2 Timote 2:24 - Obamba Kiwoyeti (mdt) NT Portions

²⁴ Odzandzi a Nkumu nkaa i toho bla abuha ni, nde nkaa oka o ntsa oduusu bla abuha, mvuuru abuuna oyisiha. Ove nde osi okiini o maami a baari ma woboho.

2 Timote 2:24 Iomraidhean Croise

Dzandza 15:2

Ekemi evi o mpaniŋi e bo bla Pole ŋa Barnabase. Ŋa otohi onini ovi o mpaniŋi baari baa. Aduhi ndi Pole bla Barnabase na ebi baari eke adze Zerizaleme. Bo atiha dzaa dzia na antuma bla akuuru ma okuha.

Dzandza 23:9

Baari aso aya ma wula ankima. Ayisihi ma angri ake a ma otsui Afarizi, atemiŋi aduhi na mpari eso ndi: «Bisi lemono mbri mvuuru yu aka sa dzaa e mbi ni. Odidima leke mvuuru awobi na nde, si kali obaandzi?»

Dzandza 7:26

Eto na entsiere ma emo, Moyize omoni baari a Isayele vuele madzuana. Nde oyi na akuara bo, na bo ndi: “Abuha a me be mvuuru omo. Be ledzuana ŋa ma oma?”

1 TIMOTE 6:11

Ŋa we ali mvuuru a Ndziami, labaha na maami maa! Sa mpari ma osa maami a tele: we onyiima Ndziami bla oyalihi na dia, sa nkomoŋo ntsa oduusu.

Tite 1:1

Me Pole, odzandzi a Ndziami, me se ntuma a Zezi Krisi, ma osa ndi baari a Ndziami ama suolo abaha oyalihi, bo ayaa asisiele ma tuma bo ma osa maami ma ave o miisi a Ndziami.

Tite 1:7

Ma oma nkumu okuha ove oki mvuuru a tele, obila nde akielehe biibi e Ndziami. Nde i ka mvuuru ali na ndzamba na nkala ni, nde se i nyua mali a kuna ni, nde se i dzuana angru ni. Nde i saha obaha o ngula baari ni.

Tite 1:9

Ove nde oselihi oyalaha mbari e dzaa dzaa oyalihi, mva ma yisihi. Ove nde oki mvuuru ayaasaha abuha, ntsa eyisihi ma opeende. Ma olaha etamiŋi e baari ma bisiha maami a nde.

Tite 3:2

Bo i duha dzaa e mbi o mvuuru ni. Bo aki anga oduusu, bo aki baari ma ave mo alaha oduusu o bo o miisi a baari aso.

Zaake 1:1

Me Zake, me odzandzi a Ndziami bla a Nkumu Zezi Krisi, me ewooso embisa e kuumi na dziele me ema tsalaha o yula ntsie eso, ambulu a be.

Zaake 3:17

Ŋa ntsimi e yulu obaana oka ni tse tse. Omana yo na oduusu, yo oka angru kali, yo ekoso abuha, ntsimi na nkerihi e baari, ntsimi esa mvuuru obaha eku ma eve. Yo i pama reŋe ni, ntsimi ompiele kali.

Zaake 4:2

Be na ndzala kiila okoroho be i buuna obaha tso ni. Be na mbumi bla mfunuŋa muo, mo vua be i buuna osa dzaa se mo ni. Ŋa be letoho be ledzuana. Be i baha ni, obila be i pisa ni.