Dzandza 17:4 - Obamba Kiwoyeti (mdt) NT Portions

⁴ Baari ake o mpaniŋi e bo ayalihi, bo se ayeni bla Pole na Silase. Ŋa na asi Ngrese kuna ma avuoniŋi Ndziami ayeni bla bo, bla ŋa akaasi kuna ma ali na etomi ma enini.

Dzandza 17:4 Iomraidhean Croise

Dzandza 13:43

Bo amana okuha dzua, Azife kuna bla baari ma ali ka Azife ni, ma nyiimiŋa angri a Moyize, aluoni pole bla Barnabase. Pole bla Barnabase awobi bla bo, ayaasi bo ma oka yemiŋi o mpolo e Ndziami.

Dzandza 13:50

Ŋa Azife atsiesi akaasi ma aki na etomi ma enini ma vuoniŋi Ndziami, na ankumu a ma onguundu. Bo asaari otohi ma osuesehe Pole bla Barnabase, bo atsuuri bo o ngaala e bo.

Dzandza 14:1

Ŋa Ekonyome maami ayiri ma osuumbu dzu dzua. Pole bla Bernabase ayeni ntsa ndzo Azife ma vuonoŋo. Bo atoosi mbari e Ndziami. Ŋa lemvuuru lekuna, leli Azife na leli ka Azife ni, leyalihi Zezi.

Dzandza 14:4

Asi onguundu kia aka ka dzaa le mo ni. Ake ngula Azife, maamo ngula antuma.

Dzandza 15:22

Ŋa antuma bla akuuru ma okuha na Okuha aso, asuoli antuma o mpaniŋi e bo. Ma odze Antiose bla Pole na barnabase. Bo asuoli Zude ma atsuoloho o Barasabase na Silase, baari ma ali na onkumu o mpaniŋi e baana ma anguhu.

Dzandza 15:27

Ŋa bisi letuma be Zude bla Silase, ma oduha be bo anku maami a bisi leteendi ntsa osaangumu.

Dzandza 15:32

Zida bla Silase bo anku aki awobi a mbari e Ndziami, ma wobo na baana ma anguhu kuna, ma oyaasa bo, mo bu ndi oyalihi o bo oyama.

Dzandza 15:40

Pole osuoli Silase. Baana ma anguhu avuoni o nde, ma olehe nde o mpolo e Nkumu. Nde se oyeni.

Dzandza 16:3

Pole aki na ndzala odze bla nde. Nde osi nde sasi obila ma Azife ma aki ma enkese bia. Ma oma, bo aso aki ama dziaba ndi taara a Timote aki ka Ozife ni.

Dzandza 17:10

Lempiibi leya, baana ma anguhu atumi Pole bla Silase Bere. Bo aso awasihi ma onguundu kia, ayeni ntsa ndzo Azife ma vuonoŋo.

Dzandza 17:12

Kuna o mpaniŋi e bo ayalihi Zezi. Na asi Ngrese, na akaasi ma ali na etomi ma enini. Abalaha kuna se ayalihi.

Dzandza 17:14

O ŋa baana ma anguhu atumi Pole mpili okeri onini. Ŋa Silase bla Timote asiili o Bere.

Dzandza 17:17

Ntsa ndzo ma vuonoŋo, nde awobo bla Azife ŋa na baari akimama avuonoŋo Ndziami. Ŋa o mua lebuhu nde se awobo bla ayiri a ndzila etsuhu eso.

Dzandza 17:34

Okoroho ake ayeni bla nde, bo se ayalihi Nkumu. O ntsa bo eki na Deni nkani o ntsa okuha ŋa Aropaze. Bla okaasi omo ma tsuolihi o Damarise, ŋa na maamo.

Dzandza 18:4

Etsuhu ma awuumaŋa eso, Pole ayaha mbari ntsa ndzo ma avuonoŋo. Nde asa Azife bla Angreke oyuha.

Dzandza 19:10

Dzaa dzia ebihi esibi dziele. Mo bu ndi baari aso ma ali o ngaala Asi na Azife bla Angreke, ayuha mbari e Nkumu.

Dzandza 2:44

Baari ma ama yalaha Ndziami aso akihi dzaa mo. Bo biibi se eki emo.

Dzandza 21:28

Bo awuli ankima ndi: «Be baari a Isayele, leya na ayamaŋa bisi. Lemono balaha eyisiha baari aso mbari e mbi ma ebiri eso. Ndi bo abele angri a Moyize, bo se abele ndzo e Ndziami. Nde oma aya na angreke ama onyuniŋa kuuni. Nde omi sobo biri opeende dzi!»

Dzandza 28:24

Ake ayalahi a nde aduhi, maamo abisi oyalaha.

Dzandza 4:23

Amana onyasaha bo, Piere bla Zan ayeni mpili abuha a bo, adughi na abugha a bo maami ma nkumu ma asi ma avuoŋi ma anini, na ma akuuru ma Azife ma duhi bo.