Dzandza 17:15 - Obamba Kiwoyeti (mdt) NT Portions

¹⁵ Baari ma ayeni na Pole abiri nde tii ngo Ateene. Emana bo avurihi Bere na aduha na Silase bla Timote ndi Pole aduha ndi ledze na basaha nde asisari.

Dzandza 17:15 Iomraidhean Croise

Dzandza 15:3

Ŋa okuha Antiose ompi bo biibi e bo ma aki na kaama o dzo, ma odze na dzo opiinga. Bo avuuli Finisi bla Samari. Bo aya ma aduha osuumbu a baari ma ali ka Azife ni ma yalihi Nkumu. Ŋa baana ma anguhu aso aya o ntsa osuere bo mini.

Dzandza 17:14

O ŋa baana ma anguhu atumi Pole mpili okeri onini. Ŋa Silase bla Timote asiili o Bere.

Dzandza 17:16

Pole adila Silase bla Timote ŋa Ateene. Nde omoni ndi ntsa onguundu kia, ma vuono andziami ma otsa otsa kuna. Kia obila otima asi nde obi.

Dzandza 17:21

Ma oma asi Ateene bla andzia ma ali ŋa Ateene aso, okaha ma owobo bla leyuha le maami ma anyarihi.

Dzandza 17:22

Ŋa Pole otemiŋi ŋa Aropadze, nde oyahi mbari ndi: «Asi Ateene, me emono mbri be baari lelaha mbri be levuli ovuono.

Dzandza 18:1

Emana Pole otsiehi Ateene, oyeni Korete.

Dzandza 18:5

Ŋa ntini e Silase bla Timote ma awi Maseduane, Pole akihi ni ma otooso mbari e Ndziami. Nde aduha na Azife ndi Zezi oma kaha Krisi.

Tite 3:12

Ntini e me edze otuma we Atemase si kali Tisike, we osi asisari ma oya na abasaha me o Nikopolise. Dzia biri e me esuoli ma oke ma antini a mpebe yo mini.