Dzandza 22:1 - Obamba Kiwoyeti (mdt) NT Portions

¹ «Baana ma anguhu a me na ataara a me, leyuha a me eduha be paraabu ŋa ma lengulu le me.»

Dzandza 22:1 Iomraidhean Croise

Mbari e Like 12:11

Ntini ma adze obira be ntsa andzo ma avuonoho ma opama be, o miisi ma ankumu na ankani, be lekaa monoho vuoho mo mbari e be le edze owobo na a be le edze oduha ni.

Mbari e Like 21:14

Lelehe ntsa etima e be mbri: be leka sa baana oyeese maami a be leduha ni.

Dzandza 13:26

«Be baana ma anguhu a me, si be lema aka ombisa ŋa Abraame, si kali baari ma nyiimaŋa Ndziami o mpaniŋi e be, Ndziami oma tuma mbari evusiha dzi o saabe.

Dzandza 19:33

Baari ake o ntsa lemvuuru aduhi na Alikisandre dzaa leyiri. Nde mvuuru Azife ma lehi levusu. Nde osaari kuoho, ma owobo na lemvuuru.

Dzandza 23:1

Pole okui apami ma okuha ompaa, oduhi ndi: «Baana ma anguhu, me edzandzi o Ndziami na otima ove, tii ngo o tsuhu e lobi.»

Dzandza 23:6

Pole aki oyaa ndi ntsa okuha akuuru apami ake aki Asadisi, maamo Afarizi. Kia obila o nde aduhi o miisi a bo na ankala ndi: «Baana ma anguhu, me Ofarizi me se muana Ofarizi. Me na lila mva bo mbri akui ma adze onyusiha. Kia obila ma pama me o tso.»

Dzandza 24:10

Lepatima lekuyi Pole ndi nde owobo. Pole oyahi mbari ndi: «Me eyaa mbri esibi emi yira kuna e we ali opami a ma osi o bisi. Me ewobo o mua we ŋa na lila leso.

Dzandza 25:16

Me ekaali na bo mbri: “Asi Rome ma aka nyiliha mvuuru vua ni. Ove nde osa vuniŋa bla baari ma abanaŋa nde. Ove nde se oduhi e nde enyua.”

Dzandza 25:8

Pole ma lengulu le nde oduhi ndi: «Me eka sa dzaa e mbi ma angri ma Azife si kali o ndzo e Ndziami, na o Sezaare ni.»

Dzandza 26:24

Pole aki okini awobo vua, Festise owuli nkima ndi: «Pole we na lari! We oma sa lekoole kuna, lo lemi mpa we lari!»

Dzandza 28:17

Etsuhu etari eyira, Pole otsuoli ankumu ma Azife a Rome o ndzo e nde. Ntini e bo ma kusihi abuha, nde oduhi ndi: «Baana ma anguhu a me, me eka asa dzaa e mbi o baari a saabe, si kali ma lewaanga le ankaha a saabe ni. Okoroho bo akuari me o Zerizaleme, ampi na asi Rome.

Dzandza 7:2

Etiene okaali ndi: «Baana ma anguhu a me bla ataara a me, leyuha me. Ndziami lekuma amalaha nyuru e nde na Abraame a taara a saabe, ntini ekihi nde o Mosopotami. Nde aki okini odze na aka Saran ni.

2 Timote 4:16

Ntini e me ewobi ma lengulu le me o dzue le ntsomi, mvuuru se omo aka yamaŋa me ni, baari aso a subi me kalihi, ŋa Ndziami o boloho bo.