Dzandza 10:2 - Obamba Kiwoyeti (mdt) NT Portions

² Nde aki avuono na lenyiima le Ndziami bla nkuono e nde eso. Nde se aki ayamaŋa anga owuha kuna ma kihi Azife. Nde se avuoniŋi Ndziami antini aso.

Dzandza 10:2 Iomraidhean Croise

Mbari e Like 18:1

Zezi oti bo ntsintsami ma oduha bo ndi ove bo avuoni antini aso, bo i kolo ni.

Mbari e Like 2:25

Ŋa balaha mo ekihi o Zerizaleme nkuumi e nde Simion. Nde aki mvuuru a tele, anyiima Ndziami, adila na lila Ovusihi a baari a Isayele. Oduduma Santi aki o nde.

Dzandza 10:22

Bo akaali ndi: «Korneye mvuuru atumi bisi. Nde nkumu onkama aworo, nde mvuuru a tele nde se anyiima Ndziami. Ŋa Azife aso ma nyiima nde. Obaandzi opeende omo oma wobo na Korneye ndi tsuolo Piere oya ndzo e we, nde oyuha maami a we aduha nde.»

Dzandza 10:31

Nde na me ndi: “Korneye, Ndziami omi yuha evuoniŋi e we. Nde aka limaŋa apuha a we asihi anga owuha ni.

Dzandza 10:35

O ntsa esi eso, mvuuru anyiima Ndziami, asa maami a tele, Ndziami amono ove mo nde.

Dzandza 10:4

Korneye okeesi obaandzi na vuoho oso, na nde ndi: «Tso oma Nkumu?» Obaandzi okaali nde ndi: «Ndziami ama yalaha evuoniŋi e we bla apuha a we ampaha anga owuha. Ndziami aka limaŋa we ni.

Dzandza 10:7

Ŋa obaandzi awobihi bla Korneye na odze, Korneye otsuoli adzandzi a nde vuele bla oworo omo, anyiimaŋa Ndziami. Bo aki ama biha bla nde.

Dzandza 11:14

Nde oduha we maami ma vusuha we bla ndzo e we eso.”

Dzandza 13:16

Pole otemiŋi, osaari kuho na bo ndi: «Asi Isayele, be baari lenyiimaŋa Ndziami, lema yuha me!

Dzandza 13:26

«Be baana ma anguhu a me, si be lema aka ombisa ŋa Abraame, si kali baari ma nyiimaŋa Ndziami o mpaniŋi e be, Ndziami oma tuma mbari evusiha dzi o saabe.

Dzandza 13:50

Ŋa Azife atsiesi akaasi ma aki na etomi ma enini ma vuoniŋi Ndziami, na ankumu a ma onguundu. Bo asaari otohi ma osuesehe Pole bla Barnabase, bo atsuuri bo o ngaala e bo.

Dzandza 18:8

Ŋa Krispise a nkumu a ndzo ma avuonoŋo, oyalihi Nkumu bla nkuono e nde eso. Asi Korete kuna ayalihi Nkumu, ayuhi mbari e Pole bo se ayahi ateeme.

Dzandza 2:5

O ŋa eki na Azife ma nyimaŋa Ndziami, ma awi esi eso ma oya Zerizaleme.

Dzandza 22:12

O ŋa eki na balaha ma tsuoloho ma Ananiase. Nde anyiima Ndziami bla angri a Moyize. Azife a Damase aso ma dzuusa nde.

Dzandza 8:2

Baari ma nyimaŋa Ndziami adziihi Etiene. Bo alili nde kuna.

Dzandza 9:11

Nkumu na nde ndi: «Dziehe asisari ma owoombo ma tsuoloho ma owoombo a Tele. O ntsa ndzo e Zida, we opisa balaha e nkuumi Sole osi Tarse oli kua avuono.

Dzandza 9:31

Okuha oya ntsa oduusu o Zide eso, na Ngalili bla Samari. Okuha aki na mpari, anyiima Nkumu, nde akula o mpari Oduduma Santi.

Dzandza 9:36

O Zope eki na okaasi omo aki oluoni a Zezi, nkuumi e nde Tabita, ma le ngreke otsuolo nde o «Dorkase». Ma oduha ndi «seri». Dzandza e nde eki lesa la leve na leyamaŋa le anga owuha.

Zaake 1:5

Ŋa mvuuru o mpaniŋi e be okaama ntsimi, nde opisi na Ndziami adze ompa nde yo. Obila Ndziami mvuuru ampaha baari aso nyengele, nde i mpa mvuuru apisa dzua mberi ni.