Dzandza 3:19 - Obamba Kiwoyeti (mdt) NT Portions

¹⁹ Lekaala eku e be, be leyalaha Ndziami, ŋa Ndziami odiisa ambiini a be.

Dzandza 3:19 Iomraidhean Croise

Mbari e Like 1:16

Nde adze osa ndi baana a Isayele avuruha na e Ndziami a Nkumu a bo.

Mbari e Like 22:57

Ŋa Piere otuni, na nde ndi: «Kali me i yaa nde ni.»

Dzandza 1:6

Bo ama kusaha abuha, ŋa Zezi se. Bo apisi nde ndi: «E Nkumu dzi ntini e we avuura Onkani o Isayele?»

Dzandza 11:18

Bo ayuha mbari dzia, aya pi. Bo na nde ndi: «Lekuma leka na Ndziami! Ee dzaa dzaa, baari ma ali ka Azife ni ma buuna okaala lebihi le bo. Bo se ma anyuniŋa ntsa lebihi. Ndziami mvuuru ampa bo lengulu lia.»

Dzandza 11:21

Mpari e Nkumu eki bla bo, kia obila o baari kuna ma yalihi, bo se akalihi mpili e Nkumu.

Dzandza 15:3

Ŋa okuha Antiose ompi bo biibi e bo ma aki na kaama o dzo, ma odze na dzo opiinga. Bo avuuli Finisi bla Samari. Bo aya ma aduha osuumbu a baari ma ali ka Azife ni ma yalihi Nkumu. Ŋa baana ma anguhu aso aya o ntsa osuere bo mini.

Dzandza 17:26

O ngula mvuuru o muo omo otu, nde owaangi baari aso, mo bu ndi bo aka o yula ntsie eso. Nde ayeesi antini ma esibi, bla antini ma ebari e ntsie e bo ma aka o dzo bia mo bo.

Dzandza 2:38

Piere okaali na bo ndi: «Lekaala eku, ŋa be mvuuru na mvuuru oyaha ateeme, o nkuumi e Zezi Krisi. Mo bu ndi aboloho ambiini a nde, ŋa be se lebaha puha Oduduma Santi.

Dzandza 28:27

Obila baari ba ndzala oyuha kali. Bo ama diba atsui a bo, bo se ama diba miisi a bo. Bo aki ndzala omono o miisi a bo anku kali. Bo se aki dzala oyuha ma atsui a bo anku kali, bo ndzala oyuha bla otima a bo kali. Bo aki ndzala okalaha na e me kali. Kia obila o me eka buuna osalaha bo ni.”»

Dzandza 3:20

O ŋa Nkumu osa be lewuuma, ma antini a nde adze otuma be osuoli Zezi, a Krisi.

Dzandza 3:21

Ŋa ma antini ma, ove nde osa ka o yulu, tii ngo o ntini ma kaala maami aso, mva o nde atoosi ma enyua ma awobi a mbari e Ndziami a kala ma ali epeende.

2 Timote 2:25

Nde owobo na baari ma ama bele nde bla oduusu oso. Leke Ndziami adze ompa bo lengulu ma okaala eku, bo ayaa asisiele.