1 Juan 1:3 - Mixteco del suroeste de Tlaxiaco Oaxaca

³ Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.

1 Juan 1:3 Iomraidhean Croise

Juan 17:11

’Jee nsáꞌ kuneeꞌ ni̱ꞌ ka̱ꞌ iniꞌ ñɨ̱vɨ́ yaꞌá. Jee suviráa kino̱o ráa kuneeꞌ ráa iniꞌ ñɨ̱vɨ́ yaꞌá, jee nuꞌuꞌ chi kua̱najiaaꞌ ni̱ꞌ nu̱u̱nꞌ nú, Tátáꞌ ni̱ꞌ ya̱ ííꞌ nasɨ́kuitɨꞌ. Jee jíkánꞌ táꞌvíꞌ ni̱ꞌ nu̱u̱nꞌ nú ya̱ kumaꞌñu kusava nú ráa jín fuersáꞌ ííꞌ nú ya̱ ntaji nú nu̱u̱nꞌ ni̱ꞌ, sáva saꞌá nú ya̱ ɨɨn ni kuvi ráa kuéntáꞌ kua̱ꞌ maánú jín nuꞌuꞌ.

Juan 17:21

Jee jíkánꞌ táꞌvíꞌ ni̱ꞌ jie̱ꞌe̱ꞌ ráa ya̱ ɨɨn ni kuvi ráa, kuéntáꞌ maánú, Tátáꞌ ni̱ꞌ, chi yɨ́ꞌɨ́ nú iniꞌ nuꞌuꞌ, jee yɨ́ꞌɨ́ ni̱ꞌ iniꞌ noꞌó, jee suni sáva sukuán kɨꞌɨ ráa nu̱u̱nꞌ‑ó, sáva kuniꞌ rá ñɨvɨ ñɨ̱vɨ́ jee ji̱nu̱ꞌ iniꞌ ráa ya̱ maánú ví ya̱ nchu̱ichí nú nuꞌuꞌ va̱ji ni.

Juan 17:25

’Tátáꞌ ni̱ꞌ, noꞌó chi na̱a̱ꞌ nasɨ́kuitɨꞌ kúvi nú. Soo rá ñɨvɨ ñɨ̱vɨ́ chi ntu̱ví jíníꞌ ráa iniꞌ noꞌó, soo nuꞌuꞌ chi jíníꞌ ni̱ꞌ iniꞌ noꞌó, jee jíníꞌ rá ñɨvɨ yaꞌá ya̱ noꞌó nchu̱ichí nú nuꞌuꞌ va̱ji ni.

Juan 17:3

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

Juan 19:35

Máá maá te̱e ya̱ niniꞌ maa ví ya̱ jiáꞌa ya̱ naáꞌ jie̱ꞌe̱ꞌ vá. Jee ya̱ naáꞌ kúvi tu̱ꞌun jiáꞌa‑a. Suvivá jíníꞌ‑i ya̱ káchíꞌ‑i ya̱ naáꞌ, sáva suni ránoꞌó kuneí iniꞌ rán Jesús.

Hechos 13:32

’Jee ránuꞌuꞌ stékútu̱ꞌún ráníꞌ nu̱u̱nꞌ ránoꞌó tu̱ꞌun váꞌa, ya̱ nchi̱sóyuꞌú Ndiosíꞌ nu̱u̱nꞌ rá jííꞌ‑ó yanaꞌán.

Hechos 13:41

Kune̱ꞌyá rán, ya̱ káꞌánꞌ u̱ꞌvi̱ꞌ rán jie̱ꞌe̱ꞌ ya̱ káchíꞌ ni̱ꞌ. Ti̱vɨ́ xíniꞌ rán jee kɨ̱naanꞌ rán. Chi rá ki̱vɨ̱ꞌ tékúꞌ rán, saꞌá ni̱ꞌ ɨɨn tiñu ya̱ ni̱núꞌ iniꞌ rán, súnika̱ꞌ nakani ñɨvɨ maa nu̱u̱nꞌ rán, nkachiꞌ Ndiosíꞌ ―nkachiꞌ Pablo.

