Zaake 3:17 - Obamba Kiwoyeti (mdt) NT Portions

¹⁷ Ŋa ntsimi e yulu obaana oka ni tse tse. Omana yo na oduusu, yo oka angru kali, yo ekoso abuha, ntsimi na nkerihi e baari, ntsimi esa mvuuru obaha eku ma eve. Yo i pama reŋe ni, ntsimi ompiele kali.

Zaake 3:17 Iomraidhean Croise

Mbari e Like 21:15

Obila me anku empa be mbari bla ntsimi eli abuha ma ombangu i sa ekemi ni, bo aso se i buuna obisa yo ni.

Mbari e Like 6:36

Leka ave, mva e taara a be ali ove.»

Dzandza 11:24

Barnabase aki mvuuru ove, Oduduma Santi oma luula o nde, nde se aki na oyalihi. Baari kuna se ayalihi Nkumu.

Dzandza 9:36

O Zope eki na okaasi omo aki oluoni a Zezi, nkuumi e nde Tabita, ma le ngreke otsuolo nde o «Dorkase». Ma oduha ndi «seri». Dzandza e nde eki lesa la leve na leyamaŋa le anga owuha.

1 TIMOTE 5:21

Me eselehe ojisiha we o miisi a Ndziami bla a Krisi Zezi, na abaandzi a Ndziami ma ama suolo mbri, nyiima maami maa yemiŋi, we i ka ma lengulu le mvuuru ni, we se i pama reeŋe ni.

2 Timote 2:24

Odzandzi a Nkumu nkaa i toho bla abuha ni, nde nkaa oka o ntsa oduusu bla abuha, mvuuru abuuna oyisiha. Ove nde osi okiini o maami a baari ma woboho.

Tite 1:15

Maami aso ali tse tse, mo baari ma ali se tse tse. Ŋa mo baari ma ali ka tse tse ni, ma ama bisa oyalaha, kiila se omo o tse tse kali. Ŋa oyeri o bo bla etsimiŋi e bo ema biiya.

Tite 3:2

Bo i duha dzaa e mbi o mvuuru ni. Bo aki anga oduusu, bo aki baari ma ave mo alaha oduusu o bo o miisi a baari aso.

Zaake 1:17

Apuha a mvunu bla biibi ma ave eso ma wuaha yulu, mpili e Taara mvuuru asuumbi oyalala. Nde ali i kaala osuumbi ni, nde se i kalaha ompi odziiŋi ni.

Zaake 1:5

Ŋa mvuuru o mpaniŋi e be okaama ntsimi, nde opisi na Ndziami adze ompa nde yo. Obila Ndziami mvuuru ampaha baari aso nyengele, nde i mpa mvuuru apisa dzua mberi ni.

Zaake 2:13

Obila, Ndziami aka adze omono nkerihi o ntini e nde adze opama mvuuru aka sa leve na abuha ni. Ŋa leve le Ndziami leedze ovula opami.

Zaake 2:4

Be dzua ŋa ka ombayi lesiaha o mpaniŋi e be ni? Be ŋa ka be lemi wuana apami ma ali na etima ma ebi ni?

Zaake 3:15

Ntsimi dzia ewuaha ka yulu ni. Dzia ntsimi e yula ntsie, ntsimi e mvuuru o muo, ntsimi edidima ma ebi!

Zaake 4:8

Letiina tuha na Ndziami nde se otsiina tuha na be. Letsuka dziala e be, asi ma ambiini. Be letsuka etima e be, be baari leli angulu muele!