Dzandza 22:5 - Obamba Kiwoyeti (mdt) NT Portions

⁵ Osi avuoŋi onini bla okuha akuuru aso, ma buuna osiisa enyua. Ma oma, bo baari ma ampihi me esaangumu ma etumiŋi me okuara baana ma anguhu ma ama yalaha Zezi, o ntini e me eyeni Damase. Ŋa me se eyeni na okuara baari ma ama yalaha Nkumu ma aki kua, ma oya na bo o Zerizaleme ma oliisa bo.»

Dzandza 22:5 Iomraidhean Croise

Mbari e Like 22:66

Tsuhu etsa, akuuru ma okuha bla asi ma avuoŋi ma anini, na ayisihi ma angri, akusihi abuha. Bo ayeni na Zezi mpili ankani ma anini, ma opama nde.

Dzandza 1:15

Ntsa etsuhu bia, Piere otemiŋi o mua baana ma anguhu. Bo aki ma buuna oto onkama na ekuumi dziele e baari. Nde oduhi ndi:

Dzandza 13:26

«Be baana ma anguhu a me, si be lema aka ombisa ŋa Abraame, si kali baari ma nyiimaŋa Ndziami o mpaniŋi e be, Ndziami oma tuma mbari evusiha dzi o saabe.

Dzandza 2:29

Baana ma anguhu a me, me eduha be asisiele o yula nkaha saabe a balaha Davide mbri: nde oma kua, ama dziiha, muuma a nde tii ngo lobi okini mpili e saabe.

Dzandza 22:1

«Baana ma anguhu a me na ataara a me, leyuha a me eduha be paraabu ŋa ma lengulu le me.»

Dzandza 23:1

Pole okui apami ma okuha ompaa, oduhi ndi: «Baana ma anguhu, me edzandzi o Ndziami na otima ove, tii ngo o tsuhu e lobi.»

Dzandza 23:6

Pole aki oyaa ndi ntsa okuha akuuru apami ake aki Asadisi, maamo Afarizi. Kia obila o nde aduhi o miisi a bo na ankala ndi: «Baana ma anguhu, me Ofarizi me se muana Ofarizi. Me na lila mva bo mbri akui ma adze onyusiha. Kia obila ma pama me o tso.»

Dzandza 26:10

Maa a me esi o Zerizaleme. Me elehi baari ma ali epeende kuna ongeneŋe. Ankumu ma asi ma avuoŋi, baari ma tumi me osa vua. Ntini ma duuhi ndi abuma bo me yalihi.

Dzandza 26:11

Me eyirihi ntsa andzo ma vuonoŋo aso. Me esuesihi bo. Me empi bo okura ma otuha Zezi a Nkumu. Me eki ema bie nkala yo mini na bo. Me etsuuri bo tii ntsa enguundu ma andzia.»

Dzandza 26:12

«Kia obila o me eyeni Damase tsuhu mo. Ankumu ma asi ma avuoŋi atumi me kua bla ŋa onkumu oso.

Dzandza 28:17

Etsuhu etari eyira, Pole otsuoli ankumu ma Azife a Rome o ndzo e nde. Ntini e bo ma kusihi abuha, nde oduhi ndi: «Baana ma anguhu a me, me eka asa dzaa e mbi o baari a saabe, si kali ma lewaanga le ankaha a saabe ni. Okoroho bo akuari me o Zerizaleme, ampi na asi Rome.

Dzandza 28:21

Ankumu ma Azife akaali ndi: «Bisi leka basaha osaangumu o we ewa ŋa Zide ni. Muana nguhu a bisi se omo aka aya na duha bisi antsia ma abi o we ni.

Dzandza 3:17

Ŋa baana ma anguhu a me, me yaa mbri be bla ankumu a be lesi vua, obila be leki i yaa ni.

Dzandza 4:5

Bo ama to na entsiere, ankumu ma Azife, bla akuuru ma Azife na ayisihi ma angri, ma kihi o Zerizaleme.

Dzandza 5:21

Bo ayuha vua, bo ayeni ndzo e Ndziami nkara entsiere etsuhu, bo aya ma ayisiha. Osi avuoŋi onini bla abuha a nde awasihi. Bo akusihi okuha akuuru ma Azife, ma ovunuŋa ma okuha onini a Isayele. Bo atumi oyaha antuma ma ongeneŋe.

Dzandza 9:14

Na asi ma avuoŋi ma anini ama mpa nde onkumu ma okura baari ma luonoŋo we endi. Na baari aso ma kasaha nkuumi e we.»

1 TIMOTE 4:14

Ka besehe puha e mpolo eli o we ni, ma ampi we o ntini awobi a ma lengulu le Ndziami ma wobi, bla ŋa ntini akuuru ma okuha ma lehi dziala oyula we.