Hechos 2:42

Jee níkɨ́nꞌ ni̱ꞌin ráa tu̱ꞌun xínéꞌénꞌ rá te̱e níso rává tiñu apóstol. Jee sukuáni nééꞌ ñunkúún ráa. Jee sukuáni yájíꞌ tútú ráa neyu [nu̱u̱nꞌ tásáva ráa i̱xta̱tíláꞌ, sáva naku̱ꞌun iniꞌ ráa, ya̱ ni̱ꞌi̱ꞌ Jesús jie̱ꞌe̱ꞌ kua̱chi ráa]. Jee sukuáni káꞌánꞌ tútú ráa jín Ndiosíꞌ.

Hechos 20:27

Chi ntu̱ví nkúmániꞌ ni̱ꞌ stekútu̱ꞌún ni̱ꞌ nu̱u̱nꞌ rán nɨꞌɨ ya̱ nsa̱náaꞌ Ndiosíꞌ saꞌá‑a.

Hechos 4:20

Soo ntu kúvi sikɨ́kui̱ñɨ̱ꞌ ráníꞌ kachiꞌ ránꞌ jie̱ꞌe̱ꞌ rá niniꞌ ránꞌ jín rá nteso̱ꞌo ránꞌ ―nkachiꞌ Pedro jín Juan.

Romanos 15:27

Chi ñani iniꞌ ráa ya̱ íyó va̱ꞌa saꞌá ráa sukuán, chi táyáꞌvi ráa ya̱ íyó nachineí ráa rá ñɨvɨ Israel, chi retú jíꞌín ráa nni̱ꞌi̱nꞌ ráa ranika̱ꞌ ta̱ꞌvi̱ꞌ iniꞌ ánímaꞌ ráa ya̱ síkútaꞌviꞌ Ndiosíꞌ nu̱u̱nꞌ rá ñɨvɨ Israel, saáva suni íyó nachineí ráa rá ñanitáꞌán‑ó ya̱ kúvi ñɨvɨ Israel ná kúvi jíniñúꞌún rává.

1 Corintios 1:30

Soo maá Ndiosíꞌ chi nsa̱ꞌá re̱ꞌ ya̱ kɨꞌɨ rán xi̱ntíín Cristo Jesús, jee ne̱ nu̱u̱nꞌ Jesús va̱ji tu̱ꞌun níchí tánɨ́ꞌ xi̱ni̱ꞌ táji Ndiosíꞌ nu̱u̱nꞌ‑ó, jee nsa̱ꞌá re̱ꞌ ya̱ kínóo na̱a̱ꞌ‑ó nu̱u̱nꞌ Ndiosíꞌ, jee nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Ndiosíꞌ, jee nna̱kani núne re̱ꞌ yó nu̱u̱nꞌ kua̱chi ya̱ nkɨ́ꞌɨ‑ó ka̱ꞌ xi̱ntíín kua̱chi.

1 Corintios 1:9

Chi síkúnkuvi na̱a̱ꞌ Ndiosíꞌ ya̱ nkana re̱ꞌ ránoꞌó sáva kanitáꞌán iniꞌ rán jín Se̱ꞌya re̱ꞌ Jesús ya̱ kúvi Cristo ya̱ kúvi I̱toꞌoꞌ‑ó.

1 Corintios 15:1

Ránoꞌó ñaniꞌ jín ku̱ꞌva, vitan jee sáꞌá ni̱ꞌ ya̱ nna̱ku̱ꞌun iniꞌ rán tu̱ꞌun váꞌa Ndiosíꞌ jie̱ꞌe̱ꞌ Cristo ya̱ nkachitu̱ꞌún ni̱ꞌ nu̱u̱nꞌ rán. Jee tu̱ꞌun yaꞌá kúvi ya̱ ntɨɨn rán, jee suni íñɨ́ níꞌin rán níkɨ́nꞌ rán maa.

2 Corintios 13:14

Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús ya̱ kúvi Cristo kune̱ꞌyá re̱ꞌ nta̱ká ránoꞌó, jín ya̱ kunu̱u̱nꞌ Ndiosíꞌ nta̱ká rán, jín ya̱ koo nkáꞌnú Ta̱chi̱ꞌ Ííꞌ Ndiosíꞌ jín rán. Sukuán koo. Amén.

