2 Timote 4:1 - Obamba Kiwoyeti (mdt) NT Portions

¹ Me eselehe oduha we o miisi a Ndziami bla a Zezi Krisi, adze oya na pama baari ma ali muo bla ma amakua, me eduha we lo o nkuumi e Krisi adze oya bla onkumu o nde se:

2 Timote 4:1 Iomraidhean Croise

Mbari e Like 19:12

Ŋa nde ndi: «Balaha mo eki mvuuru onini, na nkuono e nde se eki baari ma anini. Nde oyeni osi o la, ma oyaha mbara onkani. Emana nde oyi na avuriha.

Mbari e Like 19:15

Ŋa si o bo ma beli nde, ampi nde onkani, nde oyi na avuriha. Nde otsuoli adzandzi a nde ampi adoro o paani e nde. Ma oyaa ombuungu a mvuuru na mvuuru asi.

Mbari e Like 23:42

Emana nde oluusi ndi: «Zezi yibaha me o ntini e we adze oya ma oka nkani.»

Dzandza 10:42

Zezi otumi bisi otooso baari maami maa, na lesiisa le enyua ndi: Zezi mvuuru a Ndziami asuoli ma opama baari ma ali muo bla akui.

Dzandza 17:31

Ndziami oma yeese tsuuhu mo, e nde adze opama baari a ma yula ntsie aso, bla opami a tele. Nde aki oma suolo mvuuru omo otu o maami maa. Nde oma laha ndiimi oyalihi e nde anyuusi nde o ntsa leku!»

1 TIMOTE 5:21

Me eselehe ojisiha we o miisi a Ndziami bla a Krisi Zezi, na abaandzi a Ndziami ma ama suolo mbri, nyiima maami maa yemiŋi, we i ka ma lengulu le mvuuru ni, we se i pama reeŋe ni.

2 Timote 1:10

Nde oma laha saabe mpolo dzia lobi ma edziihi e Zezi Krisi ovusihi. Nde oma buuna mpari leku, nde se oma sa okieme lebihi le mbumbu obila mo Ntsia e Mve.

2 Timote 2:14

Ŋa maa aso, ove we yubihi bo mo o miisi a Ndziami, bo i toho o mpaniŋi e bo o yula ampura a mbari ni. Etohi bia otsa, o ngula letsala le baari ma yuuha bo.

2 Timote 4:18

Nkumu adze ovusuha me o maami ma abi aso, nde se adze ovusaha me ma onyuniŋa ntsa Onkani o nde o yulu. Lekuma leka na nde ma antini a mbumbu! Amene.

2 Timote 4:8

Ma obaana o tsuhu lobi ami ntsuusa me ongundza opami o Nkumu adze ompa me o tsuhu opami. Nde ali opami a tele, ŋa ka me otu ni, na o baari ma adze odia edziihi e nde.

Tite 2:13

Dzua osuumbu ledila eve e saabe le eki le ema lehe tari o dzo: o tsuhu edze oya lekuma le Ndziami a saabe onini bla ovusihi Zezi Krisi.