee saꞌá re̱ꞌ ya̱ kukáꞌnú iniꞌ rán rá tiñu ya̱ kiji koo ichinúúnꞌ.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Hechos 3:14

Soo nku̱ichi iniꞌ rán Jesús ya̱ kúvi re̱ꞌ ya̱ ííꞌ nu̱u̱nꞌ Ndiosíꞌ jín ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee ni̱ka̱nꞌ rán ya̱ siaáꞌ Pilato ɨɨn te̱e, ya̱ jiáꞌníꞌ ñɨvɨ, nsú káꞌ siaáꞌ re̱ꞌ Jesús.

1 Corintios 2:15

Soo ñɨvɨ yɨ́ꞌɨ́ xi̱ntíín Ta̱chi̱ꞌ Ííꞌ Ndiosíꞌ jee nánukútúꞌun ñɨvɨ vá kunuún iniꞌ‑i jín nɨꞌɨ tu̱ꞌun váꞌa va̱ji nu̱u̱nꞌ re̱ꞌ. Soo ni ɨɨn ñɨvɨ ya̱ ntu yɨ́ꞌɨ́ xi̱ntíín Ta̱chi̱ꞌ Ííꞌ re̱ꞌ ntu kúvi ki̱ku̱ꞌun iniꞌ‑i jie̱ꞌe̱ꞌ ñɨvɨ ya̱ yɨ́ꞌɨ́ xi̱ntíín Ta̱chi̱ꞌ Ííꞌ re̱ꞌ sáva sijíta‑a ráa.

Hebreos 1:9

Ñúnúunꞌ nú mani tiñu na̱a̱ꞌ sáni kuíni Ndiosíꞌ, jee jíníꞌ u̱ꞌvi̱ꞌ nú néꞌyá nú rá tiñu níváꞌa sáꞌá ñɨvɨ jiááꞌ iniꞌ. Jee saáva nuꞌuꞌ, ya̱ kúvi ni̱ꞌ Ndiosíꞌ nú, nyosoꞌ ni̱ꞌ aceite noꞌó, sáva ñani ni̱ꞌ noꞌó sáva kuniso nú tiñu ñáꞌnú ka̱ꞌ nsú káꞌ rá inka ya̱ jíꞌín ráa sátíñú nu̱u̱nꞌ ni̱ꞌ, jee jie̱ꞌe̱ꞌ vá kúsɨ́ɨꞌ víꞌí iniꞌ nú.

Hebreos 8:11

Jee ni ɨɨn ntu̱náꞌ kuniñúꞌún‑u ya̱ xinéꞌénꞌ‑e ñanitáꞌán‑a ni táꞌán‑a jee nsáꞌ kachiꞌ‑i: Kuniꞌ va̱ꞌa nú iniꞌ I̱toꞌoꞌ‑ó. Chi ntáká ráa kuniꞌ va̱ꞌa iniꞌ ni̱ꞌ, ne̱ rá lúlí jín ne̱ rá ñáꞌnú ka̱ꞌ.

1 Juan 2:27

Soo ránoꞌó chi Ta̱chi̱ꞌ Ííꞌ ya̱ nníꞌinꞌ rán nu̱u̱nꞌ Jesús kínóo kutú‑u iniꞌ ránoꞌó. Jee saáva ntu̱ví jíniñúꞌún rán ya̱ xinéꞌénꞌ ni ɨɨn ñɨvɨ ránoꞌó [inka tu̱ꞌun], chi máá Ta̱chi̱ꞌ Ííꞌ re̱ꞌ xínéꞌénꞌ ránoꞌó nta̱ká tiñu. Jee na̱a̱ꞌ re̱ꞌ, jee ntu túꞌún re̱ꞌ. Saájee kino̱o kutú rán kɨꞌɨ rán nu̱u̱nꞌ Cristo, sánikua̱ꞌ ya̱ nxi̱néꞌénꞌ Ta̱chi̱ꞌ Ííꞌ ránoꞌó.

1 Juan 4:13

Jee jín yaꞌá jíníꞌ‑ó ya̱ kínóo kutú‑ó yɨ́ꞌɨ́‑ó nu̱u̱nꞌ re̱ꞌ, jín ya̱ maáréꞌ chi kínóo kutú re̱ꞌ yɨ́ꞌɨ́ re̱ꞌ iniꞌ‑ó, chi ntaji re̱ꞌ Ta̱chi̱ꞌ Ííꞌ re̱ꞌ yɨ́ꞌɨ́‑ɨ iniꞌ‑ó.

Judas 1:5

Chi súnika̱ꞌ ya jíníꞌ va̱ꞌa rán ntáká tu̱ꞌun yaꞌá ya̱ káchíꞌ ni̱ꞌ nu̱u̱nꞌ rán, soo kuíni ni̱ꞌ xinákúꞌun tuku ni̱ꞌ iniꞌ rán na̱sa nsa̱ꞌá Ndiosíꞌ, sáá nkuvi nsi̱káku re̱ꞌ rá ñɨvɨ Israel ne̱ yanaꞌán, jee ntavaꞌ re̱ꞌ ráa nu̱u̱nꞌ ñu̱ꞌún Egipto nkene ráa, jee kuíre nxi̱náánꞌ re̱ꞌ rá ñɨvɨ ya̱ ntu nka̱níjiá ráa ji̱nu̱ꞌ iniꞌ ráa re̱ꞌ.

Apoclipsis 3:7

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Filadelfia: “Nuꞌuꞌ vá i̱i̱ꞌ ni̱ꞌ jín nuꞌuꞌ vá na̱a̱ꞌ ni̱ꞌ. Ínaꞌá ni̱ꞌ nakáa David, ya̱ nísotíñú ni̱ꞌ kuéntáꞌ kua̱ꞌ nta̱túníꞌ re̱ꞌ nu̱u̱nꞌ nación Israel yanaꞌán. Saáva nuꞌuꞌ ví ya̱ jíne ni̱ꞌ nu̱u̱nꞌ ki̱vɨ rá ñɨvɨ nu̱u̱nꞌ tátúníꞌ ni̱ꞌ, jee ni ɨɨn ntu kuvi nakasɨꞌ maa. Jee nuꞌuꞌ nakasɨꞌ maa, jee ni ɨɨn ntu kúvi nakune maa. Suꞌva káchíꞌ nuꞌuꞌ:

Apoclipsis 4:8

Jee ni kúmíꞌ rá tékúꞌ vá, íyó i̱ñu̱ꞌ chi̱yo̱ꞌ ta ɨɨn ɨɨn ráa. Jee kua̱íyó rá ya̱ta̱ꞌ chi̱yo̱ꞌ ráa vá, jín chi̱ji chi̱yo̱ꞌ ráa nchi̱tú nchinúún ráa. Jee nuví niñuꞌ ntu jiákui̱ñɨ̱ꞌ ráa ya̱ káchíꞌ ráa: ¡Na̱ ka̱ꞌ vá i̱i̱ꞌ, i̱i̱ꞌ kúvi I̱toꞌoꞌ‑ó Ndiosíꞌ, i̱i̱ꞌ kúvi re̱ꞌ! Maáréꞌ níso fesáꞌ ííꞌ nasɨ́kuitɨꞌ, chi kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó. Maáréꞌ vá íyó nɨ́ɨ́nkání tiempúꞌ va̱ji ya̱ta̱ꞌ, maáréꞌ vá íyó vitan, jee suni maáréꞌ ví ya̱ koo nɨ́ɨ́nkání.