Efesios 3:6

Jee tu̱ꞌun ya̱ níyo yuꞌuꞌ iniꞌ re̱ꞌ jee nstúvi re̱ꞌ maa vitan ví yaꞌá: Tu̱ꞌun váꞌa jie̱ꞌe̱ꞌ Cristo sáꞌá ya̱ ñɨvɨ rá inka nación, ya̱ ntu kúvi ñɨvɨ Israel, ɨɨn nuún ni ta̱ꞌvi̱ꞌ ni̱ꞌi̱nꞌ ráa jín rá ñɨvɨ Israel, jee ɨɨn ni nnuvi ráa kuéntáꞌ ɨɨn yɨkɨkúñu, jee ɨɨn nuún ni ni̱ꞌi̱nꞌ ráa ya̱ nchi̱sóyuꞌú re̱ꞌ, jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús.

Filipenses 1:7

Na̱a̱ꞌ vá jiáni iniꞌ ni̱ꞌ suꞌva jie̱ꞌe̱ꞌ nta̱ká rán, chi ñúꞌún víꞌí iniꞌ ni̱ꞌ néꞌyá ni̱ꞌ ránoꞌó, chi íyó mániꞌ iniꞌ Ndiosíꞌ néꞌyá re̱ꞌ nta̱ká‑órán, ya̱ chíneí chituvi re̱ꞌ yó, sáva chíneí táꞌán nta̱ká rán jín ni̱ꞌ, sáá núꞌníꞌ ni̱ꞌ iniꞌ veka̱a, jín sáá náma ni̱ꞌ tu̱ꞌun va̱ꞌa Jesús, jín sáá sánáaꞌ ni̱ꞌ ya̱ na̱a̱ꞌ ví tu̱ꞌun vá.

Filipenses 2:1

Saájee, nu̱u̱nꞌ íyó neí iniꞌ‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, jee nu̱u̱nꞌ ñúnúunꞌ re̱ꞌ yó sáꞌá ya̱ núváꞌa iniꞌ‑ó, jee nu̱u̱nꞌ chíneí táꞌán Ta̱chi̱ꞌ Ííꞌ Ndiosíꞌ jín yó sáva koo ma̱ni̱ꞌ táꞌán‑ó ɨɨn inka‑ó, jee nu̱u̱nꞌ ñunkúún iniꞌ‑ó ɨɨn inka táꞌán‑ó jee nu̱u̱nꞌ kúnáꞌví iniꞌ‑ó ɨɨn inka táꞌán‑ó.

Filipenses 3:10

Suni nsu̱kuíta ni̱ꞌ nɨꞌɨ rá tiñu vá, sáva koo ma̱ni̱ꞌ ni̱ꞌ jín Cristo, sáva kuniꞌ ni̱ꞌ ya̱ sátíñú maá fuersáꞌ ííꞌ níso Ndiosíꞌ iniꞌ ni̱ꞌ. Fuersáꞌ vá ví ya̱ ña̱tíñú Ndiosíꞌ sáva nxi̱nátekuꞌ re̱ꞌ Cristo, jee nxi̱nákóo re̱ꞌ yɨkɨkúñu Cristo. Jee suni sáva kuniꞌ taꞌanꞌ ni̱ꞌ kunoꞌo ni̱ꞌ jie̱ꞌe̱ꞌ Cristo kuéntáꞌ nnoꞌo maáréꞌ jie̱ꞌe̱ꞌ‑ó, ne̱ kenta kuꞌun iniꞌ ni̱ꞌ kua̱ꞌ níyo maáréꞌ sáá ni̱ꞌi̱ꞌ re̱ꞌ.

Colosenses 1:13

Chi maá Ndiosíꞌ nna̱kani núne re̱ꞌ yó nsi̱káku re̱ꞌ yó xi̱ntíín kua̱chi‑ó jín xi̱ntíín Satanás, nu̱u̱nꞌ níyo kuéntáꞌ ñaꞌnu‑ó nu̱u̱nꞌ neenꞌ. Jee nna̱siáꞌa re̱ꞌ yó naꞌá Se̱ꞌya re̱ꞌ ya̱ ñúnúunꞌ re̱ꞌ, jee tátúníꞌ‑i nu̱u̱nꞌ‑ó.

