Dzandza 18:4 - Obamba Kiwoyeti (mdt) NT Portions

⁴ Etsuhu ma awuumaŋa eso, Pole ayaha mbari ntsa ndzo ma avuonoŋo. Nde asa Azife bla Angreke oyuha.

Dzandza 18:4 Iomraidhean Croise

Mbari e Like 16:31

Abraame na nde ndi: “Bo abisa oyuha Moyize bla awobi a mbari e Ndziami, si na mvuuru onyusaha mpili akui, ma odze mpili e bo, bo ma aka yalaha ni.»

Mbari e Like 4:16

Zezi oyeni Nazarete, mpili ma kuusi nde. Nde onyunihi ntsa ndzo ma avuonoho, o tsuhu ma awuumaha, me esihi e nde e kala. Nde otemihi ma oliira Osaangumu o Ndziami.

Dzandza 13:14

Emana Bo atsiehi Perze, aluoni ndzila bo ato Antiose a Pisidi. O tsuhu ma awuumaŋa bo anyuniŋi ntsa ndzo ma vuonoŋo, aya o ntsi.

Dzandza 14:1

Ŋa Ekonyome maami ayiri ma osuumbu dzu dzua. Pole bla Bernabase ayeni ntsa ndzo Azife ma vuonoŋo. Bo atoosi mbari e Ndziami. Ŋa lemvuuru lekuna, leli Azife na leli ka Azife ni, leyalihi Zezi.

Dzandza 17:11

Azife a Bere avuli Azife a Tesalonike etsimiŋi ove. Bo ayambi mbari e Ndziami bla ove oso. Etsuhu eso bo ma liira mbari e Ndziami eli ntsa Esaangumu, ma omono yuhu maami a Pole aduuhi ali asisiele.

Dzandza 17:17

Ntsa ndzo ma vuonoŋo, nde awobo bla Azife ŋa na baari akimama avuonoŋo Ndziami. Ŋa o mua lebuhu nde se awobo bla ayiri a ndzila etsuhu eso.

Dzandza 18:13

Bo ndi: «Balaha dzi etuma baari ovuono Ndziami ma osuumbu okima, ŋa ka ma osuumbu angri ma aduha ni.»

Dzandza 18:19

Bo ato Efeze mpili e Pole anyili Prisile bla Akilase. Nde oyeni ndzo ma avuonoŋo, oya awobo bla Azife.

Dzandza 19:26

Ŋa be lema mono, be se lema yuha ma wobo o dzaa dzia. Pole yu aduha ndi: andziami a baari ma tuluha ka andziami ni. Nde oma sa baari kuna oyalaha Nkumu. Ka ŋa Efeze kuuni ntu ni, ŋa na o ntsa ngaala Asi eso.

Dzandza 19:8

Pole oyeni ndzo ma avuonoŋo. O ŋa nde oki lemihi le angondo atari, nde se aki awobo bla lila. Nde atooso Onkani o Ndziami, nde se osi mpari ma osa ndi bo ayuha.

Dzandza 26:28

Agripa okaali Pole ndi: «We atsimiŋa mbri we abuuna osa me okiriha okritie paraabu ŋa!»

Dzandza 28:23

Bo asuoli tsuhu ma ovuniŋa bla Pole. Tsuhu dzia bo ayi akuna kuna na amono Pole o ndzo e nde. Ma obaana entsiere tii eki kolo, Pole owobo na bo, atooso bo Onkani o Ndziami. Nde awobo bo o Zezi, nde se asa ndi bo ayalaha nde. Nde aliira angri a Moyize bla esaangumu ma awobi a mbari e Ndziami.

Dzandza 9:20

O ntsi na ntsi ŋa, nde oya atooso mbari ntsa andzo ma avuonoŋo ndi Zezi Muana a Ndziami.