Dzandza 3:26 - Obamba Kiwoyeti (mdt) NT Portions

²⁶ Ndziami atumi odzandzi a nde levusu eki o be, ma ompa be andosoho, mo bu mvuuru na mvuuru okaala eku e nde.»

Dzandza 3:26 Iomraidhean Croise

Mbari e Like 24:47

Ma adze otooso mbari o nkuumi e nde, ma esi eso. Baari akaala eku, nde oboloho ambiini a bo, ma obaana o Zerizaleme.

Dzandza 1:8

Ŋa be ledze obasaha mpari o ntini Oduduma Santi aya o be, be ledze oka baari ma siisa enyua e me o Zerizaleme, na o ntsa Zide eso, na Samari tii ngo o yula ntsie eso.»

Dzandza 13:26

«Be baana ma anguhu a me, si be lema aka ombisa ŋa Abraame, si kali baari ma nyiimaŋa Ndziami o mpaniŋi e be, Ndziami oma tuma mbari evusiha dzi o saabe.

Dzandza 2:24

Ŋa Ndziami onyuusi nde o ntsa nkala leku. Obila leku leki mpari ma okiele nde kali.

Dzandza 2:32

Zezi yu, Ndziami ama nyuusa nde o ntsa leku. Saabe aso baari lesiisa enyua.

Dzandza 26:20

Ŋa me ebaani otooso na asi Damase, bla Zerizaleme na asi Zide bla baari ma ali ka Azife ni mbri: “Lekaala eku e be, be leyalaha Ndziami. Lesa maami ma ave ma olaha mbri be lemi kaala eku.”

Dzandza 3:13

Ndziami Abraame bla Izaake na Zakobe, Ndziami ankaaha a saabe, omakuusa lekuma lo odzandzi a nde Zezi. Ŋa be, be lema mpa, lema bisa nde o miisi a Pilaate. Ŋa mo Pilaate, nde aki amaduha ndi anyasaha nde.

Dzandza 3:15

Be lemabuma nkumu lebihi, ŋa Ndziami omanyuusa nde o mpaniŋi akui, bisi baari lesiisa enyua e mo nde.

Dzandza 3:20

O ŋa Nkumu osa be lewuuma, ma antini a nde adze otuma be osuoli Zezi, a Krisi.

Dzandza 3:22

Moyize oduhi ndi: “Ndziami a Nkumu asuolo o mpaniŋi e be owobi a mbari e Ndziami a mva me, be le edze oyuha nde mo maami a nde aduha be aso.

Dzandza 3:25

Be baari leli baana ma awobi a mbari e Ndziami, be se baana ma esibi. Esibi e Ndziami alabi o mpaniŋi e nde bla ankaaha a be, o ntini e nde aduhi na Abraame ndi: ankuono a yula ntsie aso ma baha andosoho o ngula baana a nde.”