1 Tesalonicenses 1:10

Jee nki̱vɨ rán nu̱u̱nꞌ re̱ꞌ sáva kunetu rán ya̱ kene Se̱ꞌya re̱ꞌ antivɨ́ jee niji‑i nu̱u̱nꞌ ñɨ̱vɨ́ yaꞌá. Se̱ꞌya Ndiosíꞌ ví ya̱ nxi̱nátekuꞌ re̱ꞌ nteñu rá níꞌiꞌ jee nxi̱nákóo Ndiosíꞌ ñunéꞌyúꞌ‑u. Jee maáa ví Jesús. Jee Jesús ví ya̱ sikáku re̱ꞌ yó sáva nxínóꞌo Ndiosíꞌ yó, ki̱vɨ̱ꞌ kiji re̱ꞌ xinóꞌo re̱ꞌ rá ñɨvɨ, chi kítɨ́ꞌ iniꞌ re̱ꞌ jie̱ꞌe̱ꞌ rá kua̱chi ráa.

1 Timoteo 6:2

Jee rá musúꞌ, ya̱ íyó i̱toꞌoꞌ ráa, ya̱ ínúꞌ iniꞌ rává Cristo, ntu̱ví íyó núun ka̱ꞌ sáꞌá ñáꞌnú ráa nu̱u̱nꞌ i̱toꞌoꞌ ráa, jie̱ꞌe̱ꞌ ya̱ ñaniꞌ ráa ví rává. Soo íyó saꞌá va̱ꞌa ráa ka̱ꞌ tiñu, chi i̱toꞌoꞌ ráa ya̱ ni̱ꞌi̱nꞌ tiñu váꞌa vá, kúvi ñɨvɨ ínúꞌ iniꞌ rává Cristo, jee Ndiosíꞌ jín rá musúꞌ ñúnúunꞌ ráa rává. Xinéꞌénꞌ nú jee xiníꞌvɨ́ꞌ nú iniꞌ ñɨvɨ tu̱ꞌun yaꞌá.

Hebreos 2:12

Chi nu̱u̱nꞌ Tutuꞌ Ííꞌ níso tu̱ꞌun nkachiꞌ re̱ꞌ nu̱u̱nꞌ Tátáꞌ re̱ꞌ: Kachitu̱ꞌún ni̱ꞌ jie̱ꞌe̱ꞌ nú nu̱u̱nꞌ rá ñaniꞌ ni̱ꞌ jín ku̱ꞌva ni̱ꞌ [ya̱ yɨ́ꞌɨ́ ráa nu̱u̱nꞌ nú], jee nteñu nu̱u̱nꞌ nútútú ráa kata ni̱ꞌ yaaꞌ ya̱ nákuetúꞌún ni̱ꞌ ya̱ kúñáꞌnú nú.

Hebreos 3:1

Jee saáva, ránoꞌó ñanitáꞌán, ya̱ nsa̱ꞌá sɨ́ɨ́n Ndiosíꞌ ránoꞌó sáva kɨꞌɨ rán nu̱u̱nꞌ re̱ꞌ, jín ya̱ jíꞌín rán nkana re̱ꞌ ránoꞌó ne̱ súkún nu̱u̱nꞌ nééꞌ re̱ꞌ, jee saáva íyó tɨɨn kuéntáꞌ va̱ꞌa rán jie̱ꞌe̱ꞌ [Cristo] Jesús ya̱ níso re̱ꞌ tiñu apóstol ya̱ nchu̱ichí Ndiosíꞌ ntaji re̱ꞌ Tu̱ꞌun Ndiosíꞌ nu̱u̱nꞌ‑ó, jee suni kúvi re̱ꞌ su̱tu̱ꞌ kúñáꞌnú nu̱u̱nꞌ‑ó, jie̱ꞌe̱ꞌ tu̱ꞌun re̱ꞌ ya̱ jiáꞌayuꞌú‑ó ya̱ kúneí iniꞌ‑ó re̱ꞌ.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

