Dzandza 1:15 - Obamba Kiwoyeti (mdt) NT Portions

¹⁵ Ntsa etsuhu bia, Piere otemiŋi o mua baana ma anguhu. Bo aki ma buuna oto onkama na ekuumi dziele e baari. Nde oduhi ndi:

Dzandza 1:15 Iomraidhean Croise

Mbari e Like 22:32

Ŋa me ema vuono o we obu mbri we i ma yele oyalihi ni. Ŋa ntini e we aya na vuruha, we ompi baana ma anguhu a we mpari.»

Dzandza 10:23

Piere oyambi abalaha ma atari, nde olahi bo biri e tolo. Eto na entsiere nde otemiŋi oyeni bla bo. Ŋa na baana ma anguhu a Zope se ayeni bla bo.

Dzandza 11:1

Antuma bla baana ma anguhu ma aki o Zide, ayuhi ndi baari ma aki ka Azife ni, ama yalaha mbari e Ndziami.

Dzandza 11:12

Oduduma Santi oduhi me ma odze bla bo asisari. Baana ma anguhu ma asiami a me eyi bla bo, ayeni bla me, ŋa bisi le nyuniŋi ntsa ndzo e balaha dzia.

Dzandza 11:26

Nde omoni nde kua, oyi na nde Antiose. Bo aso avuele asi osibi etiina o ntsa okuha dzua. Bo ayisihi baari kuna. Dzua odzua antsomi ma baani otsuolo aluoni a Zezi ma akritie, ŋa Antiose.

Dzandza 11:29

Aluoni ayeesi ndi mvuuru na mvuuru ompa e nde abuuna obaha. Bo atuma, ma oyamaŋa baari ma ama baana ma anguhu o Zide.

Dzandza 12:17

Nde osaari kuoho, ma oduha na bo ndi bo aka pi. Nde se oduhi bo osuumbu a Nkumu atusihi nde ma ongeneŋe. Nde ovurihi oduhi bo ndi: «Leduha Zaake bla baana ma anguhu ma amo.» Emana nde otsuhi oyeni otsui okima.

Dzandza 14:2

Ŋa Azife ake abisi oyalaha. Bo ayahi baari ma aki ka Azife ni ma lengulu le bo, mo bu ndi bo abasiha etsimiŋi ma ebi o baana ma anguhu.

Dzandza 15:1

Abalaha ake awi Zide ma osuriha Antiose a Siri, bo ayisihi baana ma anguhu ndi: «Ove asi be sasi mva angri a moyidze ma duha. Vwa kali, be leka buuna ovuuha ni.»

Dzandza 15:3

Ŋa okuha Antiose ompi bo biibi e bo ma aki na kaama o dzo, ma odze na dzo opiinga. Bo avuuli Finisi bla Samari. Bo aya ma aduha osuumbu a baari ma ali ka Azife ni ma yalihi Nkumu. Ŋa baana ma anguhu aso aya o ntsa osuere bo mini.

Dzandza 16:2

Baana ma anguhu ma kihi o Liste bla Ekoniome aduhi maami ma ave o nde.

Dzandza 16:40

Pole bla Silase atsuuha ma ongeneŋe, ayeni mpili e Lidi. Bo amoni baana ma anguhu a bo. Bo ayaasi bo, emana ayeni.

Dzandza 17:10

Lempiibi leya, baana ma anguhu atumi Pole bla Silase Bere. Bo aso awasihi ma onguundu kia, ayeni ntsa ndzo Azife ma vuonoŋo.

Dzandza 17:14

O ŋa baana ma anguhu atumi Pole mpili okeri onini. Ŋa Silase bla Timote asiili o Bere.

Dzandza 17:6

Ŋa bo aka mono bo ni. Bo ayeni na Zason bla ŋa baana ma anguhu ake ma ama yalaha Nkumu, mua ankumu a ma onguundu kia. Aya ma wula ankima ndi: «Baari ba ama sa lesuhu ma esi eso, ŋa bo ami to kuuni.

Dzandza 18:18

Pole ovurihi obihi o Korete. Emana nde onyili baana ma anguhu. Oyahi mbuungu oyeni Siri, bla Prisile na Akilase. Nde osa baana owuna otsui o Sakre, obila ma okesi a nde alabi.

Dzandza 18:27

Apolose asaha odze Akayi. Baana ma anguhu ayaasi nde ma odze. Bo ateendi aluoni ma ali kua osaangumu. Ma oduha ndi bo ayamba Apolose yemiŋi. Nde oto kua, nde oyamiŋi baari ma ama yalaha Nkumu mo mpolo e Ndziami.

Dzandza 21:17

Bisi leto Zerizaleme, baana ma anguhu ayambi bisi na osuere oso.

Dzandza 21:20

Akuuru ma okuha ayuha vua, bo akuusi lekuma le Ndziami, bo na Pole ndi: «Muana nguhu a bisi, we amono Azife a kuna ami baha oyalihi, bo aso se ma nyiima angri.

Dzandza 21:7

Bisi lemani opiinga a bisi o Tiire, bisi leto Tolomayise. O ŋa bisi lewoosi baana ma anguhu, letsi tsuhu mo bla bo.

Dzandza 22:5

Osi avuoŋi onini bla okuha akuuru aso, ma buuna osiisa enyua. Ma oma, bo baari ma ampihi me esaangumu ma etumiŋi me okuara baana ma anguhu ma ama yalaha Zezi, o ntini e me eyeni Damase. Ŋa me se eyeni na okuara baari ma ama yalaha Nkumu ma aki kua, ma oya na bo o Zerizaleme ma oliisa bo.»

Dzandza 28:14

O ntsa onguundu kia lebasihi baana ma anguhu. Bo atsuoli bisi ma osa etsuhu ntsaami bla bo. Dzua osuumbu a bisi leyeni Rome.