Zaake 2:5 - Obamba Kiwoyeti (mdt) NT Portions

⁵ Leyuha baana ma nguhu a me a dia: Ndziami ka mvuuru asuoli anga owuha o yula ntsie mo osa bo akiriha anga osolo ntsa oyalihi bla anga wanda Onkani, e nde alehi ndahi na baari ma dia nde ni?

Zaake 2:5 Iomraidhean Croise

Mbari e Like 12:21

Zezi oluusi ndi: «Mono maami ma aya o mvuuru asaha osolo a nde anku, nde osolo o miisi a Ndziami kali.»

Mbari e Like 12:32

«Be leka monoho vuoho ni, dziimi le ekiehe. Obila taara a be amono ove ma ompa be eve ma Onkani o nde.

Mbari e Like 16:22

Nga owuha okui, abaandzi abiri nde mpili Abraame. Nga osolo se okui, adzihi nde.

Mbari e Like 16:25

Ŋa Abraame okaali ndi: “Muana a me yibiha eve e we abahi ntsa lebihi le we, ŋa Lazaare abahi ndoho. Ŋa paraabu nde ma akooso, ŋa we amono ampasi.

Mbari e Like 22:29

Ŋa ma osuumbu a Taara a me ama mpa me Onkani, me se empa be Onkani vua.

Mbari e Like 6:20

Zezi okeesi aluoni a nde, na bo ndi: «Osuere oka na be leli ntsa owuha, obila Onkani o Ndziami oli bla be.»

Dzandza 7:2

Etiene okaali ndi: «Baana ma anguhu a me bla ataara a me, leyuha me. Ndziami lekuma amalaha nyuru e nde na Abraame a taara a saabe, ntini ekihi nde o Mosopotami. Nde aki okini odze na aka Saran ni.

1 TIMOTE 6:18

Duha bo asa leve, bo avuha ma esiima e ma eve, bo aka na eku ma eve, bo ampa nyengele, bo aka na kabi o mpaniŋi abuha.

2 Timote 4:18

Nkumu adze ovusuha me o maami ma abi aso, nde se adze ovusaha me ma onyuniŋa ntsa Onkani o nde o yulu. Lekuma leka na nde ma antini a mbumbu! Amene.

2 Timote 4:8

Ma obaana o tsuhu lobi ami ntsuusa me ongundza opami o Nkumu adze ompa me o tsuhu opami. Nde ali opami a tele, ŋa ka me otu ni, na o baari ma adze odia edziihi e nde.

Zaake 1:12

Ove oka na mvuuru asa nkomoŋo o ntsa ampasi, obila yuhu amimiha nde, nde adze obaha ongundza a lebihi le mbumbu, o Nkumu alehi ndahi na baari madia nde.

Zaake 1:16

Lekaa tamaŋa ni baana ma anguhu a me a dia.

Zaake 1:19

Baana ma nguhu a me a dia, be leyaa mbri ove mvuuru na mvuuru oti tsui oyuhi, kaa siaha asisari ma owobo ni, kaa biriha nkala se asisari ni.

Zaake 1:9

Muana nguhu ali owuha ove nde osueri, obila Ndziami akuusa nde.