1 Pedro 5:1

Vitan jee nákutíñú ni̱ꞌin ni̱ꞌ nu̱u̱nꞌ rá te̱e kúñáꞌnú nu̱u̱nꞌ ránoꞌó ya̱ yɨ́ꞌɨ́ xi̱ntíín Cristo, chi nuꞌuꞌ jee suni te̱e kúñáꞌnú kúvi ni̱ꞌ jín ráa nu̱u̱nꞌ rá ñɨvɨ yɨ́ꞌɨ́ xi̱ntíín Cristo, jee kúvi ni̱ꞌ ɨɨn te̱e ya̱ jiáꞌa ni̱ꞌ ya̱ nááꞌ ya̱ ya niniꞌ jínúunꞌ ni̱ꞌ rá tu̱nóꞌó nnoꞌo Cristo. Jee suni ni̱ꞌi̱nꞌ ni̱ꞌ kuñáꞌnú ni̱ꞌ kuéntáꞌ maáréꞌ sáá nenta nijinꞌ re̱ꞌ jín tiñu níso re̱ꞌ.

2 Pedro 1:16

Chi ntu nníkɨ́nꞌ ránꞌ ntu ntɨ́ɨn kuéntáꞌ ránꞌ rá kuentúꞌ túꞌún máñáꞌ ya̱ nkene xi̱ni̱ꞌ ñɨvɨ sáá nsi̱kúkáꞌnú ránꞌ iniꞌ ránoꞌó jie̱ꞌe̱ꞌ ya̱ kenta I̱toꞌoꞌ‑ó Jesús ya̱ kúvi Cristo jín jie̱ꞌe̱ꞌ fuersáꞌ ííꞌ ni̱ꞌin níso re̱ꞌ, chisaꞌ niniꞌ jínúunꞌ ráníꞌ ya̱ viiꞌ kúñáꞌnú re̱ꞌ.

1 Juan 1:1

Táji ráníꞌ ya̱ naáꞌ nu̱u̱nꞌ ránú jie̱ꞌe̱ꞌ Cristo ya̱ íyó re̱ꞌ ne̱ sáá ntiáꞌan kiko̱o ñɨ̱vɨ́ yaꞌá, ya̱ nteso̱ꞌo ráníꞌ ya̱ káꞌánꞌ re̱ꞌ, jín ya̱ niniꞌ ránꞌ jín nchinúún ránꞌ yaꞌá, jín ya̱ nne̱ꞌyá noo ránꞌ re̱ꞌ, jín ya̱ ntɨɨn ránꞌ jín naꞌá ránꞌ. Jee suvire̱ꞌ vá kúvi Tu̱ꞌun Ndiosíꞌ ya̱ sáꞌá re̱ꞌ ya̱ kutekuꞌ‑ó nɨ́ɨ́nkání jín Ndiosíꞌ.

1 Juan 1:5

Yaꞌá ví tu̱ꞌun ya̱ nteso̱ꞌo ránꞌ ya̱ nxi̱néꞌénꞌ Jesús ránuꞌuꞌ, jee yaꞌá káchítu̱ꞌún ránꞌ nu̱u̱nꞌ ránoꞌó ya̱: Ndiosíꞌ ví ñuꞌunꞌ nu̱u̱nꞌ‑ó, chi na̱a̱ꞌ nasɨ́kuitɨꞌ re̱ꞌ, jee ntu̱ví íyó ni ɨɨn tiñu neenꞌ jín re̱ꞌ chi ntu̱ví íyó re̱ꞌ jín ni ɨɨn ya̱ niváꞌa.

1 Juan 1:7

Soo retú na̱a̱ꞌ jiáꞌnu‑ó kuéntáꞌ nu̱u̱nꞌ túúnꞌ ñuꞌunꞌ sánikua̱ꞌ íyó maáréꞌ nu̱u̱nꞌ túúnꞌ ñuꞌunꞌ ya̱ kúvi ya̱ na̱a̱ꞌ íyó maáréꞌ, saájee íyó ɨnuún‑ó jín ɨɨn inka táꞌán‑ó, jee nónoo‑ó nu̱u̱nꞌ re̱ꞌ chi ni̱ꞌi̱ꞌ maá Se̱ꞌya re̱ꞌ Jesús jee ñatɨ ni̱ñɨ̱ꞌ vá sáva nasánoo‑o yó nu̱u̱nꞌ nta̱ká kua̱chi‑ó.