Dzandza 14:1 - Obamba Kiwoyeti (mdt) NT Portions

¹ Ŋa Ekonyome maami ayiri ma osuumbu dzu dzua. Pole bla Bernabase ayeni ntsa ndzo Azife ma vuonoŋo. Bo atoosi mbari e Ndziami. Ŋa lemvuuru lekuna, leli Azife na leli ka Azife ni, leyalihi Zezi.

Dzandza 14:1 Iomraidhean Croise

Dzandza 11:21

Mpari e Nkumu eki bla bo, kia obila o baari kuna ma yalihi, bo se akalihi mpili e Nkumu.

Dzandza 13:43

Bo amana okuha dzua, Azife kuna bla baari ma ali ka Azife ni, ma nyiimiŋa angri a Moyize, aluoni pole bla Barnabase. Pole bla Barnabase awobi bla bo, ayaasi bo ma oka yemiŋi o mpolo e Ndziami.

Dzandza 13:46

Pole bla Barnabase aya ma wobo bla lila leso ndi: «Eki obaana otooso mbari e Ndziami ŋa na be ma Azife. Ŋa be lemi kemeŋe yo. Be se lema bisa lebihi le mbumbu. Kia obila eli bisi lema adze ŋa mpili e baari ma ali ka Azife ni.

Dzandza 13:5

Bo ato Salamine, atoosi mbari e Ndziami ntsa andzo ma Azife ma vuonoŋo. Zan aki bla bo ma oyamaŋa bo.

Dzandza 13:51

Abalaha a vuele ayeni na okubuha owuru a mo ntaami e bo, o mbele maami maa. Bo ayeni Ekonyome.

Dzandza 14:19

Azife awi Antiose a Pisidi bla Ekonyome. Bo aya ma diima baari ma lengulu le bo. O ŋa atini Pole akele, atusihi nde ntsa onguundu. Bo atsimiŋi ndi nde aki omi kua.

Dzandza 14:2

Ŋa Azife ake abisi oyalaha. Bo ayahi baari ma aki ka Azife ni ma lengulu le bo, mo bu ndi bo abasiha etsimiŋi ma ebi o baana ma anguhu.

Dzandza 14:21

Ntsa onguundu o Derbe, Pole bla Barnabase ma tooso Ntsia e Mve. Baari kuna akirihi aluoni. Pole bla Barnabase avurihi Liste, ŋa Ekonyome bla Antiose a Pisidi.

Dzandza 16:1

Pole oto Derbe bla Liste. O ŋa eki na oluoni omo ma tsuoloho o Timote. Nguhu a nde Ozife ama yalaha Zezi, taara aki o ngreke.

Dzandza 16:2

Baana ma anguhu ma kihi o Liste bla Ekoniome aduhi maami ma ave o nde.

Dzandza 17:12

Kuna o mpaniŋi e bo ayalihi Zezi. Na asi Ngrese, na akaasi ma ali na etomi ma enini. Abalaha kuna se ayalihi.

Dzandza 17:17

Ntsa ndzo ma vuonoŋo, nde awobo bla Azife ŋa na baari akimama avuonoŋo Ndziami. Ŋa o mua lebuhu nde se awobo bla ayiri a ndzila etsuhu eso.

Dzandza 17:4

Baari ake o mpaniŋi e bo ayalihi, bo se ayeni bla Pole na Silase. Ŋa na asi Ngrese kuna ma avuoniŋi Ndziami ayeni bla bo, bla ŋa akaasi kuna ma ali na etomi ma enini.

Dzandza 18:4

Etsuhu ma awuumaŋa eso, Pole ayaha mbari ntsa ndzo ma avuonoŋo. Nde asa Azife bla Angreke oyuha.

Dzandza 18:8

Ŋa Krispise a nkumu a ndzo ma avuonoŋo, oyalihi Nkumu bla nkuono e nde eso. Asi Korete kuna ayalihi Nkumu, ayuhi mbari e Pole bo se ayahi ateeme.

Dzandza 19:10

Dzaa dzia ebihi esibi dziele. Mo bu ndi baari aso ma ali o ngaala Asi na Azife bla Angreke, ayuha mbari e Nkumu.

Dzandza 19:17

Asi Efeze aso, na Azife bla Angreke, ayuhi dzaa dzia. Bo aso amoni vuoho. Bo ayalahi onkani o Ndziami, bla onini o nkuumi e Zezi a Nkumu.

Dzandza 19:8

Pole oyeni ndzo ma avuonoŋo. O ŋa nde oki lemihi le angondo atari, nde se aki awobo bla lila. Nde atooso Onkani o Ndziami, nde se osi mpari ma osa ndi bo ayuha.

Dzandza 2:47

Bo ma kuusa Ndziami, baari aso se aki na ndzala bo. Nkumu se aluusa baari a nde avusihi etsuhu eso ntsa okuha a bo.

Dzandza 20:21

Me emi tsuolo Azife bla baari ma ali ka Azife ni, ma oyalaha Ndziami, na ma oyalaha Zezi a Nkumu.

Dzandza 21:28

Bo awuli ankima ndi: «Be baari a Isayele, leya na ayamaŋa bisi. Lemono balaha eyisiha baari aso mbari e mbi ma ebiri eso. Ndi bo abele angri a Moyize, bo se abele ndzo e Ndziami. Nde oma aya na angreke ama onyuniŋa kuuni. Nde omi sobo biri opeende dzi!»

Dzandza 9:20

O ntsi na ntsi ŋa, nde oya atooso mbari ntsa andzo ma avuonoŋo ndi Zezi Muana a Ndziami.

2 Timote 3:11

Ntsa osuesihi, na ampasi a me emoni ŋa Antiose, ŋa Ikoniome, bla Listre. Asuesihi me kuna, ŋa Nkumu ovusihi me ntsa mo aso!