Dzandza 26:18 - Obamba Kiwoyeti (mdt) NT Portions

¹⁸ Ŋa we onaana bo miisi, bo atsuuha ntsa lempiibi bo aya na avuriha ma oyalala. Bo ma aka ma ka o ntsina onkumu o Sata ni. Ŋa bo ma aya na vuriha na e Ndziami mo bu ndi aboloho ambiini a bo. Bo se abaha o bo obari o wanda bla baari ma ali epeende o bila ma oyalihi o bo o ma me.”»

Dzandza 26:18 Iomraidhean Croise

Mbari e Like 1:77

Ma oduha se na baari a nde ndi, nde adze ovusaha bo, na leboloho la ambiini a bo.

Mbari e Like 1:79

ma olaha baari ma ali ntsa lempiibi na odziiŋi a leku, oyalala, ma obira saabe o ndzila oduusu.»

Mbari e Like 2:32

Nde oyalala edze olaha we na baari a yulu a ntsie. Nde adze oka lekuma le baari a we a Isayele.»

Mbari e Like 24:45

Emana nde onaani oyeri o bo ma oyuha maami ma ama teende ntsa Esaangumu e Ndziami.

Mbari e Like 24:47

Ma adze otooso mbari o nkuumi e nde, ma esi eso. Baari akaala eku, nde oboloho ambiini a bo, ma obaana o Zerizaleme.

Mbari e Like 4:18

«Oduduma a Nkumu oli o me. Nde ama suolo me, ma otooso Ntsia e Mve na baari ma ali ntsa owuha. Nde atuma me ma ovusiha baari ma ali ntsa engeneŋe, ma onaana miisi a baari ma ali i mono ni, ma ovusiha baari ma ali ntsa ampasi,

Dzandza 10:43

Awobi a Mbari e Ndziami aso aduhi o nde ndi, mpini mvuuru alehe oyalihi o nkuumi e Zezi, abolihi ambiini a nde.»

Dzandza 13:47

Kia obila o Nkumu ama duha na saabe ndi: “Me ema tsuusa we, we oyalala o baari, mo vua we adze otooso ovusihi tii mpili esyelehe ntsie!”»

Dzandza 15:9

Ndziami aka mpamaŋa reeŋe mpaniŋi e bo bla saabe ni. Nde oma tsuka etima e bo, obila bo ama yalaha.

Dzandza 2:38

Piere okaali na bo ndi: «Lekaala eku, ŋa be mvuuru na mvuuru oyaha ateeme, o nkuumi e Zezi Krisi. Mo bu ndi aboloho ambiini a nde, ŋa be se lebaha puha Oduduma Santi.

Dzandza 20:21

Me emi tsuolo Azife bla baari ma ali ka Azife ni, ma oyalaha Ndziami, na ma oyalaha Zezi a Nkumu.

Dzandza 20:32

Ŋa me ema mpa be ŋa na Ndziami bla mpolo e mbari e nde. Mbari e nde eli na onkumu ma ompa oyalihi o be mpari. O ngula yo se, Ndziami ampa baari a nde ma ali epeende wanda.

Dzandza 26:19

«O ŋa nkani Agripa, me eka bisa maami a me emoni ma wi yulu ni.

Dzandza 26:23

Me eduha eso ni mbri: Krisi omoni ambaba, nde mvuuru anyusihi ntsomi ntsa leku. Ove nde otoosi oyalala na Azife bla ŋa baari ma ali ka Azife ni.»

Dzandza 3:19

Lekaala eku e be, be leyalaha Ndziami, ŋa Ndziami odiisa ambiini a be.

Dzandza 5:31

Ndziami amakuusa nde, amatsuusa nde o kuoho o nde olumi. Zezi Nkumu, nde se ovusihi akaala eku e baari a Isayele, nde se oboloho ambiini a bo.

2 Timote 2:26

Bo aya na avuriha o bo anku, atsuuha ntsa okia o Dzabri aki ama kuara bo, bo ama kiriha ayiha ma ediiŋi e nde.

Zaake 2:5

Leyuha baana ma nguhu a me a dia: Ndziami ka mvuuru asuoli anga owuha o yula ntsie mo osa bo akiriha anga osolo ntsa oyalihi bla anga wanda Onkani, e nde alehi ndahi na baari ma dia nde ni?