Dzandza 20:21 - Obamba Kiwoyeti (mdt) NT Portions

²¹ Me emi tsuolo Azife bla baari ma ali ka Azife ni, ma oyalaha Ndziami, na ma oyalaha Zezi a Nkumu.

Dzandza 20:21 Iomraidhean Croise

Mbari e Like 13:3

Kali, me eduha be, ŋa be obisa okaala eku, be le edze okua be aso mva bo.

Mbari e Like 13:5

Kali, me eduha be, be obisa okaala eku, be ledze okua be aso mva bo.»

Mbari e Like 15:10

Ŋa me eduha be, osuere oli na abaandzi a Ndziami ma onga ambiini omo otu akaala lebihi le nde.»

Mbari e Like 15:7

Ŋa me eduha be osuere edze oka o yulu mo nga ambiini omo otu, akaala lebihi le nde, evula ekuumi wa na baari wa, ma ali tele, bo kaama ma okaala lebihi le bo kali.»

Mbari e Like 16:28

Obila me na barihi ataani. Nde oma dziese bo, bo se i ma ya o biri ampasi dzi ni.”

Mbari e Like 24:47

Ma adze otooso mbari o nkuumi e nde, ma esi eso. Baari akaala eku, nde oboloho ambiini a bo, ma obaana o Zerizaleme.

Dzandza 10:43

Awobi a Mbari e Ndziami aso aduhi o nde ndi, mpini mvuuru alehe oyalihi o nkuumi e Zezi, abolihi ambiini a nde.»

Dzandza 11:18

Bo ayuha mbari dzia, aya pi. Bo na nde ndi: «Lekuma leka na Ndziami! Ee dzaa dzaa, baari ma ali ka Azife ni ma buuna okaala lebihi le bo. Bo se ma anyuniŋa ntsa lebihi. Ndziami mvuuru ampa bo lengulu lia.»

Dzandza 16:31

Bo akaali na nde ndi: «Yalaha Zezi a Nkumu, ŋa na we na nkuono e we, be levuuha.»

Dzandza 17:30

Ŋa ndziami aya i keese antini a baari ma aki i yaa maami maa ni. Ŋa nde aduha na baari ama esi eso, akaala eku e bo.

Dzandza 19:17

Asi Efeze aso, na Azife bla Angreke, ayuhi dzaa dzia. Bo aso amoni vuoho. Bo ayalahi onkani o Ndziami, bla onini o nkuumi e Zezi a Nkumu.

Dzandza 2:38

Piere okaali na bo ndi: «Lekaala eku, ŋa be mvuuru na mvuuru oyaha ateeme, o nkuumi e Zezi Krisi. Mo bu ndi aboloho ambiini a nde, ŋa be se lebaha puha Oduduma Santi.

Dzandza 2:40

Piere oselihi odziese bo kuna, nde osiisi enyua, ompi bo mpari. Na bo ndi: «Leyalaha Ndziami be lelabaha na ndzubu e lobi e mbi dzi!»

Dzandza 20:23

Okoroho ntsa enguundu eso, Oduduma Santi abaana odziese me ndi me edze omono mpasi me se edze ongeneŋe.

Dzandza 20:24

O me, lebihi le me anku mvunu kali. Me esaha osa dzandza e me tii ngo ntsuo. Me esa maami a Zezi a Nkumu aduhi me ma osa aso: letooso le Ntsia e mve e mpolo e Ndziami.

Dzandza 24:24

Etsuhu eke eyira, Felikse oyi bla okari a nde Drizile aki Ozife. Nde otumi oya na Pole. Nde oyuhi Pole awobo ma oyalihi o ma Zezi Krisi.

Dzandza 26:18

Ŋa we onaana bo miisi, bo atsuuha ntsa lempiibi bo aya na avuriha ma oyalala. Bo ma aka ma ka o ntsina onkumu o Sata ni. Ŋa bo ma aya na vuriha na e Ndziami mo bu ndi aboloho ambiini a bo. Bo se abaha o bo obari o wanda bla baari ma ali epeende o bila ma oyalihi o bo o ma me.”»

Dzandza 26:20

Ŋa me ebaani otooso na asi Damase, bla Zerizaleme na asi Zide bla baari ma ali ka Azife ni mbri: “Lekaala eku e be, be leyalaha Ndziami. Lesa maami ma ave ma olaha mbri be lemi kaala eku.”

Dzandza 28:23

Bo asuoli tsuhu ma ovuniŋa bla Pole. Tsuhu dzia bo ayi akuna kuna na amono Pole o ndzo e nde. Ma obaana entsiere tii eki kolo, Pole owobo na bo, atooso bo Onkani o Ndziami. Nde awobo bo o Zezi, nde se asa ndi bo ayalaha nde. Nde aliira angri a Moyize bla esaangumu ma awobi a mbari e Ndziami.

Dzandza 3:19

Lekaala eku e be, be leyalaha Ndziami, ŋa Ndziami odiisa ambiini a be.

Dzandza 8:25

Piere bla Zan amana oduha maami a Ndziami asi o bo, na letooso le mbari e Nkumu, bo avurihi Zerizaleme. Bo ayeni na otooso Ntsia e Mve ntsa ampuhu a Samari kuna.