Dzandza 24:14 - Obamba Kiwoyeti (mdt) NT Portions

¹⁴ Ŋa me ebuuna oduha o miisi a we mbri: me edzandza o Ndziami ankaha a saabe, na eluoniŋi e ndzila e Nkumu. Mo bo, ndzila dzia ndzila e mbi. Ŋa me eyalaha ma ama teende eso ntsa esaangumu ma angri bla ma awobi a mbari e Ndziami.

Dzandza 24:14 Iomraidhean Croise

Mbari e Like 1:70

Nde aki ama biha na otooso na kala, ma enyua ma awobi a mbari e nde ma ali epeende:

Mbari e Like 16:16

Antini ma angri a Moyize bla awobi a mbari e Ndziami asyeli o Zan Batise. Ŋa ma si baana o Zan Batise, Ntsia e Mve Onkani o Ndziami ami tooso yo, mvuuru na mvuuru osi mpari ma onyunuha ntsa onkani o Ndziami.

Mbari e Like 16:29

Abraame okaali ndi: “Bo na Moyize bla awobi a mbari e Ndziami ma odziese bo, bo ayuha bo!”

Mbari e Like 24:27

Ŋa Zezi obaani oduha bo maami ma wobihi o nde ntsa Esaangumu e Ndziami eso. Ma obaana ma esaangumu e Moyize, tii ngo esaangumu ma awobi a mbari e Ndziami eso.

Mbari e Like 24:44

Emana nde na bo ndi: «Lemono maami a me ewobihi ntini eme eki ekini bla be. Maami ma ama teende o me ntsa angri a Moyize, na Awobi a mbari e Ndziami bla a Soome, ove amoni mo.»

Dzandza 10:43

Awobi a Mbari e Ndziami aso aduhi o nde ndi, mpini mvuuru alehe oyalihi o nkuumi e Zezi, abolihi ambiini a nde.»

Dzandza 13:15

Amana oliira osaangumu angri bla awobi a mbari e Ndziami, ankumu a ndzo ma vuonoŋo aduhi ndi: «E baana ma nguhu, yuhu be na mbari eyaasa baari, be lebuuna owobo.»

Dzandza 15:5

Ŋa Afarizi ake ma ama yalaha Nkumu aya ma duha ndi: «Ove asi baari ma ama yalaha Nkumu, ma ali ka Azife ni sasi, aduhi bo ma onyiima angri a Moyize.»

Dzandza 19:23

O ntini dzia okrukusu nde mini ovi ŋa Efeze, obila o Ndzila e Nkumu.

Dzandza 19:9

Ŋa ake aki ndzala oyuha kali, bo se aki ndzala oyalaha kali. Bo ma sebe mbari e Pole ntsa okuha. Ŋa Pole onyili bo, nde obiri aluoni bla nde. Ŋa etsuhu eso nde aki awobo bla bo ntsa lekoole le Tiranose.

Dzandza 22:14

Nde se oduhi na me ndi: “Ndziami ankaha a saabe oma baana osuolo we. Mo bu ndi we oyaa ediŋi e nde. Nde oma suolo we ndi we amono mvuuru a Tele, we se oyuha dzuuyi le nde anku.

Dzandza 24:22

Felikse aki oma yaa maami a ndzila e Nkumu yemiŋi. Nde ovuuri opami mo tsuhu le kima, oduhi ndi: «Me opama dza e be, ntini e nkumu aworo Lisiase adze oya.»

Dzandza 24:5

Bisi lema mono mbri balaha dzi obi o mvuuru. Nde alehe okrukusu o mpaniŋi Azife ma esi eso. Nde nkumu okuha a Nazareye.

Dzandza 25:8

Pole ma lengulu le nde oduhi ndi: «Me eka sa dzaa e mbi ma angri ma Azife si kali o ndzo e Ndziami, na o Sezaare ni.»

Dzandza 26:22

Ŋa tii o lobi, Ndziami ama yamaŋa me. Me eselehe osiisa enyua o maami a nde o mua baari aso, na enkere na akuuru. Awobi a mbari e Ndziami bla Moyize aki ama wobo o maami ma adze oya. Ŋa me eka ma duha dzaa nkima ni.

Dzandza 26:27

E nkani Agripa, we ayalaha mbari awobi a mbari e Ndziami? Ee me eyaa mbri we ayalaha.»

Dzandza 26:4

Azife aso adziabi lebihi le me, esi wa me obusi. Bo ayaa osuumbu a me ekuli bla baari a me o Zerizaleme.

Dzandza 26:6

Ŋa bo ma pama me lobi ŋa, obila me ŋa lila o ndahi e Ndziami alehi a taara a bisi.

Dzandza 28:22

Ŋa bisi lesaha mbri we anku we oduha a we ŋa tsimiŋa. Ma oma, bisi leyaa mbri baari ma aduha maami ma abi ma okuha dzua.»

Dzandza 28:23

Bo asuoli tsuhu ma ovuniŋa bla Pole. Tsuhu dzia bo ayi akuna kuna na amono Pole o ndzo e nde. Ma obaana entsiere tii eki kolo, Pole owobo na bo, atooso bo Onkani o Ndziami. Nde awobo bo o Zezi, nde se asa ndi bo ayalaha nde. Nde aliira angri a Moyize bla esaangumu ma awobi a mbari e Ndziami.

Dzandza 3:13

Ndziami Abraame bla Izaake na Zakobe, Ndziami ankaaha a saabe, omakuusa lekuma lo odzandzi a nde Zezi. Ŋa be, be lema mpa, lema bisa nde o miisi a Pilaate. Ŋa mo Pilaate, nde aki amaduha ndi anyasaha nde.

Dzandza 5:30

Ŋa Ndziami a taara a bisi omanyuusa Zezi o ntsa leku. Zezi a be lebumi ma okomo ma lembandzi.

Dzandza 7:32

“Me Ndziami ataara a we, Ndziami Abraame, Ndziami a Izaake bla Zakobe.” Moyize aki atriha, i buuna okeese ni.

Dzandza 9:2

Sole opisi nde osaangumu etuma nde ntsa andzo ma avuonoŋo a Damase. Mo bu ndi nde onyuniŋa, omono abalaha si kali akaasi ma luonii ndzila e Nkumu, nde okuari bo, oyeni na bo Zerizaleme.

2 Timote 1:3

Me empa Ndziami a me edzandziha o nde leve bla etsimiŋi ma eve, mva esiihi ankaha a me. Ma antini aso me etsimiŋa o we, na na mui na na mpiibi, o ntsa evuoniŋi e me.

Tite 3:10

Mvuuru atsala baari, we odziesi nde odzue le ntsomi, bla le odzuele. O ngula ŋa we otsiesi nde.