Dzandza 8:1 - Obamba Kiwoyeti (mdt) NT Portions

¹ Ŋa Sole aki o ŋa, nde se oyalihi leku le Etiene. O tsuhu dzi dzia, aya ma baana osuesehe okuha a Zerizaleme, esuesihi dzo mini. Ayalihi a Zezi atsalihi ntsa Zide na Samari, ongula antuma atu ma siili.

Dzandza 8:1 Iomraidhean Croise

Dzandza 1:8

Ŋa be ledze obasaha mpari o ntini Oduduma Santi aya o be, be ledze oka baari ma siisa enyua e me o Zerizaleme, na o ntsa Zide eso, na Samari tii ngo o yula ntsie eso.»

Dzandza 13:1

Ntsa okuha Antiose, eki na awobi a mbari e Ndziami bla abalaha ma ayisiha mbari e Ndziami. Eki na Barnabase, na Simion ma atsuolihi mo pi, na Lisise osi Sirene bla Manaye akuli bla Erode Titrake ŋa na Sole.

Dzandza 13:36

Davide omana odzandza ma a nde antini ma osuumbu a Ndziami adii, nde okui. Asiihi nde bla ankaha a nde, emana nde oboli.

Dzandza 2:47

Bo ma kuusa Ndziami, baari aso se aki na ndzala bo. Nkumu se aluusa baari a nde avusihi etsuhu eso ntsa okuha a bo.

Dzandza 22:20

Ŋa na o ntini ma bumi Etiene mvuuru asiisihi enyua e ma maami a we, me se eki o ŋa. Me ekihi dzaa mo bla baari ma bumiŋi nde, me se ekielehi amfa a bo.”

Dzandza 26:10

Maa a me esi o Zerizaleme. Me elehi baari ma ali epeende kuna ongeneŋe. Ankumu ma asi ma avuoŋi, baari ma tumi me osa vua. Ntini ma duuhi ndi abuma bo me yalihi.

Dzandza 5:18

Bo akuari antuma, alehi bo ongeneŋe o miisi a baari aso.

Dzandza 5:20

«Ledziehe be leka ntsa ndzo e Ndziami, be letooso baari ntsia e mbari lebihi.»

Dzandza 5:33

Nkala esi bo o mbari dzia. Bo asahi osuumbu obuma antuma.

Dzandza 5:40

Bo atsuoli antuma, abeeri bo ekatsi. Bo avurihi aduhi na bo ndi bo i ma vuriha otsuolo nkuumi e Zezi ni, emana bo anyasihi bo.

Dzandza 7:38

Ntini e baari ma kusihi abuha o ntsa kayi, Moyize mvuuru aki o mpaniŋi ataara a saabe bla obaandzi ŋa ewobihi na nde, o yula okuri o Sinayi. Nde mvuuru abasihi mbari lebihi ma oyisiha saabe.

Dzandza 7:54

Ankumu ma okuha ayuha mbari dzia abie nkala, aya ma adza mii obila o mbari Etiene.

Dzandza 7:58

Bo atsiniŋi nde ma otusuha nde ntsa onguundu kia, bo aya matuna nde akele. Baari ma baniŋi nde, atsuusi amfa a bo o ntsina nyiili ma ondzambu a balaha ma tsuoloho o Sole.

Dzandza 8:14

Antuma ma aki o Zerizaleme ayuha ndi asi Samari ami yalaha mbari e Ndziami, bo atumi Piere bla Zan.

Dzandza 8:2

Baari ma nyimaŋa Ndziami adziihi Etiene. Bo alili nde kuna.

Dzandza 8:4

Baari ma tsalihi baa, ayirihi na otooso Ntsia e Mve ntsa osi.

Dzandza 8:5

Filipe oto onguundu o Samari, oya atooso Krisi.

Dzandza 9:31

Okuha oya ntsa oduusu o Zide eso, na Ngalili bla Samari. Okuha aki na mpari, anyiima Nkumu, nde akula o mpari Oduduma Santi.