Dzandza 6:1 - Obamba Kiwoyeti (mdt) NT Portions

¹ Me etsuhu bia, aluoni aselihi okuna, baari ma wobiho dzuuhi le asi Ngreke aya ma sue mo baari ma wobiho Ebre. Obila asi Ebre aka mpaha akuili ma asi Ngreke biila yemiŋi etsuhu eso, o ntini e bo ma dzandzihi ma okabaha biila ni.

Dzandza 6:1 Iomraidhean Croise

Dzandza 11:20

Okoroho maamo o mpaniŋi e bo asi Sipre bla Sirene ma aya Antiose. Bo se atoosi Ntsia e mve e Zezi a Nkumu na Angreke se.

Dzandza 11:26

Nde omoni nde kua, oyi na nde Antiose. Bo aso avuele asi osibi etiina o ntsa okuha dzua. Bo ayisihi baari kuna. Dzua odzua antsomi ma baani otsuolo aluoni a Zezi ma akritie, ŋa Antiose.

Dzandza 11:29

Aluoni ayeesi ndi mvuuru na mvuuru ompa e nde abuuna obaha. Bo atuma, ma oyamaŋa baari ma ama baana ma anguhu o Zide.

Dzandza 2:41

Baari ma yalihi mbari e Piere ayahi ateeme. Bo aki ma buuna oto enkama e baari esiami, ma ayi na basaha baari ma abaani oyalaha Ndziami.

Dzandza 2:45

Bo atehi apaangu na biibi ekima ma eki na bo, emana bo akabihi adoro o mpanihi e bo, lemihi na kaama e mvuuru na mvuuru.

Dzandza 2:47

Bo ma kuusa Ndziami, baari aso se aki na ndzala bo. Nkumu se aluusa baari a nde avusihi etsuhu eso ntsa okuha a bo.

Dzandza 4:35

Bo atsuusi o ntsina nyiili ma antuma, emana bo akabihi mvuuru na mvuuru obahi e nde buhu aki na kaama o yo.

Dzandza 4:4

O ntsa baari ma ayuhi mbari e Ndziami o mpaniŋi e bo kuna ayalighi Ndziami, bo aki ma ato enkama e baari kuumi.

Dzandza 5:14

Lemvuuru lekuni, ŋa akaasi na abalaha ayalihi Nkumu.

Dzandza 5:28

Nde na bo ndi: «Bisi mba leki lema liha be oyisiha o nkuumi e balaha dzia. Ŋa be lemi luusa Zerizaleme ma eyisihi e be. Ŋa be, be lesaha olehe leku le nde o yula bisi!»

Dzandza 6:2

Antuma a kuumi na vuele akusihi aluoni maamo aso, na bo ndi: «Bisi i buuna osa anyila otooso mbari e Ndziami ma osa dzandza le ma okabaha biila ni.

Dzandza 6:7

Mbari e Ndziami eyeni ntsa onguundu, na otali aluoni okuni o Zerizaleme. Asi ma avuoŋi kuna anyiimi, bo se ayalihi Zezi.

Dzandza 9:29

Nde awobihi na Azife ma wobiho ngreke. Ŋa bo asahi ni osuumbu ma obuma nde.

Dzandza 9:39

Piere otemiŋi oyeni bla bo asisari. Nde oto, abiri nde ntsa otini o ndzo o ŋa yulu. Akuuli aso ayi na olila na e nde. Bo alahi nde angoyi bla amfa a Dorkase atuuŋi o ntini e nde aki okini bla bo.

Dzandza 9:41

Piere okuari nde o kuoho, osaari nde. Nde otsuoli epeende bla akuuli nde olahi bo ndi Tabita ayu, oli muo.

1 TIMOTE 5:3

Yamaha akaasi ma akuuli bla onyiimi, akuuli a dzaa dzaa.

1 TIMOTE 5:9

Okaasi ma teende nkuumi ntsa odzu akaasi ma ali akuuli, o ma kaha ni okaasi ami to tuha na ekuumi me esibi esiami. Nde se aki olumi omo otu.

Zaake 1:27

Lemono osuumbu oka tse tse bla yemiŋi ma oluono Ndziami a Taara: lekie le antsiayi bla akuuli ma ali ntsa ampasi. Lekiele le nyuru tse tse o maami ma abi a yula ntsie aso.

Zaake 4:5

Si kali be letsimiŋa mbri Osaangumu o Ndziami eduuha ndi: «Ndziami na yala mo Oduduma a nde ama mpa saabe.» Kia kalaa kali?

Zaake 5:9

Baana ma anguhu leka sueŋe o mpaniŋi e be ni. Ma odima Ndziami oma pama be, mvuuru apamaŋa oli ma onyua a ndzo.