Tite 2:11 - Obamba Kiwoyeti (mdt) NT Portions

¹¹ Ŋa mpolo e Ndziami evusuha, emi ya o baari aso.

Tite 2:11 Iomraidhean Croise

Mbari e Like 24:47

Ma adze otooso mbari o nkuumi e nde, ma esi eso. Baari akaala eku, nde oboloho ambiini a bo, ma obaana o Zerizaleme.

Mbari e Like 3:6

Ŋa baari aso amono ndi Ndziami asaha ovusaha bo.»

Dzandza 11:23

Barnabase oto, omoni mpolo e Ndziami ama asa, nde osueri. Nde oyaasi bo aso ma oka tele bla Nkumu ntsa etima e bo.

Dzandza 13:43

Bo amana okuha dzua, Azife kuna bla baari ma ali ka Azife ni, ma nyiimiŋa angri a Moyize, aluoni pole bla Barnabase. Pole bla Barnabase awobi bla bo, ayaasi bo ma oka yemiŋi o mpolo e Ndziami.

Dzandza 13:47

Kia obila o Nkumu ama duha na saabe ndi: “Me ema tsuusa we, we oyalala o baari, mo vua we adze otooso ovusihi tii mpili esyelehe ntsie!”»

Dzandza 17:30

Ŋa ndziami aya i keese antini a baari ma aki i yaa maami maa ni. Ŋa nde aduha na baari ama esi eso, akaala eku e bo.

Dzandza 20:24

O me, lebihi le me anku mvunu kali. Me esaha osa dzandza e me tii ngo ntsuo. Me esa maami a Zezi a Nkumu aduhi me ma osa aso: letooso le Ntsia e mve e mpolo e Ndziami.

1 TIMOTE 1:14

Nkumu a saabe ama selehe ompa me mpolo e nde. Nde oma mpa me oyalihi bla dia me ewa ma ondihi o bla Krisi zezi.

1 TIMOTE 2:4

Nde na ndzali ndi baari aso avuuha, bo se abuuna oyaa asisiele.

2 Timote 1:10

Nde oma laha saabe mpolo dzia lobi ma edziihi e Zezi Krisi ovusihi. Nde oma buuna mpari leku, nde se oma sa okieme lebihi le mbumbu obila mo Ntsia e Mve.

2 Timote 4:17

Ŋa Nkumu o yamiŋi me, nde ompi me mpari. Mo bu ndi ongula me aselehe otooso mbari e Ndziami, baari ma ali ka Azife ni aso ayuha yo. Ŋa ama vusaha me se mo onyua ongungu.