Dzandza 26:22 - Obamba Kiwoyeti (mdt) NT Portions

²² Ŋa tii o lobi, Ndziami ama yamaŋa me. Me eselehe osiisa enyua o maami a nde o mua baari aso, na enkere na akuuru. Awobi a mbari e Ndziami bla Moyize aki ama wobo o maami ma adze oya. Ŋa me eka ma duha dzaa nkima ni.

Dzandza 26:22 Iomraidhean Croise

Mbari e Like 16:28

Obila me na barihi ataani. Nde oma dziese bo, bo se i ma ya o biri ampasi dzi ni.”

Mbari e Like 24:27

Ŋa Zezi obaani oduha bo maami ma wobihi o nde ntsa Esaangumu e Ndziami eso. Ma obaana ma esaangumu e Moyize, tii ngo esaangumu ma awobi a mbari e Ndziami eso.

Mbari e Like 24:44

Emana nde na bo ndi: «Lemono maami a me ewobihi ntini eme eki ekini bla be. Maami ma ama teende o me ntsa angri a Moyize, na Awobi a mbari e Ndziami bla a Soome, ove amoni mo.»

Mbari e Like 24:46

Ŋa nde na bo ndi: «Ama teende ndi, Krisi ove omoni ambaba, omana o tsuhu otari nde onyusihi ntsa akui.

Dzandza 10:43

Awobi a Mbari e Ndziami aso aduhi o nde ndi, mpini mvuuru alehe oyalihi o nkuumi e Zezi, abolihi ambiini a nde.»

Dzandza 13:29

Bo amana osa maami ma teendi ntsa esaangumu o yula Zezi, bo atsiesi nde ma lembandzi alehi o ntsa muuma.

Dzandza 24:14

Ŋa me ebuuna oduha o miisi a we mbri: me edzandza o Ndziami ankaha a saabe, na eluoniŋi e ndzila e Nkumu. Mo bo, ndzila dzia ndzila e mbi. Ŋa me eyalaha ma ama teende eso ntsa esaangumu ma angri bla ma awobi a mbari e Ndziami.

Dzandza 26:17

Me edze ovusiha we, me se ekiele we o mua Azife na baari ma ali ka Azife ni.

Dzandza 26:6

Ŋa bo ma pama me lobi ŋa, obila me ŋa lila o ndahi e Ndziami alehi a taara a bisi.

Dzandza 28:23

Bo asuoli tsuhu ma ovuniŋa bla Pole. Tsuhu dzia bo ayi akuna kuna na amono Pole o ndzo e nde. Ma obaana entsiere tii eki kolo, Pole owobo na bo, atooso bo Onkani o Ndziami. Nde awobo bo o Zezi, nde se asa ndi bo ayalaha nde. Nde aliira angri a Moyize bla esaangumu ma awobi a mbari e Ndziami.

2 Timote 3:11

Ntsa osuesihi, na ampasi a me emoni ŋa Antiose, ŋa Ikoniome, bla Listre. Asuesihi me kuna, ŋa Nkumu ovusihi me ntsa mo aso!