Dzandza 17:2 - Obamba Kiwoyeti (mdt) NT Portions

² Pole oyeni ma otiiri a nde amono Azife. Lemihi le etsuhu ma awuumaŋa etari, nde aki awobo bla bo o mbari e Ndziami eli ntsa Esaangumu.

Dzandza 17:2 Iomraidhean Croise

Mbari e Like 4:16

Zezi oyeni Nazarete, mpili ma kuusi nde. Nde onyunihi ntsa ndzo ma avuonoho, o tsuhu ma awuumaha, me esihi e nde e kala. Nde otemihi ma oliira Osaangumu o Ndziami.

Dzandza 13:14

Emana Bo atsiehi Perze, aluoni ndzila bo ato Antiose a Pisidi. O tsuhu ma awuumaŋa bo anyuniŋi ntsa ndzo ma vuonoŋo, aya o ntsi.

Dzandza 13:5

Bo ato Salamine, atoosi mbari e Ndziami ntsa andzo ma Azife ma vuonoŋo. Zan aki bla bo ma oyamaŋa bo.

Dzandza 14:1

Ŋa Ekonyome maami ayiri ma osuumbu dzu dzua. Pole bla Bernabase ayeni ntsa ndzo Azife ma vuonoŋo. Bo atoosi mbari e Ndziami. Ŋa lemvuuru lekuna, leli Azife na leli ka Azife ni, leyalihi Zezi.

Dzandza 17:10

Lempiibi leya, baana ma anguhu atumi Pole bla Silase Bere. Bo aso awasihi ma onguundu kia, ayeni ntsa ndzo Azife ma vuonoŋo.

Dzandza 17:17

Ntsa ndzo ma vuonoŋo, nde awobo bla Azife ŋa na baari akimama avuonoŋo Ndziami. Ŋa o mua lebuhu nde se awobo bla ayiri a ndzila etsuhu eso.

Dzandza 18:4

Etsuhu ma awuumaŋa eso, Pole ayaha mbari ntsa ndzo ma avuonoŋo. Nde asa Azife bla Angreke oyuha.

Dzandza 19:8

Pole oyeni ndzo ma avuonoŋo. O ŋa nde oki lemihi le angondo atari, nde se aki awobo bla lila. Nde atooso Onkani o Ndziami, nde se osi mpari ma osa ndi bo ayuha.

Dzandza 24:25

Pole oya awobo na nde ma leka le tele o miisi a Ndziami, na opami ove. Nde oduhi ndi Ndziami adze opama baari aso. O ŋa Felikse omoni vuoho, na Pole ndi: «Lesa siele ŋa lobi, sa vuriha me dila otsuolo we ntini nkima.»

Dzandza 28:23

Bo asuoli tsuhu ma ovuniŋa bla Pole. Tsuhu dzia bo ayi akuna kuna na amono Pole o ndzo e nde. Ma obaana entsiere tii eki kolo, Pole owobo na bo, atooso bo Onkani o Ndziami. Nde awobo bo o Zezi, nde se asa ndi bo ayalaha nde. Nde aliira angri a Moyize bla esaangumu ma awobi a mbari e Ndziami.

Dzandza 8:35

Ŋa Filipe oyahi mbari, obaani o biri obari osaangumu o Ndziami elirihi nde, ma otooso nde Ntsia e Mve e Zezi.

Dzandza 9:20

O ntsi na ntsi ŋa, nde oya atooso mbari ntsa andzo ma avuonoŋo ndi Zezi Muana a Ndziami.