Dzandza 6:9 - Obamba Kiwoyeti (mdt) NT Portions

⁹ Baari ake a ma andzo ma vuonoŋo ma Azife, ma tsuoloho o Ndzo e baari ma ama vuuha bla asi Sirene, na asi Aleksandri, na baari a Silisi ŋa ma Asi, aya mawobo bla Etiene.

Dzandza 6:9 Iomraidhean Croise

Mbari e Like 21:12

Ŋa levusu le maami ma aso, ma kuara be, be lemono ampasi. Ma adze na be ntsa andzo ma avuonoho ma opama be. Omana alehe be ma ongeneŋe. Ma bira be o miisi ma ankani na apatima, obila o me.

Dzandza 11:20

Okoroho maamo o mpaniŋi e bo asi Sipre bla Sirene ma aya Antiose. Bo se atoosi Ntsia e mve e Zezi a Nkumu na Angreke se.

Dzandza 13:1

Ntsa okuha Antiose, eki na awobi a mbari e Ndziami bla abalaha ma ayisiha mbari e Ndziami. Eki na Barnabase, na Simion ma atsuolihi mo pi, na Lisise osi Sirene bla Manaye akuli bla Erode Titrake ŋa na Sole.

Dzandza 13:45

Azife amono lemvuuru lia, mfuniŋa muo esi bo. Bo akimaŋi maami a Pole aduhi, aya ma tuha nde.

Dzandza 15:23

Ampi bo osaangumu kia ndi: «Antuma bla akuuru ma okuha ma awooso baana ma anguhu ma ali ka Azife ni, ma kaha ma Antiose a Siri na Silisi.

Dzandza 15:41

Pole otini Siri bla Silisi, ma odze na ompa ekuha mpari.

Dzandza 16:6

Oduduma Santi okaniŋi Pole bla Silase ma otooso mbari e Ndziami ntsa Asi. Ŋa bo avuuli Frizi bla Ngalasi.

Dzandza 18:24

Ozife omo a nkuumi Apolose ma kuli ŋa Aleksandri oyi Efeze. Nde awobihi yemiŋi, nde se aki oyahi Esaangumu e Ndziami.

Dzandza 19:10

Dzaa dzia ebihi esibi dziele. Mo bu ndi baari aso ma ali o ngaala Asi na Azife bla Angreke, ayuha mbari e Nkumu.

Dzandza 19:26

Ŋa be lema mono, be se lema yuha ma wobo o dzaa dzia. Pole yu aduha ndi: andziami a baari ma tuluha ka andziami ni. Nde oma sa baari kuna oyalaha Nkumu. Ka ŋa Efeze kuuni ntu ni, ŋa na o ntsa ngaala Asi eso.

Dzandza 21:27

Etsuhu e ntsaami e tsinda ma tsukaha nyuru eki eya ma ewa. Azife a ngaala Asi amoni Pole o ntsa ndzo e Ndziami. Bo atsieesi lemvuuru leso, bo akuari Pole.

Dzandza 21:39

Pole okaali ndi: «Me Ozife osi onguundu o Tarse e Silisi. Me osi onguundu enini, kolo kolo e we mpa me lengulu ma owobo na baari ba.»

Dzandza 22:19

Me ekaali mbri: “E Nkumu, bo adziabi yemiŋi ndi me mvuuru eyirihi ma andzo ma avuonoŋo na okuara baari ma ama yalaha we. Ma lebeere le bo, na lelehe le bo ma ongeneŋe.

Dzandza 22:3

«Me Ozife ma akuli o Tarse e Silisi. Ŋa akuusi me ŋa onguundu O Zerizaleme. Ngamaliele aki mvuuru ayisihi me angri ma ankaha a saabe yemiŋi. Me eki odzandzi a Ndziami onini mva eli be aso se o tsuhu e lobi.

Dzandza 23:34

Lepatima leliiri osaangumu, opisi Pole ndi: «We osi dzini ngaala?» Pole okaali nde ndi: «Me osi Silisi.»

Dzandza 24:18

Dzia biri e bo ma basihi me o ntsa ndzo e Ndziami. Me eki esa tsinda ma tsukaha nyuru. Lemvuuru leka aka bla me ni, okrukusu se aki onyaŋa.

Dzandza 26:11

Me eyirihi ntsa andzo ma vuonoŋo aso. Me esuesihi bo. Me empi bo okura ma otuha Zezi a Nkumu. Me eki ema bie nkala yo mini na bo. Me etsuuri bo tii ntsa enguundu ma andzia.»

Dzandza 6:10

Ŋa bo aki i buuna okemeŋe ntsimi bla ŋa Oduduma a nde ŋa wobihi bla nde ni.