Dzandza 27:1 - Obamba Kiwoyeti (mdt) NT Portions

¹ Ntini ma kuri ndi bisi ledze Itali, ampi Pole bla engeneŋe eke na nkumu aworo a Rome a nkumu onkama 100 aworo ma tsuolihi o Zilise. Nde oli ma odzu aworo ma «dzandziha mo Sezaare».

Dzandza 27:1 Iomraidhean Croise

Mbari e Like 23:47

Nkumu aworo ma ekuumi kuumi ama osi o Rome, omoni maami ma yirihi, okuusi lekuma le Ndziami oya aduha ndi: «Dzaa dzaa balaha dzi eki opeende!»

Mbari e Like 7:2

Ntsa onguundu kia, eki na nkumu aworo ekuumi kuumi. Odzandzi a nde aki na ngaa e nkala. Nkumu aki na ndzala nde kuna.

Dzandza 10:1

O Sezare eki na balaha mo nkuumi e nde Korneye. Nde aki nkumu onkama aworo ma tsuoloho ma «Odzu a Itali.»

Dzandza 10:22

Bo akaali ndi: «Korneye mvuuru atumi bisi. Nde nkumu onkama aworo, nde mvuuru a tele nde se anyiima Ndziami. Ŋa Azife aso ma nyiima nde. Obaandzi opeende omo oma wobo na Korneye ndi tsuolo Piere oya ndzo e we, nde oyuha maami a we aduha nde.»

Dzandza 16:10

O ŋiŋa emana luoro e Pole, bisi lesahi odze Maseduane. Bisi leyaa mbri Ndziami atsuolo bisi ma atooso Ntsia e Mve kua.

Dzandza 18:2

Nde omoni Ozife ma tsuolihi ma Akilase, ma kuli o ngaala e Pon. Nde aki okini ma owa osi o Itali, bla okari a nde Prisile. Ŋa nkumu esi ma tsuolihi o Klode, aki omi tuma otsuura Azife aso o Rome. Kia obila o Pole ayeni mpili Akilase bla Prisile.

Dzandza 19:21

Emana maami maa, Pole oyeesi bla Oduduma Santi ma ovuula Maseduane bla Akayi, ma odze na Zerizaleme. Nde oduhi ndi: «Me omana kua, ove me se yeni Rome.»

Dzandza 21:32

O ntsi na ntsi ŋa nde oyahi aworo bla ankumu ma aworo, odumi ma antsiini mpili lemvuuru. Baari amono aworo bla ankumu ma aworo, bo anyili oma beere Pole.

Dzandza 22:26

Nkumu aworo dzua oyuha vua, oyeni amono nkumu avuli nde ndi: «We oma asaha osa? Balaha dzi osi Rome!»

Dzandza 23:11

Lempiibi lo odzuele, Nkumu olahi nyuru na Pole na nde ndi: «Yaasa nyuru! We oma siisa enyua o maami a me o Zerizaleme kuuni, ove we oma siisa enyua se o Rome.»

Dzandza 23:17

Ŋa Pole otsuoli nkumu aworo omo, na nde ndi: «Bira ondzambu a balaha yu mpili e nkumu aworo onini, nde ŋa dzaa ma oduha nde.»

Dzandza 24:23

Nde oduhi na nkumu aworo ma okiele nde ma ongeneŋe, okoroho bo i kura nde endi ni. Bo se i kanaŋa andihi a nde ma oya ŋa ayamaŋa nde ni.

Dzandza 25:12

Festise omana owobo na ankumu a nde, oduhi na Pole ndi: «We atsuolo nkani Sezaare ŋa, we adze okiriha o miisi a nde.»

Dzandza 25:25

Ŋa me emono mbri nde aka asa dzaa ma abuma nde o yo ni. Ŋa nde atsuolo nkani Sezaare, kia obila o me etumi nde na e Sezaare.

Dzandza 27:11

Ŋa nkumu aworo a Rome olehi lila ma oduhi mbuungu bla onga mbuungu, nde obengili mbari e Pole. Nde olehi tari o nkumu aworo bla onga mbuungu.

Dzandza 27:43

Ŋa nkumu aworo a Rome, aki na ndzala ovusiha Pole. Nde olihi aworo ma osa dzaa e bo ma ayeesi dzia. Nde otumi baari ma adziabi oyoho ova ma andza levusu, ma odze tii ntsie.

Dzandza 27:6

O ŋa oworo osi Rome obasihi mbuungu Aleksandri, eyeniŋi ŋa Itali. Nde olehi bisi o ntsa mbuungu dzia.

Dzandza 28:1

Bisi levuuha, bisi leyuhi ndi ndubu dzia nkuumi Malte.

Dzandza 28:16

Bisi leto Rome, alehi Pole ma e nde ndzo. Bla ŋa oworo akielihi nde.